. *మన అసలైన జీవన వైఖరి*
. **************************
నీ వయసెంత ? నీ ఆస్తి ఎంత ?
అవసరం లేదు.
నీవు సంపాదించుకున్న కీర్తి ఎంత
ఎటువంటిది అనేదే అవసరం.
నీ పుట్టుకతో మరణంతో అవసరం లేదు.
నీకున్న జ్ఞానం, విజ్ఞానం వాటి ఆచరణతో
అవసరం.
నీవు ఆడా ! మగా ! అవసరం లేదు.
నీ లోని మనసు, మమతలు అవసరం.
నీవు ఎవరివో అవసరం లేదు.
ఇతరుల ఎడ నీ ప్రవర్తన అవసరం.
నీవు తింటున్నావో పంటున్నావో
అవసరం లేదు.
నీవు ఉండే తీరు తెన్నులు అవసరం.
నీవు చేస్తున్న పనితో అవసరం లేదు.
నీవు చేస్తున్న పనిలో నిపుణత
ఎంతుందో అవసరం.
నీ శరీర అందచందాల గురించి
అవసరం లేదు.
నీ ఆలోచనా వైఖరి ఎలాంటిదో అవసరం.
నీవు ఎలా జీవిస్తున్నావో అవసరం లేదు.
ఇతరులతో నీకు గల స్నేహం ఎలాంటిదో
అవసరం.
నీ బంధువులు, మిత్రులు ఎవరో ఎందరో
అవసరం లేదు.
వారు ఎలాంటి వారు అనేది అవసరం.
నీవున్న చోటుతో అవసరం లేదు.
అక్కడ ఉన్న నాగరికత ఎలాంటిదో
అవసరం.
నీవు నిరుపేదవో ధనవంతుడివో
అవసరం లేదు.
నీకున్న సంతోషం, సంతృప్తి ఎంత
అనేది అవసరం.
నీవు దేవునికి చేస్తున్న పూజ ఏమిటో
అవసరం లేదు.
నీ సద్గుణం, సత్ప్రవర్తన, భక్తి ప్రపత్తులే
అవసరం.
నీవు , నీ తల్లిదండ్రి ఎవరో అవసరం లేదు.
నీవెవరో ! నీ జన్మం ఏదో తెలిసి మసలుటే
అవసరం.
మన సంతోష సంతృప్తికర జీవన విధానానికి
ఇవే మన జీవనంలో అవసరాలు.
అనుసరణీయాలు.
********************
రచన :---- రుద్ర మాణిక్యం.(✍️కవి రత్న)
రిటైర్డ్ టీచర్. జగిత్యాల (జిల్లా)
*************************************
No comments:
Post a Comment