*_నేటి మాట_* *కాకి నేర్పే సత్యం*

నేటి మాట

కాకి నేర్పే సత్యం

‘’ కావు కావు కావు కావు! ఏవీ శాశ్వతం కావు! ’’...
కాకి ప్రతీ ఊరిలో, ప్రతీ ఇంటిపై వాలి ఏదో ఒక సమయంలో అరిచే ఉంటుంది.
ఏమని? కావు కావు కావు అని...!!!
అనగా ఏవి శాశ్వతం కావు అని! ...
నువ్వు నిరంతరం ఎంతో శ్రమించి సంపాదించిన సంపదలు శాశ్వతం కావు...
బంధాలు శాశ్వతం కావు...
ఏ కోరికలూ శాశ్వతం కావు...
నువ్వు చూసేవి చేసేవి ఏవీ శాశ్వతం కావు...
ఎదీ శాశ్వతం కానపుడు మరి ఎందుకు ఇంత తపన?
నీది కాని దాని కోసం నువ్వు ఎంత తపించినా ప్రయోజనము లేదు.
నీకు చెందవల్సింది నీవు వద్దు అన్నా నీకు చెంది తీరుతుంది.
లేనిదాని కోసం ఉన్నదానిని వదులుకోకు!
ప్రపంచం అసత్యం, అశాశ్వతం. ఒక్క పరమాత్మ మాత్రమే సత్యము, శాశ్వతమని తెలుసుకుని మసలుకో!
సంపాదించిన సంపాదన నాది నాది అని దాచుకొని, వెళ్ళిన నాడు వెంట రాదు, అది నీకు ఇచ్చిన పరమాత్ముడికి ఇవ్వడానికి నీకు మనసు రాకపోతే, నువ్వు సంపాదించి, నావారు అని దాచిపెట్టి ఇచ్చిన వారికి ఎలా మనసు వస్తుంది...
అందుకే వారు వృద్దాశ్రమంలో, ఉంచి చూస్తుంటారు...
దీనికి కారణం ఎవరు అని ఒక్కసారి ఆలోచించండి, అప్పడు మనకే అర్థం అవుతుంది,
జీవితం ఉన్నప్పుడే కాళ్లు చేతులు సరిగా పనిచేసినప్పుడే భగ్వద్ చింతనలో ఉండి, భగ్వద్ కార్యంలో పాల్గొన్నప్పుడు, " నీ జీవనానికి ఎట్టి ఇబ్బందీ ఉండదు, పరిపూర్ణమైన శాంతి లభిస్తుంది..."

🌿శుభమస్తు🌿
🙏సమస్త లోకా సుఖినోభవంతు🙏

సేకరణ