శీర్షిక : *అచ్చుల గేయం ( *బాల *గేయం*)

 శీర్షిక  :  *అచ్చుల గేయం ( *బాల *గేయం*)

రచన: మిడిదొడ్డి చంద్రశేఖరరావు

*అఆ*  అ  అంటే  అమ్మ 

            అమ్మతోనే అన్ని

            అ  అంటే  అవని

            అవని లేకుంటే ఏమి లేదు

            ఆ  అంటే  ఆనందం

            ఆనందమే ఆరోగ్యం

            ఆ  అంటే  ఆకాశం

            ఆకాశం స్థాయికి ఎదగాలి 

            ఆ  ఆవేశం మాను 

*ఇఈ* ఇ  అంటే ఇష్టం

            ఇష్టపడి పని చేయ్

            నిన్ను  నీవే  ఇష్టపడు 

            ఈ  అంటే  ఈర్ష్య 

            ఈర్ష్యను  ఈడ్చి కొట్టు 

            ఈశ్వరుని  నువ్వు  పూజించు

            ఈత నేర్చుట మంచిది

*ఉఊ* ఉ అంటే  ఉన్నతం

          ఉన్నంతలోనె  నువ్వు  సర్దుకో 

          ఉబలాటాలు అధికం చేటు

          ఊ  అంటే  ఊహ

          ఊహలు  మంచిగ  ఊహించు

          ఊతం ఇచ్చిన వారిని మరవకు గౌరవించు

ఋ* ఋ  అంటే  ఋతువు 

         ఋతువులు  ఆరని  తెలుసుకో 

         ఋగ్వేదం  దేవ వేదం 

         ఋషులను  చూసి  నేర్చుకో 

         ఋణం ముప్పు తెలుసుకో

*ఎఏ* ఎ  అంటే  ఎదగడం

           నీకు  నీవే  నేర్చుకో 

           ఎంత ఎత్తుకు ఎదిగిన గతాన్ని మరవకు

         ఏ  అంటే  ఏకాగ్రత 

         ఎన్నడూ  నువ్  కోల్పోకు

         ఏ మార్పు మానుకో అది చేటు 

*ఐ*   ఐ  అంటే  ఐక్యం 

         ఐక్యంగా  నువ్  మెలుగు

         ఐక్యతే  మంచిగుణం 

         ఐకమత్యమే  మహాబలం

         ఐక్యత కోసం పోరాడు

*ఒఓ* ఒ  అంటే  ఒంటరి 

        ఒంటరితనం జయించు

        ఒడిదుడుకులు  సహజం 

        ఓ  అంటే  ఓటమి 

        ఓటమిలో  నువ్  కృంగకు

        ఓర్మితో మెలుగు

*ఔ* ఔ  అంటే  ఔనని 

        ఔననడం   మంచిదే 

        ఔనని  అనకు  అన్నిటికీ 

       కాదనడం  కూడా  నేర్చుకో

        ఔనత్యముతో మెలుగు

*అం* *అః* అం  అంటే  అందరం 

అందరు  బాగుండాలి 

అందరూ మంచిగా ఉండాలని 

కోరుకో

అందుకే మనమందరం 

అః అః అంటూ ముందుకు కదులుదాం 

అహర్నిశలూ   శ్రమించాలీ ఆనందంగా ఉండాలి

యం. చంద్రశేఖర్.