మనకు కష్టం వచ్చినప్పుడు దాని గురించి ఆలోచిస్తూ భయపడుతూ కూర్చుంటే ఆ కష్టం నిన్ను వదిలి పోదు.

 మనకు కష్టం వచ్చినప్పుడు దాని గురించి ఆలోచిస్తూ భయపడుతూ కూర్చుంటే ఆ కష్టం నిన్ను వదిలి పోదు.

ఓ రోజు ఒక వనం లో ఒక పాము చాలా హుషారుగా పాకుతూ, దొర్లుతూ  అటువైపుగా వెళ్తోంది.

దాని హుషారుతనాన్ని చూసిన ఒక కోతి దాన్ని పట్టుకుంది...

ఆ పాము కోతిని కాటు వేయబోయింది...

భయంతో కోతి ఆ పాము పడగను గట్టిగా పట్టుకుంది... 

గట్టిగా అరవసాగింది కోతి.. చుట్టువున్న మిగతా కోతులన్నీ అక్కడకు వచ్చి పామును పట్టుకున్న కోతిని చూసి ఇలా అనుకున్నాయి.

ఇక ఈ కోతి బ్రతకడం కష్టం..

కోతి పామును వొదిలితే కచ్చితంగా కాటు వేస్తుంది...

మనం దగ్గరికెళితే మనం కూడా పాము కాటుకు బలి కావాల్సిందే...

మనం దూరంగానే ఉండటం మంచిది అని అన్ని కోతులు వెళ్లిపోయాయి...

తనవాళ్ళంతా తనని రక్షిస్తారేమో అని ఎదురుచూసిన

కోతికి నిరాశే ఎదురయ్యింది...

అలాగే భయంతో ఆ పాముని గట్టిగా పట్టుకుని కూర్చుంది.

అదే సమయంలో అటువైపుగా ఒక ముని వెళుతూ... 

కోతి స్థితిని

అర్థం చేసుకుని కోతితో ఇలా అన్నాడు.

' నీ చేతిలోని పాము నువ్వు భయంతో గట్టిగా పట్టుకున్నప్పుడే ఊపిరి ఆడక చచ్చింది.

వదిలేస్తే నిన్ను కాటు వేస్తుందని భయపడి ఇబ్బంది పడుతున్నావు.

దాన్ని వదిలేయి" అన్నారు ఆ ముని... 

ఆ ముని మాటలు విని కోతి ఆ పామును వదిలి ఒక్క గెంతుతో చెట్టు పైకి ఎక్కేసింది... 

ఇందులోని నీతి ఏంటంటే...

నీకు కష్టం వచ్చినప్పుడు దాని గురించే ఆలోచిస్తూ భయపడుతూ ఉంటే ఆ కష్టం నిన్ను వదిలి పోదు...

కష్టాన్ని దూరంగా విసిరేసి కష్టానికి పరిష్కారం వెతకాలి.

అలాగే నువ్వు ఇబ్బందిలో ఉంటే నీ కుటుంబ సభ్యులు, బంధువులు, ఎవ్వరూ నిన్ను రక్షించడానికి ...

నీ కష్టం తీర్చడానికి ముందుకు రారు అని గట్టిగా గుర్తు పెట్టుకోవాలి.

ఆ కష్టం తమను అంటుకుంటాయని దూరంగా వెళ్ళిపోతారు...

నువ్వు కష్టం వచ్చినప్పుడు ఎవరి సహాయం కోసం చూడకూడదు..

కష్టాన్ని భూతద్దంలో చూడకూడదు...

కష్టాన్ని మంచి పరిష్కారంలో తరిమికొట్టాలి...

అప్పుడే నువ్వు ప్రశాంతంగా ఉండగలవు నీ జీవితం సుఖమయం కాగలదు...