దైవమెక్కడ?

 *🙏🏻🌹శుభోదయం🌹*🙏🏻

*దైవమెక్కడ?*

           దైవం సర్వత్రా వ్యాపించి ఉన్నదని మాట్లాడేవారు,మానవుని మనస్సులో ఉన్న దైవాన్ని తెల్సుకోవడములో విఫలమవుతున్నారు. దైవం, వ్యక్తుల మనస్సులలో విడివిడిగా కాకుండా సమిష్టిగా ఉన్నది.ఉక్కిరి బిక్కిరి చేసే కోరికలు,దురాశ,మోహను వలన దైవమెక్కడో ఉన్నట్లు,మన మనస్సులలో లేనట్లు అన్పిస్తుంది. దురాశ, అపరిమితమైన కోరికలు దైవాన్ని, మనస్సు కందనంత దూరంలో ఉంచుతున్నాయి.

         దైవానికి మనమెంతదూరంలో ఉన్నామో తెలుసుకోవడం తేలికే.మీ కోరికలన్నీ ఒక పట్టీగా వ్రాయండి.పట్టీ ఎంత పెద్దదయితే దైవం మీ కంత దూరంలో ఉన్నట్లు తెలుసుకోండి. కోరికలను అధిగమించినప్పుడు దైవపు ఉనికి తెలుస్తుంది. మనస్సు సంతృప్తితో నిండి పోతుంది. పెరిగే కోరికలు మన జీవితంలోని ప్రతి క్షణాన్ని వశంచేసుకుంటాయి-ప్రణాళికలు వేసి, వాటిని అమలు పరిచి నైపుణ్యంతో వాటిని పూర్తి చేయడం- కాలమంతా అందులోనే గడిచి పోతుంది. కోరికలను విశ్లేషించి, అధిగమించడం తేలికే. అప్పుడు శాంతి,సంతృప్తి కల్గుతుంది- అక్కడే దైవాన్ని కనుగొనగలవు.

             తత్వజ్ఞాని వేదాద్రి మహర్షి