జనసేవయే జనార్ధన సేవగా భావించండి

"ధనాన్ని ఎంతైనా సంపాదించవచ్చు. అయితే, సంపాదించిన ధనాన్ని సద్వినియోగపరచినప్పుడే, ఆ ధనమునకుకూడా తగిన గౌరవము లభిస్తుంది. కానీ, ఈనాడు సంపాదించిన ధనాన్ని ఏ విదేశీ బ్యాంకుల్లోనో పెట్టి, కట్టకడపటికి కన్నుమూసి వెళుతున్నారు. పీల్చుకొన్న గాలిని వదలినప్పుడే, ఆరోగ్యం చక్కగా ఉంటుంది. అదేవిధంగా ధనాన్ని ఒక చేతితో సంపాదించాలి, మరొక చేతితో త్యాగం చేయాలి.

పూర్వం ప్యారిస్ లో ఒక వృద్ధ స్త్రీ ఉండేది. ఆమె చాల బీద స్త్రీ అయినప్పటికీ, తాను సంపాదించిన ధనముతో రెండు, మూడు దుప్పట్లుకొని, రాత్రిపూట చలిలో నిద్రిస్తున్నవారిమీద కప్పేసి వచ్చేది. ఈ విషయాన్ని ఎవ్వరికీ చెప్పేది కాదు. ఎప్పుడూ తల క్రిందకు వంచుకొని నడిచేది. కానీ జనులంతా ఆమె త్యాగాన్ని గుర్తించి, "అవ్వా! మీరింత త్యాగం చేస్తున్నారు కదా! తల ఎత్తుకొని తిరుగకూడదా?” అని అడిగారు. అప్పుడీ వృద్ధురాలు చెప్పింది, “నాయనలారా! భగవంతుడు నాకు అనంత హస్తాలతో అందిస్తుంటే నేను ఒక హస్తంతోనే ఇతరులకు దానం చేయటం చాలా అవమానకరంగా ఉంది” అనేదట.

కానీ ఈనాటివారు పది రూపాయలు దానం చేస్తేచాలు, వేయి రూపాయలు ఖర్చుచేసైనా తలకాయంత అక్షరాలతో పేపర్లలో ప్రకటించాలని ఆశిస్తుంటారు. కానీ ఆమే ఇటువంటివి ఏవీ ఆశించలేదు. భారతదేశంలో ఇటువంటివారు ఉండడం చేతనే దేశము సుభిక్షముగానుండగలుగు చున్నది. కనుక సంపాదించిన ధనమును పదిమందికి దానం చేసి, మంచి కార్యాలలో ప్రవేశించండి. జనసేవయే జనార్ధన సేవగా భావించండి. ఇదే మీరు చేయవలసిన సాధన. "🌴_*

Source - whatsapp sandesam