@ ఆత్మానందం @

చదవడం ఇష్టం నాకు

నే చదివిన పుస్తకం గురించి

నలుగురిలో మాట్లాడడం ఇంకా ఇష్టం నాకు

నా మాటలు విని 

ఆ పుస్తకం చదవాలని 

అనుకునే వారి చెంతకు

ఆ పుస్తకాన్ని చేరవేయడం 

మరీ మరీ మరీ ఇష్టం నాకు

నేనేదో గొప్ప సాహితి సేవ చేసేస్తున్నాననే

వెర్రి భ్రమలు లేవు నాకు

పుస్తకాలు కొంటున్నావు

ఆ పుస్తకాలు తిరిగి అమ్ముతున్నావు

అసలు ఏమొస్తుంది నీకు దీనివల్ల

అని విసుక్కుంటున్నారు ఇంట్లోని వాళ్ళు

కాసుల వెనుక

పరుగులు తీసే ఈ యాంత్రిక లోకంలో

నాలుగు అక్షరాలకై ఆరాటపడే నాలాంటి మరికొందరు ఉన్నారంటే ... ఆనందం కాదా మరి

హంగులు ఆర్భాటాలు

ప్రదర్శించే ఈ నాగరిక ప్రపంచంలో

అనుభవాల భావాల అనుభూతుల పత్రహరితంకై

అన్వేషించే నా లాంటి మరికొందరు ఉన్నారంటే .... చెప్పలేనంత మనోబలమే కదా మరి

ఏమొస్తుంది నాకు దీని వల్ల

ఏ మనిషికైనా అంతిమ లక్ష్యం ఆనందం

అదిగో అటువంటి అంతులేని ఆనందం ఒనగూడుతుంది నాకు ఈ పనిలో మరి.

- రత్నాజయ్ (పెద్దాపురం)