దేనికీ భయపడకండి మీరు అద్భుతాలు సాధించగలరు.

🧘‍♂ ప్రతిక్షణం ఆనందంగా జీవించండి. ఏ క్షణం వృధా చేయవద్దు

దేనికీ భయపడకండి మీరు అద్భుతాలు సాధించగలరు. భయపడిన మరుక్షణం మీరు ఎందుకూ పనికిరాని వారు అవుతారు. లోకంలోని దుఖాలు అన్నిటికీి మూల కారణం భయమే. నిర్భయత్వం ఒక్క క్షణంలో సైతం ఆనందాన్ని ప్రాప్తింప చేయగలదు

బలాన్ని గురించి స్మరించడం బలహీనతల నుంచి బయట పడే మార్గం. బలహీనులమని బాధపడటం కాదు.

నువ్వేది కాగోరితే అది కాగలవు. బలహీనుడను
అని భావిస్తే బలహీనుడు అవుతావు. బలవంతుడు అని భావిస్తే బలవంతుడు అవుతావు.

మనిషి యొక్క ప్రధాన శత్రువు భయం. భయం వలనే అహంకారం. గుర్తింపు, పోల్చుకోవడం, ఈర్ష్య అసూయ, నిందించడం, బాధ్యతారాహిత్యం కలుగుతున్నాయి

ఆధ్యాత్మికతలో మొట్ట మొదట అన్ని భయాలను జయించాలి. ఏ భయాలు మనల్ని భయ పెట్టకూడదు. భయాలకు భయపడని భయరహిత జీవితం అనుభవించాలి. అదే నిజమైన జీవితం.

నాలోని ఏ భయాలకు నేను ఏ మాత్రం భయపడను. అని సంకల్పం చేసుకుంటూ నీలోని భయాలను ధ్యానంలో వాటిని ధైర్యంగా, స్పష్టంగా నీవు దర్శించి కలిగినప్పుడు, నీలో భయాలన్ని నువ్వు బాగా అర్థం చేసుకున్నప్పుడు, అవి నీ నుంచి వెళ్లిపోతాయి, లేకపోతే అణచబడి ఉంటాయి మళ్లీ మళ్లీ వస్తూ ఉంటాయి.

కాబట్టి మిత్రులారా అందర్నీ ప్రేమిద్దాం. సర్వ జీవుల పట్ల ప్రేమ లేనప్పుడు ఆ స్థానంలో భయం కూర్చుంటుంది

భయానికి మూల కారణం ప్రేమ రాహిత్యం ప్రేమ లేకపోవడం అందర్నీ ప్రేమిద్దాం, అన్ని జీవుల్ని ప్రేమిద్దాం, ఇదే ఆనందాన్ని పొందే గొప్ప మార్గం

సర్వ జీవులు సుఖంగా ఉండాలి
సర్వ జీవులు శాంతితో ఉండాలి
సర్వ జీవులు పరమానందంగా ఉండాలి

🔺 స్వామివివేకానంద 🔺