మనిషి చేసే ప్రతి కర్మలకు పద్దెనిమిది రకాల సాక్షులు, అవి ఏమిటో చూద్దాం.

🙏 మనిషి చేసే ప్రతి కర్మలకు పద్దెనిమిది రకాల సాక్షులు, అవి ఏమిటో చూద్దాం.🙏

🤝చుట్టూ ఎవరూ లేనప్పుడు తప్పుడు పనులకు తెగించడం, ఒకరి మీద లేని పోని నిందలు వేయడం మానవ బలహీనత...కానీ ‘'నేను ఒక్కడినే కదా ఉన్నాను, నన్ను ఎవరూ గమనించడం లేదు’' అని మనిషి అనుకోవటం చాలా పొరపాటు.

🤝మనిషి ఏ పని చేస్తున్నా నిశితంగా గమనించే మూగసాక్షులు పద్దెనిమిది (18) ఉన్నాయి. అవి ఏమిటంటే నాలుగు వేదాలు, పంచ భూతాలు, అంతరాత్మ, ధర్మం, యముడు, ఉభయ సంధ్యలు, సూర్య చంద్రులు, పగలు, రాత్రి... మొత్తం పద్దెనిమిది.

🤝వీటినే అష్టాదశ మహా సాక్షులు అంటారు. ఈ మూగ సాక్షులు మనిషి వెంటే వుంటు అనుక్షణం నీడలా తిరుగుతూ పర్యవేక్షిస్తు గమనిస్తుంటాయి. ఇవి మూగ సాక్షులు కాబట్టి ఈ లోకంలో ఉన్న న్యాయస్థానాల్లో సాక్ష్యం చెప్పలేకపోవచ్చును గాని, శిక్ష మాత్రం దానంతట అదే అమలు జరిగిపోతుంది.

🤝 ఎప్పటికప్పుడు వీటి గమనికల వలన మనిషికి ఏర్పడిన కర్మల నుండి తప్పించుకోవడం ఎట్టి పరిస్థితులలో సాధ్యపడదు. మనిషి దీన్ని గుర్తించక ఇవన్నీ జడ పదార్థాలే కాబట్టి, సాక్ష్యం చెప్పడానికి నోరులేనివని మానవుడు భ్రమ పడుతుంటాడు, అవి మనిషి ప్రతి చర్యనూ ఎప్పటికప్పుడు నమోదు చేస్తుంటాయని గ్రహించడు.

🤝ఆ నివేదికలన్ని ఎప్పటికప్పుడు విధికి చేరవేస్తాయి. అది వాటిని కర్మలుగా మలుస్తుంది . మనిషి చేసే పనులు మంచివి అయితే సత్కర్మలుగా, చెడ్డవి అయితే దుష్కర్మలుగా విధి నిర్ణయిస్తుంది. సత్కర్మలకు స్వాగత సత్కారాలు, దుష్కర్మలకు జరిమానాలు అమలవుతాయి.

🤝అవి ఏవో మరుజన్మకో ఆ తరువాత ఎప్పుడో ఫలిస్తాయని అనుకోకూడదు, ఈ జన్మలోనే అమలు జరగవచ్చు... లేదా దృతరాష్ట్రుడు వలె 50 జన్మల తరువాత అయిన కర్మ సిద్దాంతాన్ని పొందవచ్చు ఎప్పటికైనా విడిచి పెట్టవు.

🤝ఇది నిరంతరాయంగా సాగిపోయే సృష్టిపరిణామక్రమం, అంతరాత్మ అనేది ఒకటుందని ప్రతి మనిషికీ తెలుసు, అది మనం చేసే ప్రతి పని మంచిదా? చెడ్డదా ? అనే విషయాన్ని ఎప్పటికప్పుడే మన మనసుకు తెలియపరుస్తుంది కాని అజ్ఞానం వలన బోధపడదు.

🤝 కానీ ఆవేశం, కోపంతో విచక్షణ కోల్పోయిన వ్యక్తి అంతరాత్మ సలహాను కాలరాస్తాడు. అది అన్ని విధాల అనర్థాలకు దారితీయటం మనందరికి అనుభవ పూర్వకం.

🤝 ఒక్కోసారి అంతరాత్మ నిలదీస్తున్నప్పుడు పశ్చాత్తాపంతో సిగ్గుతో తలదించుకుంటాం. కానీ దీన్ని మనమెవరితోనూ పంచుకోలేము, అందువల్ల అంతరాత్మ ఒకటి అనుభవపూర్వకంగా నిజమైనప్పుడు మిగతా పది హేడు కూడా నిజమేనని గ్రహించగలగటం వివేకం. అష్టాదశ సాక్షులు ఎల్లవేళలా గమనిస్తున్నాయంటే, ఎవరు చూడాలో వాళ్ళు చూస్తున్నట్లేగా అర్థం .

🤝ఈ ఎరుక కలిగిన ఏ మనిషీ చెడ్డ పనులు చేయటానికి ఉపక్రమించడు, పైగా ఇతరులకు తోచిన సహాయ సహకారాలు చేస్తూ దన్యుడవుతాడు.

🤝 కాబట్టి ఎవరు చూసినా చూడకపోయినా మంచితనంతో, తోటి వారికి సాధ్యమయినంత సహాయం చేయాలనే సత్సంకల్పంతో జీవితాన్ని గడపడం ఉత్తమం. ఈ జ్ఞానం వల్ల మనిషి ఎప్పుడూ సాధ్యమైనన్ని మంచి పనులు చేయడానికి పయ్రత్నిస్తూ సుఖశాంతులను నోచుకుంటాడు.. మీ శ్రేయోభిలాషి, జై శ్రీరాం!
🚩🙏🙏🙏🙏🙏🙏🙏🙏🙏🙏🚩

సేకరణ