@ మతం - సైన్సు @

మతమూ 

మత విశ్వాసాలూ నమ్మకాలూ

తరచుగా గాయపరిచేసుకుంటాయి

మనోభావాలను

శాస్త్రమూ 

శాస్త్ర జ్ఞానమూ విజ్ఞానమూ

గాయపరచుకోవు ఎప్పుడూ  

తమ మనోభావాలను

**********

భిన్నమైన 

అభిప్రాయాలనూ 

వ్యతిరేకమైన వ్యాఖ్యానాలనూ 

ఎంతమాత్రం సహించదు మతం 

పరస్పరమూ 

భిన్నమైన అభిప్రాయాలను

పూర్తిగా వ్యతిరేకమైన వ్యాఖ్యానాలనూ

సహృదయంతో స్వీకరిస్తుంది సైన్సు

***********

మార్పును అంగీకరించదు 

తనని తాను సంస్కరించుకోదు

తను ప్రతిపాదించిన విలువలే శాశ్వతమూ నిత్యనూతనమూ

అంటుంది మతం 

మార్పును అంగీకరిస్తుంది 

తనని తాను సంస్కరించుకుంటుంది

తన ప్రతిపాదనలే సత్యమని శాశ్వతమనీ

మంకుపట్టు పట్టదు సైన్స్ 

************

గుడ్డి నమ్మకాలూ

అంధ విశ్వాసాలూ 

ఇవే పునాది మతానికి

ప్రశ్నలూ తర్కమూ హేతువూ 

కుతూహలమూ పరిశీలనా పరిశోధనా

ఇవే ఇవే.... ఆధారం సైన్సుకు

*********

మతమూ

మత నమ్మకాలూ విశ్వాసాలూ 

అణచేయాలనీ తుడిచిపెట్టేయాలని చూసినా

పురోగమిస్తూనే ఉంటుంది సైన్సు 

శాస్త్రీయతా....

తార్కికమైన ఆలోచనా 

హేతుబద్ధమైన పరిశీలనా శోధనా వికశించేకొద్దీ 

అనివార్యంగానే సమసిపోతుంది మతం

********

మతములన్నియూ 

మాసిపోవును 

జ్ఞానమొక్కటే నిలచీ 

వెలుగులు విరజిమ్మును

- రత్నాజేయ్ (పెద్దాపురం)

-