ఆలోచించు !
గమ్యం లేని జీవితం
దారి తప్పిన ప్రయాణం వంటిది !
లక్ష్యం లేని జీవితం
అగమ్య గోచరం
ఏ తీరం చేరుతుందో తెలియదు !
విలువలతో ఎదగడం అనేది
బలమైన పునాది గల
ఇల్లు వంటిది. !
సాధించాలనే తపన ఉంటే
మనిషి ఎందాకైనా వెళతాడు !
స్తబ్దతలో కూర్చోవడం కంటే
శబ్దంతో కూడిన
జీవితం విలువైనది. !
సమస్య సమిష్టిది అయినప్పుడు
కలిసికట్టుగానే కదిలి
పరిష్కరించుకోవాలి. !
కష్టం లేకుండా ఫలితం రాదు
ఫలితాన్ని నిలబెట్టుకోవడానికి కూడా
కష్టపడాల్సి ఉంటుంది. !
జీవితానికి లక్ష్యం
ఏర్పరచుకున్న వారు
ఎన్ని అడ్డంకులు ఎదురైనా
లెక్క చేయక అధిగమిస్తారు. !
జీవితం పట్ల పూర్తి అవగాహన ఉంటే
ఆలోచించి అడుగులు వేస్తారు. !
విలువలు తప్పిన సమాజంలో
విద్రోహులు పురుడు
పోసుకుంటారు. !
శిక్షలు లేని సమాజం లో
నేరస్తులు చెల్లరేగిపోతారు. !
పైపై మెరుగులకు ఆకర్షితులైతే
దీప కాంతికి ఆకర్షితమైన పురుగులా
ఆహుతి గాక తప్పదు. !
స్వేచ్ఛ సమాజంలో
విచ్చలవిడితనం
అనర్థదాయకమైనది !
కష్టపడకుండా
అన్ని దేవుడిపై భారం వేసేవారు
బద్ధకస్తులుగా మారిపోతారు
ఎందుకు పనికి రారూ
అవమానాల పాలవుతారు. !
స్వశక్తి పై ఆధారపడిన వారు
ఎవరి సహాయానికి ఆశపడరు. !
కనువిప్పు కలగనంతవరకు
గతపు మంచి చెడులు అర్థం కావు. !
ఆదిపత్యపు ధోరణులు అన్నీ
అంతరించి పోవడానికే .!
స్వార్థపు రాజకీయ చదరంగంలో
బలి అయ్యేవారు అమాయకులే. !
విచక్షణ వివేచణ లోపిస్తే
అంధకారమవుతుంది
జీవిత ప్రయాణం. !
మార్పు కావాలి అనుకుంటే
ముందుగా నువ్వు మారాలి. !
సుఖము శాంతి లోపించడమే
నరకమని గుర్తించుకోవాలి. !
ఆనంద జీవితానికి ఒత్తిడిని
తగ్గించుకోవాలి !
మనం మంచి వారమే కావచ్చు
అందరూ అలాగే ఉంటారని
ఊహించకు ఎప్పుడూ. !
స్వార్థపు ఆలోచనలే
తప్పుడు మార్గంలోకి మల్లి స్తాయి. !
బాధ్యతలు అనేవి
కుటుంబం పట్లనే కాదు
సమాజ పరంగా కూడా ఉండాలి. !
ఎత్తు పల్లాలను సరి చేయనిదే
బ్రతుకు బండి సాఫీగా సాగదు. !
ఎవరో వస్తారు ఏదో చేస్తారని
ఎదురు చూసే బదులు
ఆ వ్యక్తివి నువ్వే అయ్యి
సమస్యలు పరిష్కరించుకోవాలి. ! !
___ రా జ్
No comments:
Post a Comment