దేవుడు అడగని ప్రశ్నలు

దేవుడు అడగని ప్రశ్నలు .

మీ ఇంటిగదులు ఎంతవిశాలమైనవి అని దేవుడు అడగడు .
నువ్వెంతమందిని విశాల హృదయంతో నీ ఇంటికి
ఆహ్వానించావు అని అడుగుతాడు .

నీది ఎన్ని అంకెల జీతం ? అని దేవుడు అడగడు .
నీ సంపదలో ఎంత నిజాయితీ వుంది ?అని అడుగుతాడు .

నీవు ఎంత గొప్ప పరిసరాలలో నివసిస్తున్నావు ?
అని అడగడు .
నువ్వు నీ ఇరుగుపొరుగు వాళ్లతో ఎలా మెలగుతున్నావని అడుగుతాడు .

నీవు ఎంత ఘనమైన పిండి వంటలతో భోజనము
చేస్తున్నావని దేవుడు అడగడు .
నీవు ఎంతమంది అన్నార్తుల ఆకలి తీర్చావని అడుగుతాడు .

నీ అలమరాలో ఎన్ని జతల బట్టలు ఉన్నాయని
దేవుడు అడగడు .
నీవు ఎంతమంది నిర్భాగ్యులకు బట్టలిచ్చి చలి
బాధ తీర్చావని అడుగుతాడు .

నువ్వెన్ని అధ్యాత్మిక గ్రంథాలు చదివావు అని దేవుడు అడగడు .
నీవు చదివిన పుస్తకాలలో నువ్వెంత సారాన్ని
గ్రహించావు ? అని అడుగుతాడు .

నీవు ఎన్ని పుణ్య క్షేత్రాలు దర్శించావని దేవుడు
అడగడు .
నీవు ఎంత మానవ సేవ చేసావని అడుగుతాడు .

నీవు ఎంత ఆనందకరమైన జీవితాన్ని గడుపుతున్నావని దేవుడు అడగడు .
ఇంకొకరికి సహాయపడటంలో ఎంత ఆనందముందో అనుభవించి మాటాడు అంటాడు .

ముక్తి పధమునకు ఇంత ఆలశ్యం చేసామేమని
దేవుడు అడగడు .
నీవు రాగానే నీ చెయ్యి పట్టుకొని స్వర్గ ధామమునకు తానే తీసుకు వెళ్తాడు