శ్రీ మూక పంచశతి:

శ్రీ మూకశంకర విరచిత 

మూక పంచశతి

శ్రీకామాక్షి పరదేవతా వైభవ వర్ణన

స్తుతి శతకం

🙏🌸🙏🙏🙏🌸🙏

 

శ్లోకము:-

*దంతాదంతిప్రకటనకరీ దంతిభిర్మందయానైః*

*మందారాణాం మదపరిణతిం మథ్నతీ మందహాసైః||*

*అంకూరాభ్యాం మనసిజతరోః అంకితోరాః కుచాభ్యాం*

*అంతః కాంచి స్ఫురతి జగతాం ఆదిమా కాపి మాతా||79||*

 

భావము:

మెల్లనినడకలతో ఏనుగులతో పోటీని ప్రకటింపజేయుచున్నదై ( సవాలు చేయుచు) చిరునవ్వుతో మందారపుష్పముల మదపరిపాకమును మధించుచున్నదై మన్మధుడను వృక్షమునునకు అంకురములైన స్థనములతో ముద్రితమైన వక్షస్సుగలదై జగత్తులకు మూలమైన ఒకానొక తల్లి ( జగన్మాత) కాంచీనగర మధ్యమందు ప్రకాశించుచున్నది;

 

శ్లోకము:-

*త్రియంబకకుటుంబినీం త్రిపురసుందరీం ఇందిరాం*

*పుళిందపతిసుందరీం త్రిపురభైరవీం భారతీమ్|*

*మతంగకులనాయికాం మహిషమర్దనీం మాతృకామ్*

*భణంతి విబుధోత్తమా విహృతిమేవ కామాక్షి తే||80||*

 

భావము:

ఓ కామాక్షీ! నీయొక్క విహారమునే పండితోత్తములు శివుని పత్నినిగాను, త్రిపురసుందరినిగాను, లక్ష్మినిగాను, వేటగాని ఇల్లాలిగాను, త్రిపురభైరవిగాను, సరస్వతినిగాను, మాతంగినిగాను, మహిషాసురమర్ధినిగాను, మాతృకావర్ణమాలగాను చెప్పుచున్నారు;

 

🔱 ఆ తల్లి 

పాదపద్మములకు నమస్కరిస్తూ 🔱 

🙏🌸🌸🌸🌸🌸🙏.