ఏది మరణం

ఏది మరణం

మనిషిగా పుట్టింది మహాత్ముడయ్యేందుకే
అని తెలిసినా అలా జీవించలేక పోవటం ...మరణం

మానవసేవే మాధవసేవని మనుస్మృతులు ఘోషిస్తున్నా...
గోవిందుడు గుళ్లో ఉన్నాడని
గంగిరెద్దులా జీవించటం.... మరణం

అర్హత లేని వాడి దగ్గర ఆత్మాభిమానం చంపుకుని బతకటం...మరణం.

కళ్లముందు అన్యాయం జరుగుతున్నా ప్రశ్నించలేని దౌర్భాగ్యం మరణం

రోడ్డు మీద కొన ఊపిరి తో ఉన్న వాణ్ణి చూసి మొహం తిప్పుకొని మన దాకా వస్తే గాని పట్టించుకోకపోవటం... మరణం

ఇనప్పెట్టెల్లో నోట్లకట్టలు ఇరుక్కుని
ఇమడలేక పోతున్నా...
పక్కవాడికి పది రూపాయలు
ఇవ్వలేకపోవడం...మరణం.

బ్యాంకు లాకర్లలో కోట్లు కోట్లు మూలుగుతున్నా
బడుగుజీవి బాగు కోసం ఒక్కరూపాయి
ఉపయోగించలేక పోవడం...మరణం

నమ్మిన వాళ్లని నట్టేట ముంచి
చేసిన సాయం మరచి పోవటం..మరణం

నా అనుకున్న వాళ్ళని నగుబాటుకు గురిచేసి..
నాలుక మడతేసి నాకేంటి అనుకోవటం..మరణం

ఎందుకు పుట్టామో తెలియక
జీవించి వున్నా జీవచ్చవం లా
బతకడం.. మరణం.

ప్రాణం పోవటం కాదు.. మరణం
ఎలా జీవించాలో తెలియకపోవడం..
మరణం.

Source - whatsapp message