🪸🔥🪸🔥🪸🔥🪸🔥🪸

*🪷పుణ్యప్రాప్తికి పుష్పపూజ🪷"*

*🍁🥀భగవంతుని ఆరాధించడంలో పూజ చేసే సమ యంలో పుష్పాలకు ఒక ప్రత్యేక స్థానం వుంది. పుష్ప పూజకు మనం ఎంతో ప్రాధాన్యతనిస్తాము. ఎంతో ఇష్టంగా స్వామి పాదాలవద్ద పువ్వులను వుంచి భక్తిపూర్వకంగా నమస్కరిస్తాము. అంతేకాదు ఆయ నను వివిధ రకాల రంగుల పువ్వుతో అలంకరించి ఆనందిస్తాము. ఎన్నో రకాల పువ్వులు ఈ జగత్తులో భగ వాన్ మనకు ప్రసాదించాడు. ఆ పుష్పాలను ఆయనకే చెందేవిగా భావించి, వాటిని మరే విధంగానూ ఉపయోగించని వారెందరో వున్నారు*..

*🍁శ్రీకృష్ణపరమాత్మ చెప్పినట్లుగా భక్తిపూర్వకంగా పరిశుద్ధమైన మన స్సుతో ఎవ్వరైతే ఆయనకు ఆకును గానీ, ఒక పువ్వును గానీ, ఒక పండును గానీ, కొద్దిపాటి జలాన్ని గానీ సమర్పించిన యెడల అట్టివారి యొక్క భక్తి నైవేద్యాన్ని తృప్తిగా ఆర గిస్తాను అన్నారు. ఈ పువ్వులతో పూజ చేసే విషయంలో ధనికులని గానీ, పేదలను గానీ తారతమ్యం లేదు. పువ్వులు అందరికీ అందుబా టులో వుంటాయి. మన పురాణ గాథల్లో ఎందరో. భక్తులు ఆ స్వామికి ఫలపుష్పాదులను సమర్పించి ధన్యులైనారన్న ఉదంతాలు మనకు కనపడతాయి*.

*🌹విదురుడు ద్రౌపది ఆ సర్వేశ్వరునికి పత్రాలను సమర్పించారు. ఇక గజేంద్రుడు స్వామిని పుష్పాల తోనే అర్చించాడు. శబరి ఫలాలను సమర్పించు కుంది. రంతిదేవుడు తోయమును సమర్పించుకు న్నాడు. ఇక మరో విశేషమైన పుష్పం అందరి యందూ దాగివుంది. అదే మానసిక పుష్పం.*

*🌺జగద్గురు ఆదిశంకరాచర్య స్వామివారు ఈ మానసిక పుష్పాలనే పూజకు వినియోగించారు. శివానంద లహరిలో ఈ విధంగా వివరించారు*.

*🪸అహింసా ప్రధమం పుష్పం, పుష్పం ఇంద్రియ నిగ్రహం*,

*సర్వభూత దయాపుష్పం, క్షమాపుష్పం విశేషతః శాంతిపుష్పం, తపఃపుష్పం,* *ధ్యాన పుష్పం తదైవచ* *సత్యమిష్ట విధం పుష్పం*

*విష్ణో: ప్రీతికరం భవేత్*

*అనగా ఆహింస, ఇంద్రియ నిగ్రహం, సర్వభూత దయ, క్షమాగుణం, శాంతి, తపస్సు, ధ్యానం, సత్యం అనే ఎనిమిది మనఃపుష్పాలను ఆ సర్వేశ్వ రునికి ప్రీతికరంగా సమర్పించుకోవాలన్నారు, ఆయనపై పరిపూర్ణ విశ్వాసాన్ని వుంచి, చిత్తశుద్ధితో ఈ మానసిక పుష్పాలను సమర్పించుకోవాలి. పాపపరిహారానికీ, పుణ్యప్రాప్తికీ, ఐశ్వర్యాభివృద్ధికీ, పుష్పమాల తప్పనిసరి అని కులార్ణవ తంత్రం చెబుతోంది,,*.

*🌷ఇక పూజకు పనికిరాని పువ్వుల గురించి కూడా మన పెద్దలు చెప్పారు. పురిటివారు, మైలవున్నవారు బహిష్టులైనవారు పువ్వులను తాకరాదన్నారు. అలాగే క్రింద భూమ్మీద పడిన పువ్వులనూ, వాసన చూసిన పువ్వులనూ, కడిగిన పువ్వులనూ పూజకు వినియోగించరాదు,*

*🌻ఎడమ చేత్తో కోసిన పువ్వులు పూజకు పనికి రావు. మీరు పూలు కోసేటప్పుడు విడిచిన దుస్తు లను మరలా ధరించి కోయరాదు. శుచిగా స్నాన మాచరించిన తర్వాతే పూవులను కోసి పూజకు ఉప యోగించాలి. వాడిపోయిన పువ్వులనూ, దుర్గంధ భూయిష్టమైన పువ్వులనూ పూజకు ఉపయోగించ రాదు,*.

*🏵️ఈ పువ్వులను పూజ చేసేటప్పుడు కూడా కొన్ని పద్ధతులను పెద్దలు చెప్పారు. మధ్యవేలు ఉంగ రపు వేలుతో పువ్వులను తీసుకుని దైవానికి సమ ర్పించాలి. అలా పువ్వులను భగవంతు నికి సమర్పించేటప్పుడు, పువ్వులు క్రింది ముఖంగా వుండకుండా జాగ్రత్త పడాలి*.

*🌈పుష్పాంజలి సమర్పించే సమ యంలో ఈ విషయానికి అంత ప్రాముఖ్యత ఇవ్వకుండా తదేక ధ్యానంతో స్వామికి పువ్వులు సమ ర్పిస్తూ అర్చనలూ, స్తోత్ర పఠనాలూ గావించటం కద్దు. ఇంకో విషయం కూడా ఇక్కడ చెప్పాల్సి వుందిక్కడ. బిల్వ దళాలకూ, తులసీ దళాలకూ ఈ నియమాలు వర్తించవు. వాటిని ఏ విధంగానైనా సమర్పించుకోవచ్చును. మిగతా పుష్పాలనూ, ఫలాలనూ, అవి ఏ విధంగా చెట్టుమీద వుంటాయో ఆ విధంగానే మనం దైవానికి అర్పించుకో వాలి అని చెబుతారు*.

*🌺ఇక్కడ మనం ప్రత్యేకంగా తులసి దళం గురించి చెప్పుకోవాలి. ఆధ్యాత్మి కంగానేగాక ఈ దళాలకు ఆరోగ్యప రంగా కూడా ఎంతో ప్రాధాన్యత ఇవ్వ బడింది. మహర్షులు ఈ తులసిని చిన్న పెద్ద వ్యాధు లకు దివ్యమైన ఔషధంగా పేర్కొన్నారు. తలసీదళా లను సేవిస్తే సమస్త పాపాలూ నశిస్తాయనీ, స్మరిస్తే శరీరంలోని వ్యాధులనుండి విముక్తి లభిస్తుందనీ ధర్మగ్రంథాలు చెబుతున్నాయి. ఏం చేసినా, ఎలా చేసినా భక్తిముఖ్యంగా మనం గుర్తుంచుకుని స్వామివారిని సేవించుకోవాలి.*

🌈🪸🌈🪸🌈🪸🌈🪸🌈