♥️ ♥️ ఎలాంటి ఆపేక్షలు లేకుండా ప్రేమించడం ఎవరికి సాధ్యపడుతుంది?

♥️ ♥️ ఎలాంటి ఆపేక్షలు లేకుండా ప్రేమించడం ఎవరికి సాధ్యపడుతుంది?

ఒక తల్లి ప్రేమ

ఒక గ్రామంలోని ప్రభుత్వ పాఠశాలలో సంస్కృతం క్లాసు జరుగుతూ ఉంది. దీపావళి సెలవులలో చేయడానికి పిల్లలకి టీచర్ హోం వర్క్ ఇస్తున్నాడు.

అప్పుడే స్కూల్ లోని స్టోర్ రూమ్ లో పడి ఉన్న కార్పెట్, బట్టలకు మంటలు అంటుకున్నాయి... దీనికి కారణం ఎవరో తుంటరి విద్యార్థి బాణాసంచా కాల్చడం అయ్యుండవచ్చు. కాసేపటికే మంటలు భయంకరంగా చెలరేగాయి. అక్కడ పడి ఉన్న ఫర్నీచర్ కూడా మంటల్లో ధ్వంసం అయ్యింది.


విద్యార్థులంతా సమీపంలోని ఇళ్ల నుండి, చేతిపంపుల నుంచి నీళ్లు తెచ్చి, ఏ పాత్ర దొరికితే అందులో నీళ్లు తెచ్చి ... అందరూ మంటలను ఆర్పేందుకు ప్రయత్నిస్తున్నారు.

మంటలు ఆర్పడానికి చాలాసేపు పట్టింది, ఎట్టకేలకు స్టోర్ రూం తెరిచారు. స్టూడెంట్స్ అందరి దృష్టి వెంటనే స్టోర్ రూమ్ వరండా మీద పడింది, అక్కడ ఒక పక్షి బాగా కాలిపోయి, బొగ్గయిపోయింది.

పక్షి ఉన్న భంగిమను చూస్తే, పక్షి, తన ప్రాణాలను కాపాడుకోవడం కోసం ఎగరడానికి కూడా ప్రయత్నించలేదని, స్వచ్ఛందంగా తనకుతానుగా అగ్నిలో కాలిపోయినట్లుగా స్పష్టంగా కనిపించింది.

అందరూ చాలా ఆశ్చర్యపోయారు.

నిర్జీవంగా కాలిపోయిన ఆ పక్షిని ఓ విద్యార్థి తోయగా, దాని క్రింద నుండి మూడు చిన్న పక్షిపిల్లలు కనిపించాయి, అవి సురక్షితంగా ఉండి, కిచకిచలాడుతూ ఉన్నాయి.
వాటిని అగ్ని నుండి రక్షించడానికి, పక్షి తన రెక్కల క్రింద పిల్లలను దాచిపెట్టింది. తన చిన్నపిల్లలను రక్షించడానికి ప్రాణాన్ని అర్పించింది.

ఒక విద్యార్థి ఆ సంస్కృత ఉపాధ్యాయుడిని ఇలా అడిగాడు, "సార్, పిల్లలను రక్షించడానికి తన ప్రాణాన్ని ఇచ్చిందంటే, ఆ పక్షి తన పిల్లలతో ఎంత బంధింపబడి ఉండాలి?"

గురువుగారు చాలా ఓర్పుగా ఇలా చెప్పారు -
"కాదు, ఇది బంధం కాదు, మాతృత్వం, విశాలమైన తల్లి ప్రేమకు పరాకాష్ఠ. మోహానుబంధం ఉన్నవాళ్లు, మొదట వారి జీవితాన్ని కాపాడుకుంటారు, ఇలాంటి విపత్కర పరిస్థితుల్లో పారిపోతారు."


భగవంతుడు సాటిలేని భావోద్వేగాలతో నిండిన ప్రేమను తల్లికి ఇచ్చాడు. ఈ ప్రపంచంలో ఎలాంటి ఆపేక్షలు లేని, బేషరతైన ప్రేమకు తల్లి ప్రేమ ఉత్తమ ఉదాహరణ.


ప్రేమ ప్రతిదీ సులభం చేస్తుంది. ప్రేమతో నిండిన హృదయం ఎప్పటికీ నశించదు.

సేకరణ