🔔 *అనగనగా...* 🔔

ఒకరోజు ఒక కోర్టు లో జడ్జి గారి ముందుకు ఒక విచిత్రమైన కేసు వచ్చింది

ఫిర్యాదు దారుడు ఒకతను ఈ విధంగా ఫిర్యాదు చేశాడు

నేను ప్రతియేటా ప్రభుత్వానికి పలురకాల పన్నులు కడుతున్నాను.

నాకు బాగా తెలిసిన ఒక #పురోహితుడు తాను సంపాదించిన ధనానికి ప్రభుత్వానికి Tax #చెల్లించడం_లేదు.

కావున

తమరు తగు విచారణ జరిపి అతని సంపాదన నీ #అక్రమసంపాదనగా గుర్తించి అతనిని తగిన విధంగా శిక్షించగలరని నామనవి🙏

ఆ సదరు పురోహితుని పిలిపించిన జడ్జి గారు

పురోహితునితో

జడ్జి:- మీరు ధనాన్ని #అక్రమంగా సంపాదించారా? లేక #సక్రమంగా సంపాదించారా? అని ప్రశ్నించారు.

దానికి

పురోహితుడు:- నేను సంపాదించినదంతయు సక్రమమే.

దీనిలో..ఇసుమంతయు అక్రమం కాదు.

జడ్జి:- అయితే "అంత ధనాన్ని సక్రమంగా ఎలా సంపాదించారో వివరించండి"

పురోహితుడు:-

నేను చేసిన ధర్మకార్యాలు వేల"ల్లో ఉంటాయి..అందులోని ఒకటి చెబుతాను వినగలరు అంటూ

అయ్యా..!

ఒక రోజు ధనవంతులైన దంపతులిద్దరూ కలిసి ఆత్మహత్య చేసుకోవడానికి ఒక చెరువు వద్దకు వచ్చారు.

నేను ఆ సమయంలో సంధ్యావందనం చేస్తున్నాను...ఆ సమయంలో వారు చేసుకోబోయే అకృత్యాన్ని చూసి వారించాను.

'ఆత్మహత్య మహాపాపం' అని వివరించి వారిని ఆ ప్రయత్నం నుండి వారిని #విరమింప చేసి స్వాంతన కలిగించాను.

నా మాటపై #విశ్వాసంతో వారు వెనుదిరిగి ఇంటికి వెళ్లారు,

కొద్ది రోజుల తరువాత నాపై గౌరవంతో నా అడ్రస్ కనుక్కుని మరీ వచ్చి..నేను వద్దన్నా వినకుండా కొంత ధనాన్ని ఇచ్చి..మమ్ము 'ఆశీర్వదించండి' అని వేడుకున్నారు. అప్పుడు నేను..వారికి 'సంతాన సిద్ధిరస్తు' అని ఆశీర్వదించాను.

కొన్ని సంవత్సరాల తరువాత వారికి కలిగిన సంతానాన్ని వెంటబెట్టుకొని ఆనందంతో నావద్దకు వచ్చి,

నా కుమారునికి మీ ఆశీస్సులు అందచేయండి. అని ప్రాధేయపడ్డారు.

దానికి నేను 'మీ పిల్లవాడు బాగా చదివి ప్రయోజకుడు అవుతాడు. మీకు మంచి కీర్తి ప్రతిష్టలు తీసుకొని వస్తాడు.' అని ఆశీర్వదించాను.

ఆ సమయంలో ఆనందంతో వారు మరికొంత ధనం ఇచ్చి వెళ్ళారు.

మరికొన్ని సంవత్సరాల తరువాత ఈ మధ్యనే ఆ ధనవంతుడు తన కుమారుడు ప్రయోజకుడయ్యాడనే విషయం తెలియ జేయడానికి నా ఇంటికి వచ్చి ఆశీర్వాదం అడిగాడు.

నేను ఆ దంపతులిద్దరిని 'ఆయురారోగ్య వృద్ధిరస్తు' అని ఆశీర్వదించాను.

అప్పుడతను తన వద్ద ఉన్న ధనంలో మరికొంత ధనాన్ని ఇచ్చి ఆనందంగా ఇంటికి వెళ్ళాడు.

అయ్యా..!

ఇలా నాకు కనబడిన వారిని నిత్యం #జాగృతం చేస్తూ..నావద్దకు వచ్చిన #వారినందరినీ ఆశీర్వదిస్తూ..ఏది #సమాజహితమో చెబుతూ ఉంటాను..బదులుగా వాళ్ళిచ్చే తృణమో ఫలమో తీసుకుంటుంటాను.

బహుశా ఈ విధంగా నేను ధనవంతుణ్ణి అయ్యాను అనుకుంటున్నాను.

నేను సంపాదించిన ధనము సక్రమమైనదో లేక అక్రమమైనదో తమరే తీర్పు ఇవ్వండి అన్నాడు.

పై విషయం అంతా సావధానంగా విన్న జడ్జిగారు ఈ విధంగా తీర్పు ఇచ్చారు.

"ఆరోజున ఆత్మ హత్య చేసుకోవాలనుకున్న ఆదంపతులను ఈ పురోహితుడు వారించకుండా ఉంటే వారికి తర్వాత జీవనం ఉండేది కాదు.

కొన్ని రోజులకు వారు తమ తప్పు తెలుసుకొని పశ్చాత్తాపంతో కృతజ్ఞతా పూర్వకంగా కొంత ధనం ఇవ్వడం పూర్తిగా ఆమోద యోగ్యమైనదే. ఆ ధనం సక్రమమైనదే.

అటుపిమ్మట కొన్ని రోజులకు వారు సంతానవంతులై పుత్రుడు పుట్టాడనే ఆనందంలో మరికొంత ధనం ఇచ్చారు. అదియును సక్రమైనదే !

మరికొన్ని రోజులకు కొడుకు ప్రయోజకుడయ్యాడనే సంతోషంతో మరికొంత ధనం ఇచ్చారు. అది కూడా సక్రమమే.

మరియు ధనవంతుని శేష జీవితం ఆయురారోగ్యాలతో ఉంటుందని తెలుసుకొని ఆనందంగా జీవిస్తున్నారు.

ఈ విషయంలో ఎక్కడా #పురోహితుని సంపాదన అక్రమమని తెలుపలేము.. అని తీర్పు వెల్లడించారు.

ఈ సందర్భంలోనే జడ్జి గారు:- "అయ్యా ఇంత ధనాన్ని మీకు ఇచ్చి పుణ్యాత్ములైన ఆ ధనవంతులు ఎవరో తెలుసుకోవాలనే ఉత్సాహంతో ఉన్నాను.

వారు ఎవరో తెలుపగలరా?

"ఆ పుణ్య దంపతులు మీ తల్లిదండ్రులే !" అని తెలియచేశారు పురోహితుల వారు.

వెంటనే దుఃఖంతో తను కూర్చున్న స్థానం నుంచి దిగి వచ్చి పురోహితునికి సాష్టాంగ నమస్కారం చేసాడు జడ్జి.

#పురోహితుడీ ఆశీర్వాద బలం ఎంతో శక్తివంతమైనది.

వారిని చిన్నచూపు చూడవద్దు.

ఆ... చెప్పడం మరిచిపోయా...

మీరు ఎప్పుడూ #బ్రాహ్మణ సమాజాన్ని వెనకేసుకొస్తారు అనకండి🙏

పురోహితుడు అంటే...బ్రాహ్మణుడే కానక్కరలేదు...అర్చకుడు & పూజారే కానక్కరలేదు...ఒక్కో వృత్తికి ఒక్కో పేరు ఉన్నట్టే!

బ్రాహ్మడు, సధ్బ్రాహ్మణుడు,పంతులు,పూజారి,అర్చకుడు,సిద్ధాంతి,జ్యోతిష్యుడు,పురోహితుడు అందరూ ఒక్కరే అని కాదనుకుంటా..

పురోహితుడు అంటే ఎవరో కాదు...పుర + హితుడు= పురోహితుడు..అనగా

పురము/ఊరి'కి #హితమును చేసేవాడు...తన సమాజహితుడే పురోహితుడు🙏