Questions & Answers

భూమి కన్నా బరువైనది -- తల్లి,

ఆకాశం కన్నా ఉన్నతుడైనవాడు -- తండ్రి,

గాలి కన్నా వేగమైనది -- మనస్సు,

గడ్డిపోద కన్నా గాడమైనది -- చింత,

రెప్పలార్పకుండా నిద్రించేది -- చేప,

పుట్టి కదలకుండా ఉండేది -- గుడ్డు,

హృదయం లేనిది -- రాయి,

వేగంగా పెరిగిపోయేది -- నది,

బాటసారి కెవరు మిత్రుడు -- తోటి ప్రయాణీకుడు,

ఇంట్లో ఉన్నప్పుడు -- భార్య,

ఒంటరిగా తిరిగేవాడు -- సూర్యుడు,

మళ్ళీ మళ్ళీ పుట్టేవాడు -- చంద్రుడు,

హిమపాతానికి మందు -- అగ్ని,

అన్నిటినీ దాచి పెట్టె వస్తువు -- భూమి,

ఒకే ఒక ధర్మమేది -- దాక్షిణ్యం,

యశస్సేమిటి -- దానం,

స్వర్గం చేర్చేదేమిటి -- సత్యం,

సుఖకరమేమిటి -- శీలం,

జీవనాధారం -- వర్షం,

ధనాలలో -- శ్రుతం (విన్నది),

లాభాలలో -- ఆరోగ్యం,

సుఖాలలో -- సంతృప్తి,

అన్ని ధర్మాలలో ఉత్తమమైనది -- ఒకరిని బాధించక పోవటం,

సదా ఫలప్రదమైనది --శాస్త్ర విహితం,

ఏది నిగ్రహిస్తే విచారముండదు -- మనస్సు,

ఏది మాసిపోదు -- సజ్జన సాంగత్యం,

మానవుడు ఏది విడిచిపెడితే నలుగురికి ఇష్టుడు -- అభిమానం,

ఏది విడిస్తే బాధపడదు -- క్రోధం,

ఏది విడిచి ధనవంతుదౌతాడు -- కామం,

ఏది విడిచి సుఖపడతాడు -- లోభం

దేనిచేత లోకం ఆవరించబడింది -- అజ్ఞానం చేత,

దేనితో ప్రకాశించటం లేదు -- తమస్సుతో,

దేనివల్ల మిత్రులను పోగొట్టుకుంటున్నాము -- లోభం వల్ల.

దేని మూలంగా ఉత్తమ లోకానికి పోలేకపోతున్నాము -- సంగం వల్ల,

ఎలా చస్తాడు మనిషి -- దరిద్రుడయి,

రాష్ట్రం ఎలా చస్తుంది -- అరాజకమయి,

శ్రాద్దమెలా చస్తుంది -- అబ్రాహ్మణమయి,

యజ్ఞమేలా చస్తుంది -- అదక్షిణమయి,

ఏది దిక్కు -- సత్పురుషులు,

ఏది జాలం -- ఆకాశం,

అన్నమేది -- పృథివీ,

విషమేది -- యాచన,

శ్రాద్దానికేది కాలం -- ఉత్తమ బ్రాహ్మణుడు దొరకడం,

తపస్సేంటి -- స్వధర్మ అనుష్టానం,

దమమంటే ఏమిటి -- మనో నిగ్రహం,

సహనమేమిటి -- సుఖ దుక్ఖాలను ఓర్చుకోవటం,

లజ్జ ఏమిటి -- అకార్యాల నుండి తొలగటం,

జ్ఞానమని దేనిని అంటారు -- అసలు విషయమేదో తెలుసుకోవటం,

శమమేదంటారు -- చిత్త శాంతి,

దయ అంటే -- సర్వులకు క్షేమం కోరటం,

మానవులకు అజేయుడైన శత్రువేవరు --క్రోధం,

కుదర్చ లేని వ్యాధి ఏది -- లోభం,

అందరికీ కావలసిన వాడెవడు -- సాధువు,

మొహమంటే ఏమిటి -- ఏది ధర్మమో తెలియకపోవడం,

మాన మేమిటి -- నా అంతవాడు లేదనుకోవటం,

సోమరితనమేమిటి -- ధర్మం చెయ్యకపోవటం,

శోకమేమిటి -- అజ్ఞానమే,

దానమేమిటి -- దయే దానం,

స్నానమేమిటి -- మనో మాలిన్య క్షాళనం,

పండితుడెవడు,-- ధర్మజ్ఞుడు, మూర్ఖుడెవడు -- నాస్తికుడు,

కామమేది -- సంసార కారణం,

మాత్సర్యం -- మనస్తాపమే,

ఏది అహంకారం -- మహా జ్ఞానం,

దంభమేది -- ధర్మద్వజిత్వం,

దాన ఫలమేది -- దైవం,

ఏది పైశున్యం -- పర దూషణం,

అన్యోన్య విరుద్ధమైన ధర్మార్థ కామాలకేక్కడ సమన్వయం -- ధర్మం ధర్మపత్ని,
ఇవి రెండూ ఎవడి కనుకూలమో వాడి దగ్గర,

అక్షయమైన నరకం దేనివల్ల -- ఒక సత్పురుషుడికి దానం చేస్తానని చెప్పి తరువాత లేదు పొమ్మంటె,

కులమూ శ్రుతమూ స్వధ్యయమూ వ్రుత్తమూ దేని వల్ల బ్రాహ్మణ్యం లభిస్తుంది -- వృత్తం,

ప్రియంగా మాట్లాడే వాడికి లభించేది ఏమిటి -- అందరికీ ఇష్టుడనిపించుకోవడం,

ఆలోచించి పనిచేసేవాడికి కేమిటి -- ఎక్కువ లాభం,

అనేక మంది మిత్రులున్న వాడికి -- ఎక్కువ సుఖం,

ఎప్పుడు ధార్మికంగా నడిచే వాడికి -- ఉత్తమ గతులు,

ఎవడు సుఖంగా బ్రతుకుతాడు -- అప్పు చేయక ఎక్కడికీ కదలక ఇంట్లో కూచొని తింటూ కాలం గడిపే వాడు,

లోకంలో ఏది ఆశ్చర్యం -- వల్లకాటికి కొనిపోతూనే ఉన్నారు తోటి మానవులను, అయినా మనమప్పుడే పోతామా ఇంకా వుంది గదా కాలమని బ్రతుకుతున్నారే మానవులు! ఇదే ఆశ్చర్యం.

...... మోహన్....... ☀

Source - Whatsapp Message