కాస్త పట్టు విడుపులతో ముందుకు వెళ్ళండి వివాహం చేసుకోండి, జీవితాన్ని ఆనందమయం, సంసార జీవితాన్ని సాఫల్యం చేసుకోండి.

కాస్త పట్టు విడుపులతో ముందుకు వెళ్ళండి వివాహం చేసుకోండి, జీవితాన్ని ఆనందమయం, సంసార జీవితాన్ని సాఫల్యం చేసుకోండి. - ముప్పై సం. దాటితే ముప్పే

ఇటీవల కొద్ది మంది 30, 31, 32, 33, సం. లు దాటినా వివాహం గురించి ఆలోచిస్తూనే అన్వేషణ చేస్తూ కాలయాపన చేస్తున్నారు.

కోరికలు గుర్రాల్లాగా పరిగెత్తడం, గవర్నమెంట్ ఉద్యోగస్తులే కావాలని, ఇద్దరు ఉద్యోగస్టులై ఉండాలని కోరుకోవడం, వాట్సాప్ ఫోటోలపై ఆధారపడటం
ఉద్యోగం ఉన్నా తల్లిదండ్రుల ఆస్తి పాస్తులు బాగా ఉండాలని కోరుకోవటం.

అందచందాలకే అధిక ప్రాధాన్యత ఇవ్వడం, కాస్త నల్లగా ఉన్నా , చామన ఛాయ ఉన్నా రిజెక్ట్ చేయడం, తెల్లగా, సన్నగా, నాజూగ్గా ఉండాలని కోరుకోవడం, లావుగా ఉంటే రిజెక్ట్ చేయడం.

బట్ట తల ఉంటే రిజెక్ట్ చేయడం, పట్టింపులు జాతకాల పిచ్చి పెరగటం, కట్నం బాగా రావాలని, కుటుంబం ఆర్ధికoగా బలంగా ఉండాలని, కట్నాలు పెద్దగా ఇచ్చే శక్తి లేకపోవడం.

అబ్బాయిలు లేకుండా అమ్మాయిలే ఉండే కుటుంబం కావాలని కోరుకోవడం, పెళ్లి నిర్ణయంలో తల్లిదండ్రుల పాత్ర తగ్గి పోవడం, దూర భారమని, సొంత జిల్లావారే కావాలనుకోవడం.

ఉద్యోగం చేస్తున్నా సాలరీ హైక్ కొరకు కంపెనీ మారుతూ పెళ్లి వాయిదా వేసుకోవడం, ఫారిన్ వెళ్లి రావాలనుకోవడం, ప్రొఫైల్ బాగున్నా వెళ్లి చూసి రాకుండా వాట్సాప్ లో ఫోటోలు తెప్పించుకొని ,కేవలం ఫొటోలో బాగాలేరని రిజెక్ట్ చేసుకుంటూ పోవడం.

పాపం కొందరు అక్కా చెల్లెళ్ళ పెళ్ళిళ్ళ కొరకు తన పెళ్లి వాయిదా వేసుకోవటం. ఒక్కొక్కరు ఒక్కొక్కరి పై కారణాలతో ఆలస్యం చేసుకుంటున్నారు.

ఈలోపు పుణ్య కాలం కాస్త పోయి 30, 31 , 32 , సం . దాటుతాయి. బెండకాయ ముదిరినా బ్రహ్మచారి ముదిరినా అన్న సామెతలా అవుతుంది.

ముఖం లో గ్లామర్ తగ్గి పోతుంది. లావవుతారు , బొజ్జలు పెరిగి పోతాయి
బట్ట తల వస్తుంది .వయస్సుకు తగ్గ వారు దొరక్క
అవకాశాలు తగ్గి పోతాయి, పెళ్లి కావటం ఇంకా ఆలస్యం ఆవుతుంది. కొన్ని సందర్భాల్లో అనర్ధాలు జరగ వచ్చు .

బాల్య వివాహం వల్ల ఎన్ని ఆరోగ్య పర అనర్ధాలున్నాయో
లేట్ మ్యారేజ్ వల్ల అంతకంటే ఎక్కువ ఆరోగ్య పర, సామాజిక పర అనర్ధాలున్నాయని సైన్స్ చెబుతుంది.

ఏ వయస్సుకు తగ్గ అచ్చట ముచ్చట ఆ వయస్సులో తీరకపోవడం పెద్ద శాపం. లక్షల్లో జీతాలున్నా ,కోట్ల ఆస్తిపాస్తులున్నా జీవితం అడవి కాచిన వెన్నెల్లా వృధా కావడమే.

అందరికి అన్నీ అనుకూలంగా అమరిన సంబంధము దొరకడం కాస్త కష్టమే. మొదట ప్రయత్నం చేయండి దొరికితే మంచిదే. లేనిపక్షంలో సర్దుకుపోవాలి అప్పుడే జీవితం సుఖమయంగా సాగుతుంది వచ్చిన సంబంధం మంచిదా కాదా అన్నది చూడండి. అందం, ఆస్తిపాస్తులు ఇవి అశాశ్వతం అని తెలుసుకోండి జీవితం అశాశ్వతమైనది ఉన్నంతవరకు సుఖ సంతోషాలతో జీవించాలి వంకలు పెడుతూ పోతే పుణ్యకాలం కాస్తా ముగిసిపోతుంది.

సేకరణ