ఉగాది ప్రత్యేక సందేశాత్మక ఆటవెలది పద్య కవిత:-

కవి: హోమియో డాక్టర్ సకురు అప్పారావు గారు! 

9848025870

9133331039

శీర్షిక:-

"కోకిలమ్మ గొంతు మూగబోయింది"

వనము చెంతజేరె వాసంతమేతెంచ

కోకిలమ్మ మురిసి కూయుచుండె

బుజ్జి పిల్లలరచి పోటీలు పడుచుండ

పాట పైకి పెంచి పరవశించె

కోకిలమ్మ రాక కొత్త శోభలు దేగ

తనను బిడ్డ లాగె దలచె వనము

వనము దరికి వచ్చె వాసంతమెల్లనూ

కోకిలమ్మె యిపుడు గొత్త రాజు

కాపు జెరుచు పురుగు గాయల్ని దినుచునూ

పరవశించు లాగ పాడుచుండె

ఇటుల గడుచుచుండ నెటునుండి వచ్చెనో

ఒకడు యముని లాగ నుగ్రరూపి

తనదె దోట యనుచు దనవనీ చెట్లన్ని

పిట్ట బురుగు జూచి పేచి 

బెట్టి

ఒక్క కాయ గూడ నొగ్గేది లేదంటు

వింత మందు జల్లి  విషము నింపె

కోకిలమ్మ దోట గూయుచూ తిరిగేను

తాను ఎరుగ లేదు తప్పు జరిగె

తోట నున్న విషము దోచేను ఉసురునూ

రాజు లేడు యిపుడు రాగమాగె

కోకిలమ్మె గాదు గూలేను జీవెల్ల

పాడు మనిషి జేసె పాపమెంత

వనము గుండె చెదిరి వరదల్లె విలపించె

తనదు బిడ్డ గతికి దల్లడిల్లె

వనము తోను గలసి వాసంత మెల్లనూ

గుండె పగిలి యేడ్చి గొల్లుమనెను

కన్న బిడ్డ లాంటి గాన కోకిల లేక

వీడిపోదు ననెను విషపు తోట

కరకు నరుడ నీవు గాయలే దినబోవ

తిన్న పిదప నీకు దెగులు రాద

మందు విషము బట్టి మంచాన బడమంది

దేహ వాతమొచ్చి దేకమంది

కోప శాప మొసగె గుండెలే  బరువెక్కి

కరుణ లేని నరుని గసిగ దిట్టి

వనము నిడిచి వెళ్ళె వాసంత మెల్లనూ

తోడు వెళ్ళలేని దోట నొదిలి

            -*-*-*-

కవిత యొక్క భావం:-

వసంత కాలం సమీపించగానే కోకిలమ్మ చక్కని తోటలోకి ప్రవేశించింది! కోకిలమ్మ ఆనందంతో పరవశించి కూయుచూ పాటలు పాడుతుంటే చిన్న పిల్లలు కూడా కోకిలమ్మతో పాటూ పోటీలు పడుతూ కూతలు పెడుతుంటే కోకిలమ్మ కూడా ఇంకా స్వరం పెంచి రాగాలు తీస్తుండేది! 

కోకిలమ్మ రాక వనానికి కొత్త అందాలను, ఆనందాన్ని తేవడంతో తోట కోకిలమ్మను పండుగకు వచ్చిన తన కన్న బిడ్డలా భావించి, అక్కున చేర్చుకుంది! కోకిలమ్మ కూతలతో వసంత కాలం కూడా వచ్చేసింది! కోకిలమ్మ తోటంతా తనదే నన్నట్లు, తానే ఈ తోటకు కొత్తగా  రాజైనట్లు స్వేచ్ఛగా తిరిగేది!

కోకిలమ్మ తోటలో కాపలా తిరుగుతూ, కాపుకు హాని చేసే పురుగులనూ, చిగుళ్ళనూ, కాయలనూ ఏరుకుతింటూ, జనులంతా ఆనందంతో పరవశించేలాగా పాడుతూ తిరిగేది! ఇలా తిరుగుచుండగా ఒకరోజు ఎక్కడి నుంచి వచ్చాడో తెలియదు గానీ తోటలోనికి ఒకడు యముడిలాగా ప్రవేశించి, ఈ తోటంతా పరిశీలించి, కళ్ళు ఎరుపెక్కి, కోపంతో ఊగిపోయాడు! 

ఈ తోట, ఈ చెట్లూ అన్నీ తన సొంతమనీ, ఇక్కడ ఉండే పిట్టలకూ, పురుగులకూ ఒక్క కాయ కూడా వదిలి పెట్టేది లేదని గొడవ గొడవ చేసేసి, ఏదో ఒక వింతైన విషపూరితమైన పురుగు మందును తెచ్చి, తోటంతా జల్లించాడు! 

జరిగిన కుట్ర తెలియని కోకిలమ్మ ఎప్పటిలాగే కూయుచూ తోటలో తిరిగేసింది! జరగాల్సిన తప్పు అప్పటికే జరిగిపోయింది, విషపు ప్రభావానికి కోకిలమ్మ గురై, చనిపోయింది, కోకిలమ్మ గొంతు శాశ్వతంగా  మూగబోయింది! ఇప్పుడింక ఈ తోటకు రాజు లాంటి కోకిలా లేదు, దాని రాగాలూ లేవు!

ఈ పాడు మనిషి చేసిన పాపపు పనికి కోకిల మాత్రమే గాక ఆ తోటలో బ్రతికే అనేక చిన్న ప్రాణులన్నీ చనిపోయాయి! కోకిలమ్మను కన్న బిడ్డలా భావించిన వనం కోకిల మరణంతో తల్లడిల్లి, గుండె చెదిరి, వరదలా ఏడ్చింది! 

వనంతో పాటుగా వసంతము కూడా గుండె పగిలేలా ఏడ్చి, తనకు కన్న బిడ్డలాంటి కోకిలమ్మే లేకుండా పోయాక నేనిక్కడ ఉండలేను, ఈ విషం నిండిన తోటను వదిలి నేను కూడా పోతానని పలికింది! 

"ఓయీ! కఠినమైన మనస్సు కలిగిన మనుషుల్లారా! ఎందుకిలా ప్రవర్తిస్తున్నారు? ఈ విషపు మందు జల్లిన కాయలు మీరు తినరా? తింటే మీకేమీ కీడు కలగదా? చూడండి, ఇటువంటి కాయలు తిన్న మీరు లేనిపోని జబ్బులతో మంచాన పడి, దానితో పాటూ పక్షవాతం కూడా వచ్చి, కాళ్ళు పనిచేయక, నేలపై దేక్కుంటూ, పాక్కుంటూ తిరుగుతారు చూడండి! "

అని వసంతం బరువెక్కిన గుండెలతో కరుణ లేని మనిషిని కసిగా శపించి తిట్టుకొని, తన వెంట రాలేని తోటను అక్కడే విడిచిపెట్టి, విషాదంతో వసంతం మొత్తం తరలి వెళ్ళిపోయింది!

          -*-*-*-

ఈ "విశ్వావసు" నామ తెలుగు వత్సరాది నుంచీ ప్రతీ ఇంటిలోనూ, ప్రతీ రామాలయంలోనూ రామాయణం నిత్య పారాయణం జరిగే సాంప్రదాయం మొదలై, ప్రతీ మనిషిలోనూ సత్సాంప్రదాయ గుణాలు పెరిగి, పెద్దలను గౌరవించి, పూజించి, రక్షించే పిల్లలు పెరగాలని,  అదేవిధంగా మీ అందరికీ సకల శుభాలు కలగాలని కోరుకుంటూ..... ఉగాది శుభాకాంక్షలతో... మీ హోమియో డాక్టర్ సకురు అప్పారావు! 🙏🙏🙏

 *మౌనం...మహాభాగ్యం*

*"రోజూ ఒక్క అరగంట మౌనంగా ఉంటే చాలు.* 

*చక్కటి శారీరక, మానసిక ఆరోగ్యం మీ సొంతమవ్వటమే కాదు - మీ ఆశలు ,ఆశయాలు, కలలు, కోరికలు అన్నీ నెరవేరుతాయి" అని చెబితే నమ్మగలరా?* 

*నమ్మలేం కదూ? కాని ఇది నిజం. అదెలా సాధ్యం ? ప్రయత్నిస్తే తెలుస్తుంది ఎలా సాధ్యమో?*

*ఉదయం లేచింది మొదలు రాత్రి పడుకునే వరకు ఎంతసేపు మనం మాట్లాడతాం ?* 

*ఎప్పుడైనా లెక్కేశారా?*

*పోనీ ఎంత సేపు మౌనంగా ఉంటాం ?* 

*ఒక్కళ్ళమే ఇంట్లో ఉంటే మౌనంగా ఉంటాం కదా?* 

*అప్పుడు ఎవరితో మాట్లాడతాం అంటారా ?* 

*దానికి నిపుణుల సమాధానమేమిటో చూద్దాం.*

*మౌనంగా ఉండటమంటే ఇంట్లో* *పనులు చేస్తూ, లేదా ఏ టీ వీ లోని*

*కార్యక్రమాన్నో చూస్తూ,*

*కంప్యూటర్ ముందు కూర్చుని ఇంటర్నెట్  బ్రౌజ్ చేస్తూ -*

*ఇది కాదు మౌనమంటే.*

*అచ్చంగా మౌనంగా ఉండటం* 

*ఈ పనులు అన్నీ చేస్తున్నప్పుడు మన నోరు మాట్లాడక పోయినా,*

*మనసులో అలోచనలు పరుగులు పెడుతూనే ఉంటాయి. అవి మనల్ని మన నుంచి వేరుగా ఉంచుతాయి*

*అదే - కళ్ళుమూసుకుని మాటని, మనసుని మౌనంలోకి జార్చామనుకోండి...*

*ఓ పదినిమిషాలు చాలు..*

*కళ్ళు తెరిచాకా చూస్తే... హాయిగా ఉంటుంది.*

*మౌనం మనకి మనల్ని దగ్గర చేస్తుంది.* 

*రోజంతా ఎవరెవరితోనో మాటలు, వాదనలు, కోపాలు,  అరుపులు... అక్కడితో అయిపోతుందా?*

*అవన్నీ మనసులో చేరి ఆలోచనలుగా మారి* 

*ఉక్కిరి బిక్కిరి చేస్తాయి.* 

*వదిలించుకోవటమెలా ?* 

*సింపుల్. కాసేపు మౌనంగా కళ్ళు మూసుకోవటమే.*

*దాన్ని ధ్యానమనండి, మెడిటేషన్, ప్రాణాయామం...* *ఏదైనా కావచ్చు.*

*ఏకాగ్రతగా శ్వాసపై ధ్యాస పెట్టగలిగితే చాలు.* 

*అ తరువాత - అంతకు ముందు వరకు ఉన్న చికాకు*

*ఇట్టే మాయమవుతుంది.*

*అంతేకాదు, మౌనంగా ఉండటం వల్ల మాటలు చక్కగా వస్తాయి. ఎలా అంటారా?*

*మౌనం మనల్ని అంతర్ముఖుల్ని చేస్తుంది.*

*దాంతో ఆత్మవిశ్వాసం పెరుగుతుంది.* 

*ఆత్మవిశ్వాసం ఉన్న మనిషి మాటలు ఎప్పుడూ సూటిగా, స్పస్టంగా ఉంటాయి.*

*బెరుకు, బెదురు, అనవసరమైన కబుర్లు ఏవీ ఉండవు. అవి ఎదుట వ్యక్తులకు మనపై నమ్మకాన్ని, గౌరవాన్ని పెంచుతాయి.*

*ఆచితూచి మాట్లాడటం చేతకానితనం కానేకాదు.*

*తనపై తన ఆలోచనలపై తనకున్న పట్టును తెలియచేస్తుంది.*

*చేజారిన కాలం, పెదవి దాటిన పలుకు వెనక్కి రావు. అందుకే వాటిని ఎంత జాగ్రత్తగా ఉపయోగించుకోవాలో తెలిసి తీరాలి.*

https://chat.whatsapp.com/ChpRnHo8IWJAiY31fQgdN5

*ఉదయం లేచిన దగ్గుర్నుంచి అన్ని రకాల అనుభూతులు, భావపరంపరలు మనల్ని పట్టి ఆపేస్తుంటాయి.*

*వాటి ప్రభావం మనస్సుపై పడుతుంది.*

*ఒత్తిడి, చికాకు మొదలవుతాయి.*

*అవి మన మాటలపై, చేతలపై ప్రభావాన్ని చూపిస్తాయి.* *ఫలితంగా మానవ సంబంధాలు కోపతాపాలు, ఆరోపణల మధ్య ఇరుక్కుంటాయి.*

*తిరిగి వాటి ప్రభావం మన మనస్సుపై..*

*ఇలా ఓ చక్రం తిరిగినట్టు ఒకదాని వలన మరొకటి.*

*ఈ చక్రాన్ని ఆపే అవకాశం మన చేతుల్లోనే వుంది.* 

*అదే "మౌనం".*

*ఆ మౌనం లో ఏ అలోచనలూ ఉండకూడదు.* 

*ప్రశాంతంగా మనసుతో మమేకమై ,*

*ఓ పదినిమిషాలయినా ఉండగలిగితే చాలు.*

*ఫలితం ఏమిటన్నది  చెప్పటమెందుకు ?*

*మీరే తెలుసుకోండి.*

🙏🙏🙏

 *🌺 ఆదిత్యుని విశిష్టత - శ్రీ ఆదిత్య కవచం🌺*

సూర్యుడు సమస్త సృష్టికి వెలుగును ప్రసాదించేదైవం.  

ఆదిత్యహృదయం, సౌరసూక్తం, సూర్యనమసన్మారములు 

ద్వారా రోగములు నివారింపబడతాయన్నది పురాణఉవాచ.

 

రుగ్మతలతో పాటు దారిద్రము తీర్చగలిగే శక్తిమంతుడు శ్రీ 

సూర్యనాయకుడు. దారిద్యమునకు ములకారకుడైన శనిమవాదేవుడు ఈ సూర్యనారాయణుని సుపుత్రుడు కనుక, సూర్యారాధన  దారిద్యమును నిర్మూలింపగలదు.

పురాణ ఇతిహాసములందు శ్రీ సూర్యనారాయణుని మహిమకు ఎన్నో తార్కణములు కనిపిస్తాయి.

1) వశ్వామిత్ర మహర్షిచె సృష్టింపబడినటువంటి గాయత్రి మంత్రము సూర్యనారాయణుడికే అర్పితం చేయబడింది.

 

2) అరణ్యవాస మందు ధర్మరాజు సూర్యోపాసన చేసి అక్షయపాత్ర 

పొందాడు.

3) యజ్ఞవల్కనుకి, ఆంజనేయునికి వేదశాస్తములు నేర్పింది సూర్యుడే.

 

4) శ్రీకృష్ణుని కుమారుడు సాంబుడిని కుష్టురోగమునుండి 

విముక్తి  కల్పించారు సూర్యుడే 

 

5) సూర్యభగవానుడి వ్రభాత కిరణములు సంజ్ఞాకిరణములు 

గృహమునందు క్రమం తప్పకండా నిత్యము ప్రసరించినచో ఆ ఇంట నున్న వాస్తు దోషములు తొలగిపోవును. భూత ప్రేత పిశాచములు చేరవు.

*🌹🙏  శ్రీ ఆదిత్య కవచం*

🌸🌿🌸🌿🌸🌿🌸🌿🌸🌿🌸🌿

ఓం భాస్కరాయ విద్మహే మహద్యుతి కరాయ ధీమహి తన్నో ఆదిత్యః ప్రచోదయాత్||

అస్య శ్రీ ఆదిత్య కవచ స్తోత్ర మహామన్త్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్య ప్రసాద సిద్ధ్యర్థే జపే వినియోగః |

ధ్యానం :–🌹🙏

జపా కుసుమ సంకాశం ద్విభుజం పద్మహస్తకమ్|

సిన్దూరాంబర మాల్యం చ రక్తగంధానులేపనమ్ |

మాణిక్యరత్నఖచిత-సర్వాభరణభూషితమ్|

సప్తాశ్వరథవాహం తు మేరుం చైవ ప్రదక్షిణమ్ ||

దేవాసురవరైర్వన్ద్యం ఘృణిభిః పరిసేవితమ్ |

ధ్యాయేత్పఠేత్సువర్ణాభం సూర్యస్య కవచం ముదా ||

🌷కవచం :–🌷

ఘృణిః పాతు శిరోదేశే సూర్యః పాతు లలాటకమ్ |

ఆదిత్యో లోచనే పాతు శ్రుతీ పాతు దివాకరః ||

ణం పాతు సదా భానుః ముఖం పాతు సదారవిః |

జిహ్వాం పాతు జగన్నేత్రః కంఠం పాతు విభావసుః ||

స్కంధౌ గ్రహపతిః పాతు భుజౌ పాతు ప్రభాకరః |

కరావబ్జకరః పాతు హృదయం పాతు నభోమణిః ||

ద్వాదశాత్మా కటిం పాతు సవితా పాతు సక్థినీ |

ఊరూ పాతు సురశ్రేష్టో జానునీ పాతు భాస్కరః ||

జంఘే మే పాతు మార్తాణ్డో గుల్ఫౌ పాతు త్విషాంపతిః |

*పాదౌ దినమణిః పాతు పాతు మిత్రోఽఖిలం వపుః ||

ఆదిత్యకవచం పుణ్యమభేద్యం వజ్రసన్నిభమ్ |

సర్వరోగభయాదిభ్యో ముచ్యతే నాత్ర సంశయః ||

సంవత్సరముపాసిత్వా సామ్రాజ్యపదవీం లభేత్ |

అశేషరోగశాంత్యర్థం ధ్యాయేదాదిత్యమండలమ్ ||

🌷ఆదిత్య మండల స్తుతిః :–🌷

అనేకరత్నసంయుక్తం స్వర్ణమాణిక్యభూషణమ్ |

కల్పవృక్షసమాకీర్ణం కదంబకుసుమప్రియమ్ ||

సిందూరవర్ణాయ సుమండలాయ సువర్ణ రత్నాభరణాయ తుభ్యమ్ |

పద్మాదినేత్రే చ సుపంకజాయ బ్రహ్మేన్ద్ర-నారాయణ-శంకరాయ ||

సంరక్త చూర్ణం ససువర్ణతోయం సకుంకుమాభం సకుశం సపుష్పమ్ |

ప్రదత్తమాదాయ చ హేమపాత్రే ప్రశస్తనాదం భగవన్ ప్రసీద ||

ఇతి ఆదిత్యకవచమ్ ||

ఓం భాస్కరాయ విద్మహే మహద్యుతి కరాయ ధీమహి తన్నో ఆదిత్యః ప్రచోదయాత్||🙏🌹

 *ఉగాది ఈ నెల 30 న శ్రీవిశ్వావసు నామ సంవత్సరం!!!* 

*🥭తెలుగు సంవత్సరాది ఉగాది. జీవన రాగాన్ని ఆలపించే కోయిల గానాలు, మమతల పరిమళాలు పంచే ప్రసవాలతో ఆహ్లాద వాతావరణం. కష్టాల వడగాడ్పులకు చలించక చైత్రంలో తరువుల్లా స్థిరంగా నిలవడమే లక్ష్యం. ఒక్కోసారి ఆశల ఆకులు రాలినా మళ్లీ చిగురు తొడుగుతుందనే ధీమా, నవ జీవితానికదే నాంది, మరెన్నో ఉగాదులకు పునాది.*

*🥭చైత్ర మాసంలో ప్రకృతి సప్త వర్ణ శోభితం ఆవుతుంది. మోడువారిన తరువులు చిగురాకుల చీరలు చుట్టి హొయలుపోతాయి. అందాకా మూగబోయిన కోకిల గొంతు సవరించుకుని కిలకిలరావాలు పలికిస్తుంది. పల్లవాలు సోయగాలు. పోతే మల్లెలు మధుర పరిమళాలు వెదజల్లుతాయి. ఎటు చూసినా ఆనందాలు ఆహ్లాదాలతో హృద్యంగా ఉంటుంది. చైత్ర మాసాన్ని మధుమాసంగాను పిలుచు కుంటాం. మధువు అంటే తేనె. జీవితం తేనెలా అమృతతుల్యం కావాలనేది ఆంతర్యం.*

*🥭పురాణాలను అనుసరించి బ్రహ్మదేవుడు ఈ సమస్త చరాచర విశ్వాన్ని చైత్రమాస శుక్లపక్ష పాడ్యమి నాడు ప్రారంభించాడు. అందుకే చైత్ర ఆరంభ దినాన్ని వేడుక చేసుకోవడం ఆనవాయితీ. అబ్బాదౌ నింబకుసుమం శర్కరామఘృతైర్యుతం భక్షితం పూర్వయామే తు తద్వర్షే సౌఖ్యదాయకం శతాయు వజ్రదేహాయ సర్వసంపత్కరాయ చ సర్వారిష్ట వినాశాయ నింబకం దశభక్షణం.*

*🥭ఉగాది రోజున మన శక్తికి తగ్గట్టుగా పూర్ణ కుంభదానం చేయడం శ్రేష్ఠం. వెండి, రాగి లేదా మట్టి పాత్రను నీళ్లతో నింపుతారు. అందులో గంధం, పూలు, అక్షతలు, మామిడి, వేప, మోదుగ, నేరేడు, అశోక తదితర పత్రాల చిగుళ్లు వేసి పూజిస్తారు. ఆ కుండను గురువులకు కానీ పెద్దలకు కానీ ఇంటి పురోహితుడికి గానీ ఇచ్చి వారి ఆశీస్సులను పొందుతారు.*

*🥭చైత్రే మాసి జగద్భహ్మ ససర్జ ప్రథమేహని శుక్లపక్షే సమగ్రం తు తదా సూర్యోదయే సతి*

*🥭శ్రీమహావిష్ణువు మత్స్యావతారమెత్తి సోమకాసురుడి నుంచి వేదాలను రక్షించి బ్రహ్మదేవుడికి అంద జేశాడు. ఆ శుభదినమే ఉగాది అనే కథనము ఉంది. కొన్ని ప్రాంతాల్లో ఉగాదిని మత్స్య జయంతిగా వేడుక చేసుకునే ఆచారం ఉంది.*

*🥭ఉగాది నాడు ఏం చెయ్యాలి?*

*🥭ఉగాది అంటే ముందుగా గుర్తొచ్చేది ఉగాది పచ్చడి. షడ్రుచుల సమ్మేళనమైన ఆ ప్రసాదం సేవించడం తోపాటు ఆచరించాల్సిన శాస్త్రోక్త విధులున్నాయి.*

*🥭నూతన సంవత్సర కీర్తనాద్యారంభం ప్రతి గృహధ్వజారోహణం నింబ పత్రాశనం వత్సరాది శ్రవణం నవరాత్రారంభః*

*🥭నూతన సంవత్సర ఆరంభాన్ని సూచిస్తూ ఉగాది ఆసన్నమయ్యే వేళ భగవత్ కీర్తనలు పాడుకుంటు కాలక్షేపం చెయ్యాలి. ద్వారాలను తోరణాలతో అలంకరించాలి. తీపి, పులుపు, కారం, చేదు, ఉప్పు, వగరు కలగలసిన పచ్చడిని ఆస్వాదించాలి. ఇందులో ఉపయోగించే పదార్థాలన్నీ ఆరోగ్యదాయకమే. ముఖ్యంగా వేపపూత శరీరంలో చేరిన క్రిములను నశింపచేస్తుందని ఆయుర్వేదం చెబుతోంది. జీవితంలో ఎదురయ్యే కష్ట సుఖాలను సమానంగా స్వీకరించాలనేందుకు ప్రతీకగా షడ్రుచులతో మిశ్రితమైన ఉగాది పచ్చడి సేవిస్తారు. ఎలాంటి అనుభవం ఎదురైనా స్థిరచిత్తంతో ఎదుర్కోవాలనే హితబోధ ఇందులో ఉంది. దాన్ని ఆరగించేముందు.*

*🥭శతాయుర్వజ్రదేహాయ సర్వసంపత్కరాయ చ*

*సర్వారిష్ట వినాశాయ నింబకం దళ భక్షణం అనే శ్లోకం పఠించాలి.*

*🥭ఉగాది పచ్చడి సేవనంతో వజ్ర సమానమైన దేహం, దీర్ఘాయుష్షు లభిస్తాయన్నారు మహర్షులు.*

*🥭తిథిప్రోక్తం మను బ్రహ్మ వారస్య మయసంభవం నక్షత్రం త్వష్ట రూపంచ శిల్పయోగం తదైవచ దైవజ్ఞం కరణంబైన ఇత్యేత అంగ లక్షణం*

*🥭దీన్ని బట్టి తిథిని మన బ్రహ్మ, వారాన్ని మయబ్రహ్మ, నక్షత్రాన్ని త్వష్ణబ్రహ్మ, యోగాన్ని శిల్పి బ్రహ్మ, కరణాన్ని విశ్వజ్ఞబ్రహ్మ ఇలా పంచాంగాన్ని పంచబ్రహ్మలు సృష్టించారని. అర్ధమవుతోంది. ఈ పంచ బ్రహ్మలనే సనాతన బ్రహ్మలని పిలుస్తారు.*

*🥭పంచాంగ శ్రవణం ఎందుకు?*

*🥭తిధౌశ్చ శ్రియమాప్నోతి వారాదాయుష్యవర్ధనం నక్షత్రాత్ హరతే పాపం యోగాద్రోగ నివారణం కణాత్కార్యసిద్ధిస్తు పంచాంగ ఫలముత్తమం కాల విత్కర్మకృత్ ధీమాన్ దేవతానుగ్రహం లభేత్*

*🥭మనం ఏం చేసినా సత్ఫలితాలను ఆశిస్తాం. అందుకే పంచాంగ శ్రవణానికి ప్రయోజనాలను కల్పించారు. మహర్షులు. తిథుల శ్రవణ ఫలితంగా సంపదలు, వార శ్రవణంతో దీర్ఘాయుష్షు, నక్షత్రం గురించి తెలుసుకోవడం వల్ల పాపహరణం, యోగ శ్రవణమూలంగా రోగ నివారణ, కరణ శ్రవణ ఫలంగా కార్యసిద్ధి ప్రాప్తిస్తాయన్నారు. కనుకనే ఉగాదినాడు పంచాంగ శ్రవణంతో తరిస్తారు.*

*🥭ఆధ్యాత్మిక కోణం బంధుమిత్రులతో జీవితాన్ని నిత్య నూతనంగా మలచుకోవడమే పర్వదినాల అంతరార్థం. ఉగాది కూడా అందరితో కలిసి వేడుకలా జరుపుకోవాలి.*

*🥭అబ్దాదౌ బంధుసంయుక్తే మంగళస్నానమాచరేత్ వస్త్రం రాభరణై ర్దేహమలంకృత్య తత శ్శుచిః*

*🥭ఉగాది కాల సంబంధమైన పర్వం కనుక ఆదిత్యుణ్ణి, విశ్వసృజనకు ఆరంభ దినం కాబట్టి సృష్టికర్త బ్రహ్మను ఆరాధించాలి. అలాగే ఇష్టదేవతలను పూజించి, పెద్దల ఆశీస్సులు అందుకోవాలి. శ్రీరామ నవమిని తొమ్మిది రోజులపాటు ఘనంగా నిర్వహించడం ఆచారం. దానికి ఆరంభదినం ఉగాదే.*

🙏🌹🌴🪔🪔🪔🪔🌴🌹🙏

అలంటి అమ్మాయి కావాలి || ఆచార్య ప్రశాంత్

అలంటి అమ్మాయి కావాలి || ఆచార్య ప్రశాంత్

 https://youtube.com/shorts/vHjq_VJha0w?si=C0jhH3NHv7vGuFO0

మొత్తం పురుష వర్గం ఏదైతే ఉందో వారు వెతికేది పూర్తిగా శరీర భావన మాత్రమే ఉండి బుర్ర తక్కువ ఉండే అమ్మాయిలను శరీరం పూర్తిగా యవ్వనంగా పెద్దగా గ్రోన్ అప్ గా ఉండి మానసికంగా డంప్ గా ఉండే అమ్మాయిలను ఎందుకంటే అలాంటి అమ్మాయిల నుండి తమ స్వార్ధం తీర్చుకోవడం చాలా సులభం కాబట్టి ఆమె ఎక్కువ ప్రశ్నలు అడగదు మీరు ఆమెను ఈజీగా ఫూల్ చేయొచ్చు మీరు ఆమెతో ఎలా కావాలంటే అలా ఆటలాడొచ్చు ఆమె ఎక్కువ రెసిస్ట్ చేయదు ఆపై అమ్మాయిలకు కూడా అనిపిస్తుంది వారి చిన్న పిల్లల లాంటి ప్రవర్తనను క్యాపిటలైజ్ చేసుకోవాలని వెపనైజ్ చేయాలని వారు మరి దాన్ని ఆయుధంగా ఉపయోగిస్తారు మీకు ఆమె దగ్గర నుండి అదే కావాలి ఆమె మీకు అదే చూపించి వెంటనే మిమ్మల్ని గెలుచుకుంటుంది నౌ యు హావ్ బీన్ ఓన్ ఓవర్ ఈ విషయం నేను అంటున్నాను రెండు వైపుల నుండి వర్తిస్తుంది అబ్బాయిలకు కూడా వర్తిస్తుంది వారు కూడా ఇదే ఉపయోగిస్తారు ఈ క్యూట్ నెస్ అనే కాన్సెప్ట్ ని వారు ఆయుధంలా వాడుతారు 

 🏏 "జీవితం మరియు క్రికెట్... ఒక్కటేనా?"  

జీవితపు సవాళ్లు క్రికెట్ మైదానంలోని బౌన్సర్లు, యార్కర్లు లాగా వేగంగా వస్తాయి! ప్రతి బంతికి హుషారైన షాట్ లాగా, ప్రతి సమస్యకూ స్మార్ట్ సొల్యూషన్ ఉంటుంది కదా? 🌟  

📖 నా కొత్త వ్యాసం "వారి విజయ రహస్యం అదేనా?"  

క్రికెట్ టీమ్ స్ట్రాటజీలు – జీవిత సూత్రాలు ఒక్కటేనని, సవాళ్లను అవకాశాలుగా మార్చే మెంటాలిటీని అన్వేషించే ఈ ఆర్టికల్ ఇప్పుడు తర్జనిలో ఉంది!  

👉 పూర్తి ఆర్టికల్ చదవడానికి: [https://tharjani.in/is-that-the-secret-of-their-success/](https://tharjani.in/is-that-the-secret-of-their-success/)  

💬 చదివాక మీ అభిప్రాయాలు తెలియజేయండి!  

- జీవిత ఛాలెంజెస్ని ఎలా హ్యాండల్ చేస్తారు?  

- క్రికెట్ నుంచి నేర్చుకున్న పాఠాలు ఏమిటి?  

📌 ఎందుకు చదవాలి?  

- బాట్స్మన్ కి బంతి లాగా జీవితంలోనూ ఫోకస్ ఎలా?  

- ఫెయిల్యూర్లను సిక్సర్ గా మార్చే టిప్స్!  

షేర్ చేయండి, చర్చలో పాల్గొనండి! 🙌  

#LifeAndCricket #తర్జని #విజయరహస్యాలు #TeluguWriters #Inspiration  

"బౌలర్ను ఓడించేది బ్యాట్ కాదు... మనస్సులోని ధైర్యం!" 💥

 **లిపిడ్ ప్రొఫైల్**  

*అద్భుతంగా వివరించబడింది*  

ఒక ప్రముఖ వైద్యుడు లిపిడ్ ప్రొఫైల్‌ను ఒక ప్రత్యేక మార్గంలో వివరించేందుకు ఒక అందమైన కథను పంచుకున్నారు.  

**మన శరీరాన్ని ఒక చిన్న పట్టణంగా ఊహించుకోండి.** ఈ పట్టణంలోని ప్రధాన ఇబ్బంది కలిగించేవారు *కొలెస్ట్రాల్*. వారికి కొన్ని సహాయకులూ ఉన్నారు. ప్రధాన సహచరుడు *ట్రైగ్లిసరైడ్*. వారి పని ఏమిటంటే, రోడ్లపై తిరుగాడి గందరగోళాన్ని సృష్టించడం, మార్గాలను అడ్డుకోవడం.  

*హృదయం* ఈ పట్టణం యొక్క సిటీ సెంటర్. అన్ని రోడ్లు హృదయానికి దారితీస్తాయి. ఇబ్బంది కలిగించేవారి సంఖ్య పెరిగినప్పుడు ఏమి జరుగుతుందో మీకు తెలుసు. వారు హృదయం యొక్క పనితనాన్ని దెబ్బతీయడానికి ప్రయత్నిస్తారు.  

కానీ మన శరీర-పట్టణానికి ఒక పోలీస్ ఫోర్స్ కూడా ఉంది.  

*HDL* మంచి పోలీస్, ఇబ్బంది కలిగించేవారిని అరెస్ట్ చేసి జైలులో (కాలేయం) ఉంచుతాడు. కాలేయం వారిని శరీరం నుండి డ్రైనేజ్ సిస్టమ్ ద్వారా బయటకు తోసేస్తుంది.  

అయితే, ఒక చెడ్డ పోలీస్ కూడా ఉన్నాడు, *LDL*, అతను శక్తి కోసం ఆశించేవాడు.  

*LDL* ఇబ్బంది కలిగించేవారిని జైలు నుండి విడుదల చేసి తిరిగి రోడ్లపైకి పంపుతాడు.  

మంచి పోలీస్ *HDL* కంటే చెడ్డవారు ఎక్కువగా ఉన్నప్పుడు, పట్టణం గందరగోళంగా మారుతుంది. అలాంటి పట్టణంలో ఎవరు ఉండాలనుకుంటారు?  

*మీరు ఇబ్బంది కలిగించేవారిని తగ్గించి, మంచి పోలీసులను పెంచాలనుకుంటున్నారా?*  

**నడవడం ప్రారంభించండి!** ప్రతి అడుగుతో, మంచి పోలీసులు *HDL* పెరుగుతారు, మరియు ఇబ్బంది కలిగించేవారు *కొలెస్ట్రాల్, ట్రైగ్లిసరైడ్, మరియు LDL* తగ్గుతారు.  

మీ పట్టణం (శరీరం) తిరిగి దీప్తిని పొందుతుంది. మీ హృదయం, సిటీ సెంటర్, ఇబ్బంది కలిగించేవారి బ్లాకేడ్‌లు (హృదయ బ్లాక్) నుండి సురక్షితంగా ఉంటుంది. మరియు మీ హృదయం ఆరోగ్యంగా ఉన్నప్పుడు, మీరు కూడా ఆరోగ్యంగా ఉంటారు.  

*కాబట్టి, మీకు అవకాశం దొరికినప్పుడల్లా నడవడం ప్రారంభించండి!*  

*ఆరోగ్యంగా ఉండండి... మరియు*  

*మంచి ఆరోగ్యాన్ని పొందండి*  

ఇది మంచి *HDL* ను పెంచడానికి మరియు చెడ్డ *LDL* ను తగ్గించడానికి ప్రధానంగా నడక ద్వారా సాధించే ఒక మంచి వ్యాసం. *ప్రతి నడక అడుగు HDL ను పెంచుతుంది. అందువల్ల, నడవండి, నడవండి మరియు నడవండి.*  

*సుఖంగా ఉండే సీనియర్ సిటిజన్స్ వీక్*  

### **తగ్గించాల్సినవి:**  

1. ఉప్పు  

2. చక్కెర  

3. బ్లీచ్ చేసిన పిండి  

4. పాల ఉత్పత్తులు  

5. ప్రాసెస్ చేసిన ఉత్పత్తులు  

### **కావలసిన ఆహారాలు:**  

1. కూరగాయలు  

2. పప్పులు  

3. బీన్స్  

4. గింజలు  

5. గుడ్లు  

6. కోల్డ్ ప్రెస్డ్ నూనె (ఆలివ్, కొబ్బరి, ...)  

7. పండ్లు  

### **మరచిపోయేందుకు ప్రయత్నించాల్సిన మూడు విషయాలు:**  

1. మీ వయస్సు  

2. మీ గతం  

3. మీ ఫిర్యాదులు  

### **ప్రాముఖ్యమైనవి మరియు ప్రియమైనవి:**  

1. మీ కుటుంబం  

2. మీ స్నేహితులు  

3. మీ సానుకూల ఆలోచనలు  

4. శుభ్రమైన మరియు ఆహ్లాదకరమైన ఇల్లు  

### **అవలంబించాల్సిన మూడు ప్రాథమిక విషయాలు:**  

1. ఎప్పుడూ నవ్వండి / చిరునవ్వు  

2. మీ స్వంత వేగంతో క్రమం తప్పకుండా శారీరక కార్యకలాపాలు చేయండి  

3. మీ బరువును తనిఖీ చేసి నియంత్రించండి  

### **అభ్యసించాల్సిన ఆరు ముఖ్యమైన జీవనశైలులు:**  

1. దాహం వేసినప్పుడు మాత్రమే నీరు తాగడానికి వేచి ఉండకండి  

2. అలసిపోయినప్పుడు మాత్రమే విశ్రాంతి తీసుకోవడానికి వేచి ఉండకండి  

3. అనారోగ్యం వచ్చినప్పుడు మాత్రమే వైద్య పరీక్షలు చేయించుకోవడానికి వేచి ఉండకండి  

4. అద్భుతాల కోసం దేవుడిని నమ్మడానికి వేచి ఉండకండి  

5. మీలోని ఆత్మవిశ్వాసాన్ని ఎప్పుడూ కోల్పోకండి  

6. సానుకూలంగా ఉండి, ఎల్లప్పుడూ మంచి రేపటి కోసం ఆశించండి  

*మీ స్నేహితులు ఈ వయస్సు పరిధిలో (47-90 సంవత్సరాలు) ఉంటే, దయచేసి వారికి ఈ సందేశాన్ని పంపండి.*

 55 ఏళ్ళ పైబడిన సీనియర్ సిటిజెన్స్ కు ...... 

ఇంక చాలు తగ్గించండి (MINIMIZE):

1. ఉప్పు

2. చక్కెర

3. పిండి పదార్థాలు (బ్లీచ్డ్ ఫ్లోర్)

4. పాలు మరియు పాడి ఉత్పత్తులు

5. ప్రాసెస్డ్ ప్రొడక్ట్స్

. 

మీరు తినదగ్గ ఆహార పదార్థాలు (FOOD NEEDED):

1. కూరగాయలు

2. పప్పులు

3. బీన్స్

4. గింజలు (నట్స్)

5. కోల్డ్ ప్రెస్ ఆయిల్స్ (ఒలివ్, కొబ్బరి తదితరాలు)

6. పండ్లు

. 

మరిచిపోవలసిన విషయాలు (THINGS TO FORGET):

1. మీ వయస్సు

2. మీ గతం

3. మీ గొప్పలు

  4.  మీ సమస్యలు

5. మీ  వితండవాదాలు 

. 

మరువకూడని ముఖ్య విషయాలు (ESSENTIAL THINGS TO CHERISH):

1. మీ కుటుంబం

2. మీ స్నేహితులు

3. మీ సానుకూల ఆలోచనలు

4. శుభ్రమైన మరియు ఆహ్లాదకరమైన ఇంటిని కలిగి ఉండండి

. 

అభ్యసించాల్సిన  ముఖ్యమైన అలవాట్లు (THINGS TO ADOPT):

1. ఎప్పుడూ నవ్వండి / ఆనందంగా ఉండండి

2. మీకు తగ్గట్టుగా నిత్య శారీరక వ్యాయామం చేయండి

3. మీ బరువును నియంత్రించండి

. 

చర్చించాల్సిన  జీవనశైలులు (LIFESTYLES TO PRACTICE):

1. దాహం వేసే వరకు నీళ్లు త్రాగడానికి వేచి ఉండకండి

2. అలసిపోయే వరకు విశ్రాంతి తీసుకోవడానికి వేచి ఉండకండి

3. అనారోగ్యం వచ్చేదాకా వైద్య పరీక్షలు చేయించుకోడానికి వేచి ఉండకండి

4. దేవుడిపై విశ్వాసం కలిగి ఉండండి

5. మీ మీద నమ్మకాన్ని ఎప్పటికీ కోల్పోకండి

6. ఎల్లప్పుడూ సానుకూలంగా ఉండండి మరియు మరింత మెరుగైన రేపటి కోసం ఆశపడండి

. 

మీకు స్నేహితులు ఉంటే, ఈ సందేశాన్ని వారికి పంపండి.🙏🙏

 *ఎవరైనా కాలం చేస్తే ఓంశాంతి అని, డిస్కోశాంతి అని, విజయశాంతి అని RIP అని కానీ కామెంట్స్ పెట్టకండి🙏*

*మనం సనాతనులం మన ధర్మం ప్రకారం మన గ్రంధాల ప్రకారం మనధర్మంలోని వారు ఎవరు వెళ్ళిపోయిన సరే శరీరం వదిలి ఆత్మ బయటకు వస్తుంది, ఆత్మ బొటన వేలు సైజు మాత్రమే ఉంటుంది, ఆ ఆత్మ 48 ఘడియలలో ఊర్ధ్వలోకాలకు వెళ్లి దివ్యశరీరం తీసుకుని భూమిమీద వచ్చి 11 రోజులు ఈ భూమిపైనే ఉంది 11వ రోజున మల్లి ఊర్ధ్వలోకాలకు ప్రయాణం అవుతుంది, అంటే మన శాస్త్రాలలో ఆత్మకి గతి ఉందని లేదా ఆత్మకి గమనం ఉందని చెప్పారు కానీ ఆత్మకి శాంతి ఉందని చెప్పలేదు, ఆత్మకి శాంతి అనే పిచ్చి కాన్సెప్ట్ సనాతన ధర్మం కాన్సెప్ట్ కానే కాదు.   మన ధర్మం లో ఆత్మకి గతి ఉంటుంది అది సద్గత దుర్గత అన్నది ఉంటుంది వారి పాప పుణ్యాలను బట్టి ఆయాగతి వర్తిస్తుంది.*

*కాబట్టి ఎవరైనా వెళ్ళిపోతే వారికి సద్గతి కలగాలి అని కోరుకోవాలి, లేదా వారికి కైలాస లోక ప్రాప్తి కలగాలని కోరుకోవాలి. లేదా వారికి వైకుంఠ లోక ప్రాప్తికలగాలని కోరుకోవాలి లేదా వారికి స్వర్గ లోక ప్రాప్తి కలగాలని కోరుకోవాలి.* 

*కానీ ఓంశాంతి, డిస్కోశాంతి, విజయశాంతి అనే కామెంట్లు పెట్టకూడదు... మన ధర్మం ఇలా పెట్టమని ఇలా కోరామని చెప్పలేదు...*

*┈┉┅━❀꧁హరే కృష్ణా꧂❀━┅┉┈*

       *ఆధ్యాత్మికం బ్రహ్మానందం*

🙏🙏🙏 🔔🕉️🔔 🙏🙏🙏

 *ఇక... అంతా మంచే!* 

*భగవంతుడికి మరో పేరు 'వత్సరుడు. అన్నిటిలోనూ వసించేవాడు కాబట్టి ఆయనకు ఆ పేరు వచ్చింది. భగవం తుణ్ణి ‘కాలాయనమః', అని స్తోత్రం చేస్తారు. భగవత్ స్వరూ పమైన కాలం అనంతం. దానిలో సంవత్సరం ఒక ప్రామాణి కమైన భాగం. ‘యుగాది' అంటే చైత్ర శుద్ధ పాడ్యమి నూతన సంవత్సర ఆరంభదినం. ‘యుగానికి ఆది' అని అర్థం. ఆ రోజున గత సంవత్సరానికి వీడ్కోలు పలికి, కొత్త సంవత్సరా నికి స్వాగతం పలుకుతూ ఉంటాం. 'యుగాది' అనే పదానికి వికృతి ఉగాది.*

*మనకు ఎన్నో పర్వదినాలు ఉన్నాయి. ఏ పర్వదినాన ఏయే విధులను ఆచరించాలో పూర్వులు స్పష్టంగా నిర్దేశించారు.*

*ఇక ఈ రోజున*

*"ఓం నమో బ్రహ్మణే తుభ్యం కామాచయ మహాత్మనే* 

*నమస్తేస్తు నిమేషాయా త్రుటయేచ మహాత్మనే* 

*నమస్తే బహురూపాయ విష్ణవే పరమాత్మనే"* 

*అంటూ బ్రహ్మదేవుణ్ణి ప్రార్ధించాలి. బ్రహ్మను ప్రార్ధించే ఒకే ఒక పండుగ ఉగాది. ఈ రోజున సూర్యోదయానికి ముందే తైలాభ్యంగన స్నానం ఆచరించి, ఇష్టదైవాన్నీ, నవగ్రహా లనూ పూజించాలి. అనంతరం బ్రహ్మ ప్రార్థన ముగించి, షడ్రుచుల సమ్మేళనంగా ఉగాది పచ్చడిని ఆరగించాలి.*

*┈┉┅━❀꧁ॐ ఉగాది ꧂❀━┅┉┈*

       *ఆధ్యాత్మికం బ్రహ్మానందం*

🥥🪔🥥 🍃🕉️🍃 🥥🪔🥥

 *ఉగాది పండుగ ప్రశస్తి* 

*పురాణ... ఖగోళ పర్వం!* 

*మనం ఉగాదిగా జరుపుకొంటున్న చైత్ర శుద్ధ పాడ్యమికి పౌరాణికంగా, ఖగోళ శాస్త్ర రీత్యా, చారిత్రకంగా ఎంతో ప్రాముఖ్యం ఉంది. ఈ రోజు గురించి ఒక్కో గ్రంథం ఒక్కొక్క రీతిలో వివరించింది.*

*బ్రహ్మపురాణం:* 

*బ్రహ్మ ఆదిలో ఈ చరాచర సృష్టి అంతటినీ చైత్ర శుద్ధ పాడ్యమి రోజున ప్రారంభించాడని 'బ్రహ్మ పురాణం' చెబుతోంది. అందుకే దీన్ని మానవ జాతి అంతా జరుపుకోవలసిన పర్వదినంగా పరిగణించవచ్చు.*

*నారద పురాణం:* 

*చైత్ర శుక్ల పాడ్యమి నాడు సూర్యోదయ సమయంలో, సూర్యుడు అధిదేవతగా ఉన్న కాలంలో, ఆదివారం రోజున బ్రహ్మ సృష్టిని బహిర్గతం చేసినట్టు 'నారద పురాణం' పేర్కొంటోంది.*

*మత్స్య పురాణం:* 

*విష్ణుమూర్తి మత్స్యరూపంలో సముద్రంలోకి చొచ్చుకువెళ్ళి, వేదాలను దొంగిలించిన రాక్షసుడిని సంహరించి, బ్రహ్మకు వేదాలను తిరిగి అందజేసిన శుభ దినం చైత్ర శుద్ధ పాడ్యమేనని 'మత్స్య పురాణం' వివరించింది.*

*రామాయణం:* 

*పధ్నాలుగు సంవత్సరాలు అరణ్య వాసం చేసిన శ్రీరాముడు- రావణ సంహారానంతరం సీతా లక్ష్మణ సమేతంగా అయోధ్యకు తిరుగు ప్రయాణ సన్నాహం చేసిన రోజు చైత్ర శుద్ధ పాడ్యమేనట! అందువల్ల దీన్ని పుణ్య దినంగా పరిగణిస్తారు.*

*వసు చరిత్ర (భారతం):* 

*పురు వంశానికి చెందిన వసురాజు ఒక పర్యాయం వేటకు వెళ్తాడు. అక్కడ ధ్యాన నిష్టలో ఆయన ఉన్న సమయంలో ఇంద్రుడు ప్రత్యక్షమై, అతిలోక సుందరమైన విమానాన్ని, ఎప్పటికీ వాడని పూలదండను ఇస్తాడు. యుద్ధంలో వాటిని ఉపయోగించి, అజేయుడిగా నిలవాలని చెప్పి అంతర్ధానమవుతాడు. మహిమాన్వితమైన ఆ వస్తువులతో వసురాజు చైత్ర శుద్ధ పాడ్యమి నాడు తన పట్టణంలో ప్రవేశిస్తాడు. ఆ వస్తువుల మహిమను తెలుసుకున్న ప్రజలు ఇంద్రుని కీర్తిస్తూ పెద్ద ఉత్సవం నిర్వహిస్తారు. ఆ కారణంగా ఈ రోజును పర్వదినంగా పరిగణించారు.*

*ఖగోళ శాస్త్ర రీత్యా:*

*సూర్యుడు చైత్ర శుద్ధ పాడ్యమి రోజున భూమధ్య రేఖపై ఉంటాడని ప్రతీతి. అందువల్ల ఈ రోజున ఉగాది- దిన, మాస, వర్షారంభాలు ఒకేసారి ఏర్పడతాయి.*

*విక్రమార్క పట్టాభిషేకం:* 

*పరాక్రమశాలి విక్రమార్క చక్రవర్తి శకులను ఓడించి, చైత్ర శుద్ధ పాడ్యమి నాడు పట్టాభిషిక్తుడయ్యాడు. విక్రమార్క శకం ఆనాడే ప్రారంభమయింది. ఏ గ్రంథం ఏమని వివరించినా... ఒకటి మాత్రం నిజం. ఉగాది నవజీవనానికి నాంది!*

*┈┉┅━❀꧁ ఉగాది ꧂❀━┅┉┈*

       *ఆధ్యాత్మికం బ్రహ్మానందం*

🍃🥭🍃 🎋🕉️🎋 🍃🥭🍃

 *కాల గమనం... కష్ట సుఖాల సంగమం!* 

*తీపి* 

*ఆనందాలు, సుఖాలు మన జీవితంలో తీపి వంటివి. రోజు వారి ప్రయాణంలో తీపి ఎంత ఎక్కువుంటే జీవితం అంత సాఫీగా సాగిపోతుంది. ఎవరికైతే సన్నిహితంగా ఉండే భాగస్వామి, కుటుంబసభ్యులు, స్నేహితులు ఉంటారో వారు ఆనందంగా ఉంటారని అధ్యయనాలు చెబుతున్నాయి. వాళ్లతో మన భావాలు పంచుకోవడం వల్ల మనసులో ఉండే బరువు తగ్గుతుంది. ఇతర సమస్యలు, పని ఒత్తిడి వంటి వాటి నుంచి దూరం కావొచ్చు. మనసు కూడా ప్రశాంతంగా ఉంటుంది. కాబట్టి ఎంత పనిఒత్తిడి ఉన్నా మన సన్నిహితులు, స్నేహితులకు సమయం కేటాయించాలి.*

*చేదు* 

*బాధ కలిగించే విషయాలు, జీవితంలోని కష్టాలు, బంధుత్వాలు తెగిపోవడం, ఇతర మనస్పర్ధలు ఉగాది పచ్చడిలోని చేదు లాంటివే. కష్ట కాలంలో మనల్ని ఎవరూ చేరదీయక పోవడం, ఆపత్కాలంలో అదుకోకపోవడం వంటివన్నీ ఈ కోవలోకే వస్తాయి. ఇవి చేదుగానే ఉన్నా మనకు పాఠాలు నేర్పిస్తాయి. వ్యక్తిత్వాన్ని రాటుదేల్చి మనల్ని మనం మలుచుకునేలా చేస్తాయి. అందుకే జీవితంలో ఇటువంటి సంఘటనలు ఎదురైనప్పుడు కుంగిపోవడం, బాధపడటంకన్నా.... వాటన్నింటినీ ఎలా అధిగమించాలనే కోణంలోనే ఆలోచించాలి.*

*పులుపు* 

*ఏ పదార్థంలో అయినా పెరిగిన పులుపు తగ్గించేందుకు మరో పదార్థాన్ని జోడిస్తాం. అదే రుచి జీవితానికి అన్వయించుకోవాలి. జీవితంలో ఎదురయ్యే కొత్త సవాళ్లు, కొన్ని సంఘటనలు ఇబ్బందిపెట్టినా, నచ్చకపోయినా వెనకడుగు వేయకూడదు. వాటికి తగ్గట్టు సర్దుకుపోవడమో, లేదా వాటిని ఎదురించి మనకు అనుకూలంగా మలుచుకోవడమో చేయాలి. వీటిని ఎదుర్కోవడం కొంచెం కష్టమనిపించినా ఒక్కోదాన్ని అధిగమించుకుంటూ వెళుతుంటే మనలో కొత్త ఉత్తేజం వస్తుంది. దేన్నయినా సాదించగలమనే నమ్మకం పెరుగుతుంది. ఇలాంటి అడ్డంకులు పనివాతావరణంలో ఎదురవుతాయి. సహచరుల నుంచి సహకారం అందకపోవడం, ఒకటనుకుంటే మరొకటి జరగడం ఇలా అనేకం ఉంటాయి. ఈ సవాళ్లను ఎదుర్కొంటే ఉద్యోగ జీవితంలో పైకి ఎదగడానికి అవకాశం ఉంటుంది.*

*కారం* 

*కొన్ని సందర్భాల్లో ఎదురయ్యే కోపం అలాంటిదే. ఇంటి పని, బయటి పని ప్రతిదీ దగ్గరుండి చూసు కోవడం, కుటుంబ సభ్యుల సహాయం లేక పోవడం, విపరీతమైన ఒత్తిడి... అన్నీ కలిపి అందుకు దారితీస్తాయి. అలాగని దాన్ని అదుపులో పెట్టుకోకపోతే పరిస్థితులు ప్రతికూలంగా మారతాయి. చుట్టూ ఉన్నవారు దూరమవుతారు. ఒంటరిగా మిగిలి పోవాల్సిన పరిస్థితి. అందుకే ఎప్పుడూ సహనం కోల్పోకుండా చూడండి. పచ్చడిలో కారం ఎంతుండాలో అంతుంటేనే రుచి. మితిమీరితే అది తినడానికి యోగ్యంగా ఉండదు. కోపం కూడా అంతే కొంత వరకే ఉండాలి. అవసరం అయినప్పుడే ఆఖరి అస్త్రంగా ఉపయోగించాలి.*

*వగరు* 

*ఉగాది పచ్చడిలోని మామిడి వగరుగా ఉన్నా ఆరోగ్యానికి మేలు చేస్తుంది. జీవితం కూడా అంతే. కొన్ని సందర్భాలు అనుకోకుండా ఎదురై... మానసిక సంతోషాన్ని కలిగిస్తాయి. అలాంటివి ఒడిసిపట్టుకోవాలి. వాటిని మధురజ్ఞాపకాలుగా మార్చుకోవాలి.*

*ఉప్పు* 

*ఉప్పులేని ఏ పదార్ధం అయినా చప్పగానే, రుచీపచీ లేకుండా ఉంటుంది. జీవితం కూడా అంతే. చదువు, ఉద్యోగం, ఇతర బాధ్యతలు... ఇవన్నీ ఎప్పుడూ ఉండేవే. వాటి లోనే మునిగిపోతే... యాంత్రికత తప్ప మరేమీ ఉండదు. అదే క్రమంగా నిరాశకు, అలసటకు దారితీస్తుంది. అందుకే జీవితానికి అవసరమైన ఉప్పురసాన్ని అందించేందుకు మీ వంతుగా ప్రయత్నించండి. ఓ అభిరుచి, ఓ వ్యాపకం, రోజూ కాసేపు వ్యాయామం, సరాదాగా గడిపే సమయాలు... అన్నీ ఉండాల్సిందే. అలాగని ఎక్కువైతే అధికరక్తపోటు మొదలైనట్లే... సమస్యలూ తప్పవని మరవకండి.*

*┈┉┅━❀꧁ ఉగాది ꧂❀━┅┉┈*

       *ఆధ్యాత్మికం బ్రహ్మానందం*

🥭🎋🍃 🍋🕉️🍋 🍃🎋🥭

 *ఉగాది మధురిమ.....* 

*సంవత్సరారంభాన్ని భారతదేశంలో చాంద్రమాన, సౌరమాన, బార్హస్పత్య మానాల్లో పరిగణిస్తారు. ఈ మూడు వేదజ్యోతిషాన్ని ఆధారం చేసుకొని ఏర్పడినవే. వేద విజ్ఞానానికి అంగమైన జ్యోతిశ్య శాస్త్రం ఆవిష్కరించిన సూర్య సిద్ధాంత'మే అన్ని కాలగణనాలకి ఆధారమని శాస్త్రవేత్తలు అంగీకరిస్తున్నారు. తెలుగువారు చాంద్రమానం ప్రకారం సంవత్సరాది జరుపుకొంటారు. యుగాది, ఉగాదిగా వ్యవహరించే ఈ పండుగ 'సృష్ట్యాది' అని పంచాంగాలు, కొన్ని ధర్మశాస్త్రాలు చెబుతున్నాయి.*

*చైత్ర వైశాఖాలకు వేదంలో మధు-మాధవ మాసాలని పేర్లు, మధుమాసంలో మొదటి రోజు శుక్ల పాడ్యమి. 'మధు' అంటేనే 'తీయనిది' అని ప్రధానార్ధం. వసంతమంతా ఈ మధుర లక్షణాలతోనే ఉంటుంది. చిగురించి, పూసి, ఫలించే తరు లతలు, మలయ పవనాలు, కోకిల స్వరాలు... ఇవన్నీ దృశ్య శబ్ద మాధుర్యాలే. 'గాలి మధువును వీచాలి. నీరు మధువును ప్రవహించాలి.* 

*అలాగే... భూమి, సూర్యకాంతి, ఆకాశం... అన్నీ మధుమయం కావాలి. భావాలు, మాటలు మధురంగా ఉండాలి'-అంటూ వేదం వివిధ మంత్రాలను చెప్పింది. 'మధు' శబ్దంతో ప్రారంభమయ్యే సంవత్సర కాలం ఇలాంటి 'మధురిమలను ప్రపంచమంతా ప్రసరింపజేయాలని శుభాకాంక్షలను వేద ఋషి ప్రవచించాడు. కాలం మధురంగా సాగాలని కోరుకోవడం కంటే గొప్ప శుభాకాంక్ష ఏముంటుంది? ఈ చైత్రమాసానికి కేవలం చాంద్రమానంలోనే కాక, అన్ని కాలమానాల్లోనూ ప్రాధాన్యం ఉంది.*

*ఏడాది పొడుగునా వివిధ ఋతు, మాసాల్లో విభిన్న యజ్ఞాలను ఆచరించే విధానాలను వేదశాస్త్రాల్లో వివరించారు. మారుతున్న ఋతు కాలాలకు అనుగుణంగా, ప్రకృతిలోని దివ్యత్వాన్ని స్పందింపజేసి, యోగక్షేమాలను అందుకోవడమే ఆయా యజ్ఞాల పరమార్థం. ఈ యజ్ఞ విశేషాలే పలు రకాల పండుగలుగా, కాలంలోని మార్పులకు అనుగుణమైన ఆచార వ్యవహారాలతో ఏర్పడ్డాయి.*

*పూర్ణిమనాడు చిత్తా నక్షత్రం కలిసిన మాసం చైత్రం. ఈ రోజున చేసే యజ్ఞం సంవత్సర యజ్ఞాలన్నింటికీ ప్రధానం. ఈ విశేషాన్ని కాళిదాస మహాకవి 'రఘు వంశం' కావ్యంలో చక్కగా అభివర్ణించాడు. భారతీయ వాఙ్మయంలో వేదవిజ్ఞాన ప్రభావానికి ఇది ఒక మచ్చుతునక.*

*'వసిష్ఠ మహర్షి ఆశ్రమానికి బయలుదేరిన సుదక్షిణాదేవి, దిలీప చక్రవర్తి దంపతులు రథాన్ని అధిరోహించారు. అప్పుడు ఆ చక్రవర్తి చిత్తానక్షత్రంతో కూడిన చంద్రుడిలా ప్రకాశిస్తున్నాడు' అని కాళిదాస కవిత. చైత్ర పూర్ణిమనాటి ప్రాధాన్యాన్ని ఈ మాట చెబుతోంది.*

*భారతదేశంలో విభిన్న రాష్ట్రాలు, కాల మానాల మార్పులు, వ్యవహార సరళిలో వైవిధ్యం ఎంత ఉన్నా, అన్నింటికీ ఏకసూత్రంగా ఉన్నది వైదిక విజ్ఞానమేనని స్పష్టమవుతోంది.*

*సంవత్సరానికి చెందిన సూక్ష్మశక్తిసారం చైత్రమాసంలో ఉందని ధర్మశాస్త్రాల భావం. ఈ నెలలో వచ్చే తిథులకు, వారాలకు కూడా మంచి ప్రభావం ఉంటుందని, వాటిని పాటించి చక్కని ఫలాలను పొందవచ్చని అనేక గ్రంథాలు చెబుతున్నాయి.*

*యజ్ఞం. అగ్ని సర్వదేవతల స్వరూపాలు. అందుకే ఈ. పాడ్యమి బ్రాహ్మీ ముహూర్తంలో శుభ భావనలతో మేల్కొని, అభ్యంగాలతో శుద్ధులమై దేవతలందరికీ నమస్కరించి, కాలాంగాలైన తిథి, వార, నక్షత్ర, యోగ, కరణాలు-అనే పంచాంగాలను సత్సంకల్పాలతో శ్రవణం చేయడం విధిగా పెద్దలు నిర్దేశించారు. నాడు*

*ఇన్ని పవిత్ర దివ్య భావాలతో నూతన వత్సరాన్ని ఆహ్వానిస్తూ ఉగాదిని జరుపుకొంటున్న సందర్భంలో- ఈ ఏడాది మంచి పరిణామాలతో, దేశ ధర్మాలను పరిరక్షించి, భద్రతను, అభ్యుదయాన్ని అందించే దిశగా, చిత్తశుద్ధితో శ్రమించే నీతి గల నేతృత్వం సిద్ధించాలని ఆకాంక్షిద్దాం.*

*┈┉┅━❀꧁ ఉగాది ꧂❀━┅┉┈*

       *ఆధ్యాత్మికం బ్రహ్మానందం*

🍃🎋🍃  🔔🕉️🔔 🍃🎋🍃

 . *🏵️||దేవుడివైపుకు నడుద్దాం||🏵️* 

🛕🛕🛕 🔔🕉️🔔 🛕🛕🛕

*ఒక ఊర్లో వున్న గుడిలో జరగబోయే ప్రవచనానికి, పురాణ శ్రవణానికి రావాల్సిందిగా ఆ దేవాలయ అర్చకుడు ఒక ధనవంతుడిని ఆహ్వానిస్తే అందుకు ఆ ధనవంతుడు ఇలా అన్నాడట.*

*''వచ్చి ఏమి సాధించేది వుంది... గత ముప్పై ఏళ్ళుగా ప్రవచనం, పురాణ శ్రవణాలు వింటూనే వున్నాను... ఒక్కటైనా గుర్తుందా... అందుకే దేవస్థానానికి రావడం వల్ల సమయం వృథా అవుతుందే తప్ప ఒరిగేదేమీ లేదు. ''*

*అందుకు ఆ అర్చకుడు చిరునవ్వు నవ్వి ఇలా అన్నాడట...'' నాకు పెళ్ళి అయ్యి ముప్పై ఏళ్ళు అయ్యింది... నా భార్య ఇప్పటి దాకా కనీసం ముప్పై రెండు వేల సార్లు భోజనం వండి వడ్డించి వుంటుంది... నేను తిన్న ఆ భోజన పదార్థాలలో నాకు ఒక్కటైనా గుర్తుందా..,*

*కాని, నాకు ఒక్కటి మాత్రం బాగా తెలుసు... అదేమంటే ఆమె వండిన భోజనం నుండి నేను శక్తిని పొందగలిగాను. ఆమె గనక నాకు ఆ పదార్థాలు వండిపెట్టక పోయివుంటే నాకు ఆ శక్తి ఎక్కడిది... ఈ పాటికి చనిపోయి వుండేవాడిని. ''*

*అందుకే , శరీరానికి భోజనం/ఆహారం ఎలాగో, మనసుకు దైవ ధ్యానం, దైవ నామ స్మరణ అలాగే నిరంతరం సాధన చేస్తూనే వుండాలి.*

*మనిషి జన్మ కు ఒకే ఒక లక్ష్యం దైవ సాక్షాత్కారం అంటుంది భగవద్గీత.. అందుకే దైవం వైపు నడుద్దాం.*

*┈┉┅━❀꧁ జై శ్రీకృష్ణ ꧂❀━┅┉┈*

       *ఆధ్యాత్మికం బ్రహ్మానందం*

🛕🛕🛕 🙏🕉️🙏 🛕🛕🛕

 *అనగనగా....* 

*పూర్వం జంబూద్వీపంలో, ఒక నిరుపేద కుటుంబంలో  ‘బోధిధరుడు’ పుట్టాడు. పెరిగి పెద్దవాడయ్యాడు. అతని మిత్రులందరూ తక్షశిలకు వెళ్ళి, విద్యలు నేర్చుకొనేవారు. తాను కూడా అక్కడికి వెళ్ళి చదువుకోవాలనుకున్నాడు. కానీ ఆ స్తోమత లేదు. అయినా తల్లితండ్రులకు నచ్చజెప్పి తక్షశిలకు వెళ్ళాడు. అక్కడే ఒక గురువును కలిసి, తన పేదరికం గురించి చెప్పుకున్నాడు…*

*"గురువర్యా! గురుదక్షిణ లేకుండా విద్యను అభ్యసించడం మంచిది కాదు. నేను తమకు ఇప్పుడు ఏమీ సమర్పించలేను. కానీ విద్య ముగిశాక యాచించి, ధనాన్ని తెచ్చి, మీకు సమర్పిస్తాను!” అని చెప్పాడు.*

*గురువు సంతోషించి “సరే!”అన్నాడు. గురుదక్షిణ కన్నా బోధిధరుడిలో దక్షతను ఆ గురువు చూడగలిగాడు. అందుకే అతను అడిగిన వెంటనే తన శిష్యుడిగా చేర్చుకోవడానికి అంగీరకించాడు.*

*కొన్నాళ్ళకు బోధిధరుడి విద్యాభ్యాసం పూర్తయింది. “గురుదేవా! నా మాట ప్రకారం యాచించి, దక్షిణ తెచ్చి ఇస్తాను. అనుమతి ఇవ్వండి!” అని కోరాడు.*

*"అలాగే... వెళ్ళి రా!” అన్నాడు గురువు.*

*బోధిధరుడు అనేక ప్రాంతాలకు వెళ్ళాడు. తన గురించి చెప్పాడు ఎందరో కాదనకుండా, లేదనకుండా శక్తి కొలదీ సహాయాన్ని అందించారు. ఇలా వచ్చిన వాటన్నిటినీ బంగారు నాణేలుగా మార్చుకున్నాడు. గురుదక్షిణ సమర్పించడం కోసం తక్షశిలకు బయలుదేరాడు.*

*దారిలో ఒక నది అడ్డుగా ఉండడంతో... పడవ మీద ప్రయాణం సాగించాడు. మార్గమధ్యంలో గాలి వీచింది. సుడి రేగింది. పడవ కొద్దిగా పక్కకు ఒరిగింది. అతని జేబులోని బంగారు నాణేల మూట నదిలో పడిపోయింది.*

*నావికుడు పడవను జాగ్రత్తగా ఒడ్డుకు చేర్చాడు.  కానీ... గురుదక్షిణ మొత్తం గంగపాలైంది.*

*ఈ విషయం తెలిసి అక్కడున్న వారందరూ విచారపడ్డారు. “మళ్ళీ గ్రామాలకు పోయి యాచించు” అని సలహా ఇచ్చారు.*

*కానీ ఆ సొమ్మును రాజు దగ్గర నుంచి సంపాదించాలనుకున్నాడ…బోధిధరుడు.*

*వెంటనే తన బుద్ధికుశలతను ఉపయోగించాడు. ఆ నదీ తీరంలో... ఇసుకలో కూర్చొని మౌనవ్రతం పట్టాడు. తిండి మానేశాడు. అలా రోజంతా గడిచింది. అక్కడి నుంచి బోధిధరుడు కదల్లేదు.*

*సమీప గ్రామాల ప్రజలు ఎందరో వచ్చి అతణ్ణి పలకరించారు. “ఎందుకిలా చేస్తున్నారు?” అని ప్రశ్నించారు.*

*"ఆహారం తీసుకోండి” అని అర్థించారు. బోధిధరుడి నుంచి వారికి ఎలాంటి సమాధానం రాలేదు.*

*రెండు రోజులు గడిచాయి. ఈ వార్త దేశమంతా పాకింది. రాజుగారికి చేరడంతో, తన మంత్రులను పంపాడు. వారు ప్రశ్నించినా బోధిధరుడు ఉలకలేదు, పలకలేదు.*

*చివరకు రాజే తరలివచ్చాడు. “ఎవరు నీవు? ఇక్కడ ఎందుకు నిరాహారంగా, మౌనంగా కూర్చున్నావు?” అని అడిగాడు.*

*అప్పుడు బోధిధరుడు నోరు తెరచి మాట్లాడాడు, తన చరిత్ర చెప్పాడు.*

*రాజు ఆశ్చర్యపడి “ఈ విషయం నాతోనే ఎందుకు చెప్పావు? మిగిలినవారికి ఎందుకు చెప్పలేదు?” అని అడిగాడు.*

*"రాజా! మనం సమయా సమయాలు ఎరిగి సహాయాన్ని అర్థించాలి! ఎవరు మన కష్టాలను తీర్చగలరో వారికే చెప్పుకోవాలి. అలాకాని వారికి చెప్పడం వల్ల మన కష్టం తీరదు సరికదా... హేళనకూ, అవమానానికీ గురవుతాం. మనిషి కష్టం రాగానే కలతపడి, కనబడిన ప్రతివారితో చెప్పుకోకూడదు. తీర్చగలవారు దొరికేవరకూ ఆ కష్టాన్ని దిగమింగుకొని భరించాలి. చాలా రోజులపాటు ఎన్నో గ్రామాలు తిరిగి, ఎందరెందరి నుంచో తీసుకున్న డబ్బు గంగపాలైంది. అంత సహాయాన్ని అందించగలవారు మీరొక్కరే. అందుకే మీతోనే మాట్లాడాను!” అన్నాడు.*

*బోధిధరుడి ఆలోచనలకు రాజు ఆశ్చర్యపడ్డాడు. వెంటనే గురుదక్షిణకు కావలసినన్ని బంగారు నాణేలు ఇచ్చాడు. అతణ్ణి తన కొలువులో ఆస్థాన పండితుడిగానే కాదు, తన ఆంతరంగికుడిగానూ నియమించుకున్నాడు.*

        

*┈┉┅━❀꧁ జై శ్రీకృష్ణ ꧂❀━┅┉┈*

       *ఆధ్యాత్మికం బ్రహ్మానందం*

🌹🌹🌹 🙏🕉️🙏 🌹🌹🌹