అపజయాలే అలిసిపోయిన వేళ

అపజయాలే అలిసిపోయిన వేళ

అమెరికాలోని ఇండియానా అనే ఒక చిన్న పట్టణంలో ఒక నిరుపేద కుటుంబంలో 1890 వ సంవత్సరం లో, వేలకట్టడానికి వీలులేనంత మేలైన వజ్రం మనషి రూపం లో జన్మించినది. ఈయనకు ఒక చెల్లెలు ఒక తమ్ముడు కూడా ఉన్నారు.
దురదృష్టం ఈయనతో కలసి కాపురం చేసింది, అపజయాలను ఒక దాని తర్వాత ఒకటి పరిచయం చేసి తనివితీరా నవ్వుకుంది.
ఈయనకు ఐదు సంవత్సరాల వయసున్నప్పుడు తండ్రి చనిపోయాడు కుటుంబ పోషణ నిమిత్తం తల్లి దగ్గర లో ఉన్న కంపెనీలో కి పనికి వెళ్ళవలసి వచ్చేది.
పని నిమిత్తం ఎక్కువ సమయం కంపెనీలో ఉండడం వల్ల పిల్లలకు సరిగా వండిపెట్టలేకపోయేది.
అందువల్ల వంట చేయడం ఈయనకు నేర్పించింది,
అతి తక్కువ కాలంలోనే చక్కగా వండటం నేర్చుకున్నాడు.
వంట చేసి తమ్ముడికి, చెల్లికి పెట్టడమే కాక తల్లికి క్యారియర్ కూడా తీసుకుని వెళ్లే వాడు.

ఈయనకు 12 సంవత్సరాల వయసు వచ్చేసరికి, తల్లి రెండవ పెళ్లి చేసుకున్నది.
ఆ వచ్చిన రెండవ భర్తకు ఈ పిల్లలు వారితో ఉండటం ఇష్టం లేదు. ఇంట్లో గొడవలు మొదలయ్యాయి, చేసేదిలేక
పిల్లలిద్దరినీ తీసుకొని అయన
తన బంధువుల ఇంటికి వెళ్ళవలసి వచ్చింది.

పిల్లల పోషణ భారం అయన పై పడడంతో వేరే దారి లేక వ్యవసాయ కూలి పనికి వెళ్ళవలసి వచ్చింది. అందువల్ల చదువు ఏడవ తరగతి తో ఆగిపోయింది. అయితే పనికి వెళ్లిన చోట సరిగా పనిచేయలేదని నీకు ఏ పని సరిగా రాదు అని చెప్పి, రేపట్నుంచి పనిలోకి రావద్దని పంపించివేశారు. దీనితో
పనిలో ఉంచుకోవడానికి ఎవరు ఇష్టపడేవారు కాదు.
ఎక్కడికి వెళ్ళినా ఇదే పరిస్థితి
నీకు పని చేయడం చేతకాదు కాబట్టి నువ్వు పనిలోకి రాకు అనేవాళ్లే ఎక్కువైపోయారు.

దీనితో ఒక చోట ఏక్కడ
స్థిరంగా ఉండలేక తిరుగుతూ 17 సంవత్సరాల వయస్సు వచ్చేసరికి పెయింటర్ గా, బస్సు కండక్టర్ గా, రైలు శుభ్రపరచడం పరచడం,
రైలింజన్ ఇంజన్ లో బొగ్గు నింపడం, ఇలా రకరకాల పనులు చేస్తూ జీవన కొనసాగించవలసి వచ్చింది.

ఓక గమ్యం లేదు,సరైన చదువు లేదు, ఏ పని దొరికితే ఆ పని
చేసుకుంటూ జీవనప్రయాణాన్ని కొనసాగిస్తున్న సమయంలో
జీవితం పెనం పై నుంచి నిప్పు లోకి జరిపడింది. 18 సంవత్సరాల వయసులో పెండ్లి జరిగింది, ముగ్గురు పిల్లలు కూడా జన్మించారు,చిన్న వయసులోనే కొడుకు అనారోగ్యంతో మరణించాడు.
ఏ ఉద్యోగానికి వెళ్ళిన పట్టుమని పది రోజులు చేసేవాడు కాదు, కారణం సరైన శిక్షణ లేకపోవడము.
ఉసూరుమంటూ ఇంటికి వచ్చిన భర్తను చూసి భార్య అసహ్యించుకునేది,ఒకరోజు చెప్పా పెట్టకుండా తన ఇద్దరు పిల్లలను తీసుకొని పుట్టింటికి వెళ్లిపోయింది.

ఈయన వెళ్లి ఎన్నిసార్లు ప్రాధేయపడినా ఆమె ఈయన తో ఉండటానికి ఇష్టపడలేదు ఈయనతో రాలేదు, ఒకరోజు తన సొంత కూతురిని కిడ్నాప్ చేయవలని నిర్ణయించుకున్నడు,
అలా ఆయన భార్య తన దగ్గరికి వస్తుందని అని అనుకున్నాడు, అయితే
తాను ఒకటి తలిస్తే భగవంతుడు మరొకడు తలిచాడు అన్నట్లు,
అందుకు విరుద్ధంగా
పోలీస్ కేసు అయింది. జైలుకు వెళ్లవలసి వచ్చింది చివరకు 21 సంవత్సరాల వయసులో విడాకులు కూడా తీసుకోవలసి వచ్చింది. అలా సంసారం మూడు సంవత్సరాల ముచ్చటగా ముగిసిపోయింది.

22 సంవత్సరాల వయసులో ఆర్మీ లో చేరాడు పాపం అక్కడ కూడా కేవలం ఒక సంవత్సర కాలం మాత్రమే పని చేశాడు,
వారు కూడా ఉద్యోగం నుండి
తీసివేయడం తో, ఏం చేయాలో? ఎటు పోవాలో? తెలియక పిచ్చివాడి చేతిలో నుంచి విసిరి వేయబడ్డా రాయిలా తయారైంది జీవితం.

ఒక కంపెనీలు ఇన్సూరెన్స్ ఏజెంట్ గా చేరాడు కాకపోతే వారు ఇచ్చిన టార్గెట్ పూర్తి చేయలేదని వారు కూడా తీసివేశారు. మరొక ప్రముఖమైన టైర్ల కంపెనీ లో సేల్స్ మెన్ గా జాయిన్ అయ్యాడు, కాకపోతే దురదృష్టం ఇక్కడ కూడా వెంటాడింది ఆ కంపెనీ నష్టాల్లోకి వెళ్లి దివాలా తియడంతో కంపెనీని మూసివేశారు, దీంతో ఆ ఉద్యోగం కూడా పోయింది.

చిన్న చిన్న ఉద్యోగాలు చేసుకుంటూ రాత్రులు కష్టపడి
లా చదువును దూరవిద్యలో పూర్తిచేశాడు. విచిత్రం ఏంటంటే కోర్టులో తన క్లయింట్ తో తానే గొడవపడి వాడిని కోర్టులో కొట్టడంతో అలా లాయర్ జీవితం కూడా ముగిసిపోయింది.

ఇక ఉద్యోగాలకు మనం పనికిరాం, అని భావించి వాటికి స్వస్తి చెప్పి తన దగ్గర ఉన్న కొద్దిపాటి డబ్బుతో ఒక చిన్న బోటును కొనుక్కొని, టూరిస్టులను అటు ఇటు తిప్పుతూ జీవనం సాగిస్తున్నాడు, ఇంతలో
ఆర్థిక మాంద్యం ఏర్పడడంతో ఎవరు కూడా టూరిస్టులు రావడం లేదు దీనితో ఈ వ్యాపారం కూడా నష్టలతో ముగిసిపోయింది.

పట్టువదలని విక్రమార్కుడిలా ఒకటి పోతే మరొకటి అనుకుంటూ..........


లాంతరు లైట్లు తయారు చేయడం ప్రారంభించాడు. దురదృష్టం ఎక్కడ వెళ్లిన మన వాడిని వదల్లేదు, ఒక ప్రముఖ కంపెనీ కరెంటు బల్బులను తయారు చేయడం ప్రారంభించింది, దానితో ఈ వ్యాపారం కూడా
మూసి వేయవలసి వచ్చింది.

అలా వెనక్కి తిరిగి చూసుకుంటే అప్పటికి మనవాడికి 40 సంవత్సరాలు నిండిపోయాయి.
ప్రయత్నిస్తే పోయేదేముంది అంటూ మరొక చిన్న ప్రయత్నం మొదలు పెట్టాడు.
ఇంతలో మన వాడికి ఒక హైవే పక్కన ఉన్న వాటర్ సర్వీసింగ్ యజమానితో పరిచయం ఏర్పడింది. అది సరిగా జరగక నష్టాలు వస్తూ ఉండటంతో యజమాని ఈ వ్యాపారాన్ని నువ్వు చూసుకో అద్దె కూడా ఇవ్వాల్సిన అవసరం లేదు, వచ్చే లాభం లో సరి సగం తీసుకుందాం అని అంటూ ఒక సువర్ణ అవకాశాన్ని అందించాడు.

సరే అని ఆ వాటర్ సర్వీసింగ్ సెంటర్ ని మనవాడు కొనసాగించడం మొదలు పెట్టాడు అయితే వాటర్ సర్వీసింగ్ తోపాటు అక్కడికి వచ్చిన వారికి వివిధ రకాలైన చికెన్ వంటకాలను వండి వడ్డించే వాడు దీనితో వాటర్ సర్వీసింగ్ సెంటర్ కంటే
మనవాడి వంటలకు గిరాకీ బాగా పెరిగింది. దీనితో ఇది ఏదో బాగుంది అని ఆ హైవే పైన ఒక రూము రెంటుకు తీసుకొని ఒక రెస్టారెంట్ ను ప్రారంభించాడు వ్యాపారం బాగా పుంజుకుంది
అయితే మన వాడికి
దరిద్రం మరోసారి తలుపు తట్టింది ఈసారి ఏకంగా అక్కడ ఉన్నటువంటి హైవే రోడ్డు ని ప్రభుత్వం మార్చివేసింది దీనితో వాహనాలు అటువైపు రాక ఈ వ్యాపారం పూర్తిగా నష్టాలపాలయ్యారు దీనితో ఈ వ్యాపారం కూడా మూసివేయాల్సి వచ్చింది.

అప్పటికి ఆయన వయస్సు 59 సంవత్సరాలు జీవితమంతా అపజయాలే,ఏ పని ప్రారంభించినా అపశృతులే,
ఎందుకు నేను బ్రతికి ఉండాలి? నేను జీవించడానికి ఒక కారణం కూడా కనిపించడం లేదు అని నిరుత్సాహంతో బాధపడుతూ ఊరి చివరకు వెళ్లి ఆత్మహత్య చేసుకోవాలి అనుకొని, ఒక సూసైడ్ నోట్ కూడా వ్రాసి అక్కడే ఉన్న చెట్టుకు ఉరి వేసుకున్నాడు. అయితే ఈయన చనిపోవడం బాహుషా భగవంతుడికి ఇష్టం లేదేమో!

ఆ చెట్టు కొమ్మ విరిగి కింద పడ్డది బతకడానికి ఎలాగో ఈ భూమ్మీద నాకు అవకాశం లేదు, చావడానకి కూడా భగవంతుడు నాకు అవకాశం ఇవ్వడం లేదు, అంటూ వెనుతిరిగి ఇంటికి వచ్చేశాడు. ఏం చేయాలి అని మళ్ళీ ఆలోచించడం మొదలు పెట్టాడు మనకు వచ్చింది వంట బాగా చేయడం అందులో చికెన్ బాగా వండటం. దాని నమ్ముకున్నాడు రకరకాల చికెన్ వంటకాలు చేసి వివిధ రెస్టారెంట్లలో చూపించడం మొదలు పెట్టాడు.
దాదాపుగా వెయ్యికి పైగా రెస్టారెంట్ ల వారు తను చేసినటువంటి వంటకం బాగా లేదంటూ తిరస్కరించారు. అయినా నిరుత్సాహపడకుండా తన ప్రయత్నం తాను చేస్తూనే ఉన్నాడు.

చివరకు ఒక రెస్టారెంట్ యజమాని తాను 11 రకాల మసాలా దినుసులతో కలిపి
వేయించిన చికెన్ లెగ్ పీసులను అమ్మడానికి అంగీకరించాడు.
ఒక్కొక్క పీసు పై తనకు
0.05% శాతం లాభం ఇవ్వడానికి ఒప్పుకున్నాడు. ఈ వంటల రుచి ఆ నోటా ఈ నోటా చేరి అమెరికా మొత్తం వ్యాపించింది.తన వ్యాపారం మూడు పువ్వులు ఆరు కాయలుగా కొనసాగుతూ ఉన్నది.

కేవలం అమెరికాలో మాత్రమే కాక ప్రపంచవ్యాప్తంగా 20,000 పైగా అవుట్ లేట్ లతో
సంవత్సరానికి ఒక లక్షా యాభై వేల కోట్లకు పైగా ఆదాయంతో ప్రపంచంలోని అతి పెద్ద వ్యాపార సంస్థలలో
రెండవదిగా పేరుపొందిన
వ్యాపార సంస్థగా అది మారిపోయింది. అన్ని అపజయాల తర్వాత అది 65 సంవత్సరాల వయసులో
ఇంత అద్భుతమైన విజయాన్ని అందుకున్న ఆ మహోన్నత మైన వ్యక్తి ఎవరో తెలుసా?

ఆయన ఎవరో కాదు 130కి పైగా దేశాలలో చిన్నా పెద్దా అని తేడా లేకుండా అందరూ ఎంతో ఇష్టంతో తింటూ ఉన్నా కేఎఫ్సి చికేన్ లేగ్ పిస్ KFC
వ్యవస్థాపకుడు కల్నల్ శాండర్స్

నీకు ఏ పని చేత కాదు, నువ్వు ఏ ఉద్యోగానికి పనికిరావు అని జీవితాంతం తిరస్కరించబడిన వ్యక్తి. తన వృద్ధాప్యంలో సాధించిన విజయం గురించి ఇవాళ ప్రపంచం మొత్తం మాట్లాడుకుంటుంది.

ప్రతి రాయి ఈ భూమి మీద ఏదో ఒక రోజు విలువైన వజ్రాం ల అమ్ముడు పోతుంది అంటారు పెద్దలు.

వెల కట్టడానికి వీలులేనిది ప్రాణం. అందుకే ఆత్మహత్య ప్రాయశ్చిత్తం చేసుకోనే విలులేని మహాపాపం.
జీవితం లో ఎన్ని అపజయాలు ఎదురైనా బ్రతకాలి,
మనం సాధించిన విజయం గురించి నలుగురు మాట్లాడుకుంటూ ఉంటే విని ఆనందపడే రోజు కోసం ఎదురు చూడాలి.

ఈ ప్రపంచం లో ఏదో ఓక్క రోజు నువ్వు ఖచ్చితంగా గెలుస్తావు అని చెప్పేది నీ మానసిక ధైర్యం. అదే మన ఆస్తి దాని ఏప్పటికి కోల్పోకూడదు.

జై భవ విజయీభవ.

Source - whatsapp sandesam