*ఆ రాజుగారికి ఒకటే కన్ను ఒకటే కాలు. ఆయన తన రాజ్యంలో ఉన్న చిత్రకారులను పిలిచి తన బొమ్మను అందంగా గీయమని ఆదేశించాడు. కానీ ఆ చిత్రకారులు ఎవ్వరూ అందంగా గీయలేక పోయారు. ఒక కన్ను ఒక కాలు లేని వ్యక్తిని అందగాడిగా చిత్రీకరించడం సాధ్యమా ?? ఎట్టకేలకు ఒక చిత్రకారుడు రాజుగారి చిత్రాన్ని అందంగా రూపొందించడానికి ఒప్పుకొన్నాడు. కష్టపడి అన్నట్లుగానే రాజు గారి చిత్రాన్ని గొప్పగా మలిచాడు. అందంగా తీర్చిదిద్దాడు.*

*నిజంగా రాజు గారి చిత్రం చాలా అందంగా వచ్చింది. చూసిన ప్రతి ఒక్కరూ ఆశ్చర్య చకితులయ్యారు. ఆ చిత్రకారుడు రాజుగారిని వేటాడుతున్న భంగిమలో చిత్రించాడు.*

*ఒక కాలు వొంచి ఒకే కాలు మీద నిలబడినట్లు, ఒక కన్ను మూసుకుని ఇంకొక కన్నుతో గురిపెడుతున్నట్లు- ఓహ్... అద్భుతంగా చిత్రీకరించారు.* *ఎదుటివారి బలహీనతలను బయటపెట్టకుండా, వాళ్ళ బలాలను చూపిస్తే గొప్పగా ఉంటుంది కదా !!!