మంచి మాట.. లు(13-09-2022)

13.09.2022:-మంగళవారం

ఈ రోజు AVB మంచి మాట.. లు

అశ్రద్ధ అనేది మనిషిని లోతైన అగాధంలోకి నెట్టేస్తుంది,, అందుకే మనిషికి జీవితంలో ప్రతి క్షణం జాగ్రత్త అవసరం,, అశ్రద్ధ అనేది ఎప్పుడు పనికిరాదు,,

మనకు ఎదురు పడితే పలకరించేవాళ్ళు ఎంతమందైనా ఉంటారు కానీ ప్రతిరోజూ గుర్తుపెట్టుకుని మనల్ని పలకరించే వాళ్ళు ఉండటం మన అదృష్టం

కొన్ని మంచి మాటలు ఇంట్లో వాళ్ళకి చేదు కషాయంలా, బయటి వాళ్ళకి తియ్యని తేనెలా ఉంటాయి . మనం ఎవరి గురించి ఎక్కువగా ఆలోచించకుడదు అది మనకు మనశ్శాంతిని దూరం చేస్తుంది. ఏం జరిగినా అది దైవ నిర్ణయం అని భావించు, అప్పుడు మన మనసు ప్రశాంతంగా ఉంటుంది .

మనం ఎవరికైన సహాయం చేసిన మంచినిచేసిన మరుక్షణంలోనే మనం మరచిపోవాలి , మనకు మంచి చేసిన మనిషిని మరణించే క్షణం వరకు గుర్తుంచుకోవాలి

పూర్వజన్మ సుకృతంతో భగవంతుడు తన ప్రతినిధులుగా కొందరికి అష్టైశ్వర్యాలు ఇచ్చి అవసరం ఉన్నవారికి సహాయపడటానికి అవకాశం ఇచ్చారు..

కాని వారిలో కొందరు స్వార్థంతో తనతో తీసుకెళ్లలేని సంపద ను అవసరమైన ఆపదలో ఉన్న వారికి సహాయం చేయకుండా అది తనదే అనే భావనతో ఉంటున్నారు..

దయచేసి భగవంతుడు నమ్మకంతో మీకు కల్పించిన సువర్ణ అవకాశం సద్వినియోగం చేసుకోండి..ఎట్లాను మీరు దానికి తీసుకెళ్లలేరు, ఖర్చు మాత్రమే చేయగలరు, కాబట్టి ఆపదలో ఉన్నా వారికీ సహాయపడండి. భగవంతుడు మీ మీద నమ్మకంతో మీకు ఇచ్చిన అవకాశం కోల్పోకండి 🙏

సేకరణ ✒️ AVB సుబ్బారావు 💐🤝