నిజమైన జ్ఞానం అంటే ?

 నిజమైన జ్ఞానం అంటే ?

ప్రతి ఒక్కరూ తమ జీవితంలో విద్య మరియు సుఖాన్ని (ఆనందాన్ని) కోరుకుంటారు. ఎప్పుడైతే మనము సరైన విద్యను పొందుతామో, అప్పుడు మనము అన్ని ప్రదేశాలలో గౌరవించబడతాము. ఎప్పుడైతే మనము మన విద్య ద్వారా, పాండిత్యము, ద్వారా గుర్తించబడతామో, అప్పుడు మనం చాలా సంపదను పొందవచ్చును. ఆ సంపదను మనము సరైన ధార్మిక మార్గంలో ఉపయోగించినప్పుడు మాత్రమే మనకు అపరిమితమైన ఆనందం, సుఖం కలుగుతుంది.

विद्या ददाति विनयं विनयाद्या ति पात्रताम् |

पात्रत्वात् धनमाप्नोति धनाद्धर् मं ततः सुखम् ||

పై శ్లోకము నుంచి మనము తెలుసుకున్న విషయం ఏమిటంటే, వినయంతో కూడిన విద్యవున్నప్పుడే మాత్రమే గౌరవం, గుర్తింపు రెండూ లభిస్తాయి మనకు. కేవలం ధర్మం మాత్రమే మన జీవితంలో నిజమైన ఆనందాన్ని ఇస్తుంది. గౌరవం లేకుండా సంపాదించిన జ్ఞానాన్ని విద్యగా పరిగణించరు. ఈ రోజుల్లో, మనం విద్య నేర్చుకునే స్థలాన్ని విద్యాశాల, విద్యాలయము అంటారు. సరైన విద్య ద్వారా సంపాదించిన సంపద మనల్ని ధర్మ మార్గంవైపు నడిపిస్తుంది. అది మనకు శాశ్వత సుఖాన్ని, ఆనందాన్ని ఇస్తుంది.

సంస్కృతంలో తండ్రిని పిత అంటారు. ఒక తండ్రిని మాత్రమే సంస్కృతంలో అలా ఎందుకు పిలుస్తారు. అంటే, అతను తన కొడుకును చాలా జాగ్రత్తగా మరియు భద్రతతో సరైన మార్గంలో నడిపిస్తాడు కనుక. తల్లిదండ్రులు తమ పిల్లలకు సరైన భద్రత కల్పించేత శ్రద్ధ వహిస్తున్నారో లేదో మనం చూడాలి. ఎందుకంటే అది వారి పిల్లలకు నిజమైన ఆనందాన్ని ఇస్తుంది. సంరక్షణ, క్షేమం లేకుండా, విద్య ద్వారా జ్ఞానాన్ని అందించడం అనేది వారిని డబ్బు సంపాదించే ఒక సాధనంగా చేస్తుంది తప్ప, అలాంటి విద్య తండ్రి ఇచ్చే నిజమైన భద్రత కాదు. తల్లిదండ్రులు తమ పిల్లలకు అలాంటి సంస్కృతిని నేర్పించబడినప్పుడు, తరువాతి రోజుల్లో, పిల్లలు తమ తల్లిదండ్రులను పట్టించుకోకపోవచ్చు, మరియు డబ్బు కోసం వెంపర్లాడటం మాత్రమే వారికి జీవన విధానం అవుతుంది.

ఒకరికి చాలా సంపద ఉండవచ్చు, కాని అతను తన ఆకలి కోసం ఆ డబ్బు తినలేడు. అతను తన ఆకలి కోసం ఆహారం కొనాలి లేదా సిద్ధం చేసుకోవాలి. అదేవిధంగా ఒకడు నిజమైన సుఖాన్ని, ఆనందాన్ని డబ్బు లేదా సంపద నుంచిగానీ, పేరు మరియు కీర్తి నుండిగానీ పొందలేడు. ధర్మం ద్వారా మాత్రమే మనకు నిజమైన ఆనందం లభిస్తుంది. ఏ విద్య అయితే నిజమైన జ్ఞానం, తద్వారా సుఖాన్ని ఇస్తుందో ఆ

ధర్మాన్ని ముందు మనం తెలుసుకోవాలి, నేర్చుకోవాలి.

--- జగద్గురు శ్రీశ్రీ భారతీ తీర్థ మహాస్వామివారు