భగవంతుడు తప్పక ఇస్తాడు

భగవంతుడు తప్పక ఇస్తాడు

🌷🌷🔅🍁🕉🕉️🍁🔅🌷🌷

ఒకప్పుడు ఒక రాజు ఉండేవాడు. అతడు ఎప్పుడు మందిరానికి వెళ్ళినా అక్కడ ఇద్దరు భిక్షుకులు దేవాలయానికి కుడి పక్క, ఎడమ పక్క కూర్చుని ఉండేవారు.

కుడి పక్క కూర్చున్నవాడు - “ఓ భగవంతుడా, నువ్వు రాజుకు ఎంతో ఇచ్చావు. నాకు కూడా ఇవ్వు.” అని అనేవాడు.

ఎడమ పక్కకు కూర్చున్నవాడు - “ఓ రాజా, ఈశ్వరుడు మీకు ఎంతో ఇచ్చాడు. నాకు కూడా కొద్దిగా ఇవ్వండి.” అని అనేవాడు.

కుడిపక్క కూర్చున్నవాడు ఎడమపక్కన కూర్చున్నవాడితో రాజును ఎందుకు అడగడం,- “భగవంతుడిని అడుగు. అతడు అందరి ప్రార్థనలను వింటాడు.” అనేవాడు.

ఎడమ పక్కవాడు- “గమ్మున ఉండురా మూర్ఖుడా” భగవంతుడు వింటాడో లేదో కానీ రాజు వింటే తప్పకుండా సాయం చేస్తాడు అని జవాబు చెప్పేవాడు.

ఒకసారి రాజు తన మంత్రిని పిలిచి - “గుడి ఎదురుగా, కుడిపక్క కూర్చునేవాడు ఎప్పుడు భగవంతుని ప్రార్థిస్తాడు. భగవంతుడు తప్పకుండా అతడి అభ్యర్థనను వింటాడు. కానీ ఎడమపక్క కూర్చున్నవాడు ఎప్పుడు నన్ను అడుగుతాడు. అందువల్ల ఒక పెద్దపాత్రలో పరవాన్నం నింపి, అందులో బంగారు నాణేలను వేసి అతడికి ఇవ్వు.” అన్నాడు.

మంత్రి ఆ విధంగానే చేసాడు. అప్పుడు ఆ యాచకుడు పాయసం తింటూ, మరొక బిచ్చగాడిని వెక్కిరిస్తూ- “అబ్బో, ‘ఈశ్వరుడు ఇస్తాడు’ అన్నావే, ఇదిగో చూడు, నేను రాజును అడిగాను. దొరికిందా లేదా” అంటూ రెండోవాడిని ఎద్దేవా చేస్తూ కడుపునిండుగా తృప్తిగా తిని అతడికి ఇక చాలు అనిపించగానే , మిగిలిన పరవాన్నం గిన్నెను ఎంతో జాలిగా రెండవ బిచ్చగాడికి ఇస్తూ, “తీసుకో, నువ్వు కూడా రుచి చూడు, మూర్ఖుడా!” అన్నాడు.

రెండవరోజు రాజు వచ్చినప్పుడు చూస్తే ఎడమపక్క కూర్చున్న దరిద్రుడు ఇప్పుడు కూడా అక్కడే ఉన్నాడు. కానీ కుడిపక్క కూర్చున్నవాడు కనిపించకుండా పోయాడు.

రాజు ఆశ్చర్యచకితుడై - “నీకు పాయసాన్నము పాత్ర దొరకలేదా” అనడిగాడు.

భిక్షుకుడు - “దొరికింది రాజా, అబ్బ, ఎంత రుచికరంగా ఉందో పాయసం. నేను కడుపునిండా తిన్నాను.” అన్నాడు.

అప్పుడు రాజు ఉత్సుకతతో - “తర్వాత ఏమైంది” అంటూ ప్రశ్నించారు... దానికి భిక్షుకుడు స్పందిస్తూ - “ఆ పాయసంతో నా కడుపు నిండింది. నేను తినగా మిగిలిపోయిన దాన్ని రెండవ బిచ్చగాడికి, అదే, ఇక్కడ కూర్చునేవాడే, అతడికి ఇచ్చేశాను. పాపం,మహారాజా వాడొట్టి మూర్ఖుడు, ఎప్పుడూ అనేవాడు- ‘పరమాత్మ ఇస్తాడు, భగవంతుడే ఇస్తాడు’ అని, పరమాత్ముడు ఇంత అద్భుతమైన పాయసాన్ని ఇవ్వటం జరిగే పని కాదని వాని అజ్ఞానం మీద జాలి వేసింది, అందువల్ల నేను తినగా మిగిలిపోయింది ‘నువ్వూ తిను’ అని ఇచ్చాను.” అన్నాడు.

రాజు నవ్వి- “తప్పకుండా అతనికి భగవంతుడే ఇచ్చాడు” అన్నాడు.

పరమేశ్వరుని యందు విశ్వాసము నుంచవలెను.

🙏🕉️ఓం నమః శివాయ🔱🙏
🌹🌹🔅🍁🌷🌷🍁🔅🌹🌹

సేకరణ