నేటి ఆణిముత్యాలు.

నేటి ఆణిముత్యాలు. మాట మీద నిలబడటం వేరు
నిలబడే మాట పలకడం వేరు
మొదటిది
నిజాయతీ
రెండవది దార్శనికత

👍👍👍👍👍👍👍

చెప్పింది చేయడం వేరు
చేసేది చెప్పడం వేరు
మొదటిది నిబద్దత
రెండవది పారదర్శకత

👍👍👍👍👍👍👍

ఇతరుల మీద గెలవడం వేరు
ఇతరుల మదిలో నిలవడం వేరు
మొదటిది తంత్రం
రెండవది తత్వం

👍👍👍👍👍👍👍

ఎంత దూరమైనా వెళ్ళడం వేరు ఎంత దూరం వెళ్ళాలో తెలియడం వేరు
మొదటిది సాహసం
రెండవది వివేకం

👍👍👍👍👍👍👍

ఎలాగైనా చేయడం వేరు ఎలా చేయాలో తెలిసుండటం వేరు
మొదటిది చొరవ
రెండవది నేర్పు

👍👍👍👍👍👍👍

ఇతరులపై చూపుడు వేలు ఎత్తడం వేరు ఇతరుల కోసం పిడికిలి బిగించడం వేరు
మొదటిది నింద నీడన అస్తిత్వం
రెండవది నీడ వీడిన చైతన్యం

👍👍👍👍👍👍👍

గెలవడం వేరు గెలిపించడం వేరు
మొదటిది నేను
రెండవది మేము

సంఘం కట్టడం వేరు సంఘటితం అవ్వడం వేరు
మొదటిది వ్యూహం
రెండవది చైతన్యం


మొదటిది కావాలో... రెండవది కావాలో... ఆలోచన మనదే ... ఆచరణా మనదే ...

మనస్సులో సంతోషం లేనపుడు,
నువ్వు ఏడంతస్థుల మేడలో వున్నా,
ఏమీ లేని గుడిసెలో ఉన్నా ఒకటే..
మనస్సులో ఓర్వలేనితనం ఉన్నపుడు,
నువ్వు ఏడుకొండలు ఎక్కినా,
ఏడుస్తూ పూజచేసినా ఒక్కటే..
ముద్దాడినా కత్తి గాయమే చేస్తుంది,
తెగ నరుకుతున్నా చెట్టు నీడనే ఇస్తుంది,
మనం ఎంత చేసినా ఏమి చేసినా ఎవరి గుణం వారిదే..

తమని తాము గౌరవించుకోలేని బలహీనులు,
సమాజంలో అడుగడుగునా మనకు అగుపిస్తూనే ఉంటారు.!
పుట్టుకతో వచ్చిన నలుపురంగును దాచి,
ముఖాన రంగులు పూసుకునే వారు,
పొట్టిగా ఉన్నానని కుంచించుకుపోయి,
హీల్స్ వేసుకుని సంబరపడేవాళ్ళు,
బట్టతలను చూసుకుని బావురుమనే వాళ్ళు,
తమకు లేనివి చూసి బతుకంతా బాధపడేవాళ్ళు,
ఎదుటివాళ్ళలో హీరోని/హీరోయిన్ ను చూసి,

నేను కాలేకపోయానని కుమిపోతున్న వాళ్ళు ఎందరో...?

మనల్ని మనమే గుర్తించకపోతే,

గౌరవించుకోలేకపోతే, _ఇతరులెందుకు గౌరవిస్తారు.?

సేకరణ మానస సరోవరం.

Source - Whatsapp Message