పూజ చేసేప్పడు చెడ్డ ఆలోచనలు!!!

 *పూజ చేసేప్పడు చెడ్డ ఆలోచనలు!!!*

                

*మంచి పనులుచేస్తున్న సందర్భాల్లో చెడ్డ ఆలోచనలు వస్తున్నాయి... ఎందుకు ఈ పరిస్థితి వస్తోంది...?*

*పూజ లేదా మంత్రం చేసేప్పుడు వాటికి తగిన ప్రాధాన్యత ఇవ్వకపోవడం వలన మరో ఆలోచన గుర్తుకు వస్తుంది.*

*మనం రోజూ ఒకేరకంగా పూజ, జపం చేస్తున్నాం. కానీ జపంలో, పూజలో వచ్చే ఆలోచనలు మాత్రం ఏరోజుకారోజు మారిపోతూనేవున్నాయి.*

*అలా గుర్తుకు వచ్చే విషయాలన్నీ మన జ్ఞాపకాలే.*

*అవే జ్ఞాపకాలు మనం ఖాళీగా ఉన్నప్పుడు గుర్తుకువస్తే బాధ కలగటం లేదు.*

*కానీ పూజలోనో, జపంలోనో గుర్తుకువస్తే మాత్రం బాధపడుతున్నాం.*

*మనం చేద్దామనుకున్నవి లేదా చేసినవే మనకు గుర్తుకు వస్తుంటాయి.*

*అవసరమైన జ్ఞాపకం గుర్తుకు రాకపోతే బాధపడుతుంటాం. అనవసరంగా (పూజలో) గుర్తుకు వచ్చినప్పుడు కూడా బాధపడతాం.*

*మనం చేద్దామనుకున్న మంత్రం ఒక జ్ఞాపకంగా చేయాలనుకోవటం మరో జ్ఞాపకం.*

*ఆ జపం చేస్తున్నప్పుడు గుర్తుకు వచ్చే పిచ్చి విషయాలు ఇంకో జ్ఞాపకం.*

*అవన్నీ నీవు కావాలనుకుంటేనే జ్ఞాపకాలుగా ఏర్పడ్డాయి.*

*అంతేగానీ మరెవరో వాటిని నీ మనసులోకి జొప్పించలేదు.*

*జ్ఞాపకంగా తీసుకుంటే మంత్రానికీ, ఆలోచనకు తేడాలేదు.*

*ఇకపోతే ఆచరించవలసింది ఏమిటంటే మన పొరపాటు వలన జరిగింది ఏదైనాసరే మరోసారి అలా బాధపెట్టే జ్ఞాపకంగా నిలిచిపోయే పనులు చేయకుండా ఉండాలి.*

*అది మరొకరి పొరపాటుకు సంబంధించినదైతే, మనం మార్చలేని విషయంలో జ్ఞాపకానికి విలువలేదని గుర్తించి వదిలివేయాలి!*

*✍️మీ ఆనంద్ అర్వపెల్లి.*

          

  *🙏సమస్త లోకా: సుఖినోభవన్తు.🙏*