*బడ్జెట్...*

చినుకులకు తడిసిన గుడిసెది 

ఓ బడ్జెట్...

గుడిసె నుంచి ఎదిగిన రేకుల షెడ్‌డి

ఓ బడ్జెట్...

రేకుల షెడ్‌ నుంచి మొలిచిన సిమెంటు ఇంటిది ఓ బడ్జెట్...

తినడానికి లేనివాడికి తిండి వెతుక్కోవడానికే

*శ్రమ బడ్జెట్...*

తిండి కలిగినోడికి దండిగా చదువుకోవడానికే 

*పీజుల బడ్జెట్...*

స్వేచ్ఛపరుడికి వ్యాపారపు వృద్ధికే

*పెట్టుబడి బడ్జెట్...*

*నేలనే నమ్మి ఉన్నది మట్టిలో వేసి*

*అన్నం పెట్టేవాడికి ప్రకృతి పరిస్థితుల అనుకూలతే ఆశల బడ్జెట్...*

ఉన్నోడికి ఓలా

లేనోడికి మరోలా

మధ్యతరగతి వాడికి ఇంకోలా

ఆర్థిక స్థితిని బట్టి అవతరించే 

గణిత గమ్మత్తు  ఈ బడ్జెట్...

బరువు బాధ్యతలను 

బ్రతుకులను

రాష్ట్రాల అడుగులను

దేశాల ఎదుగుదలను

మనిషి మనుగడ మెరుగుదలను నడిపించే 

*జగన్నాథ రథచక్రాలే ఈ బడ్జెట్ కాసులు...*

పార్లమెంట్ లో కురిసిన 

ఈ లెక్కల చినుకులు

ప్రతి గడపలో మొలిచిన ఆశలకు ఆశయాలకు

సరిపడా తడిని అందించినపుడే 

*బడ్జెట్‌కు సార్థకత...*

బ్రతుకు బండికి భరోసా

భవిష్యత్తు తరాలకు బాసట

అయినపుడే *బడ్జెట్ ప్రవేశ పర్వమునకు దక్కును ప్రతిష్టత...*

*అభిరామ్ 9704153642*