*(ఎవరు రాశారో కానీ మహానుభావుడు)*

*మాతృ గర్భంలో* 

*నవమాసాలు*

*కటిక చీకటిలో* 

*అండము నుంచి* 

*పిండంగా పెరిగింది*

*ఎన్ని సార్లు* 

*మోసిన కడుపును* 

*తన్నిందో*

*తాను ఎంత* 

*యాతన అనుభవించిందో* 

*ఎంత బాధను*

*మోసిన వారికి కలిగించిందో* 

*వెలుగు చూసింది*

*బాల్యం*

*నాటి నుంచి*

*ఏవో ఆశలు*

*ఏవో కోరికలు*

*ఏవో ఆలోచనలు*

*కోరినవి తీరితే కేరింతలు*

*తీరినపుడు గుక్క తిరగని* *ఏడుపులు*

*ఎందరు గారం చేసారో*

*ఎందరు ముద్దు చేసారో* 

*ఎందరు ప్రేమను పంచారో*

*ఎందరి పొత్తిళ్ళలో పెరిగానో* 

*ఎందరి భుజాలపై ఎక్కాన*

*ఏవీ గుర్తు లేవు*

*అడుగులు తడబడి* 

*కింద బడిన సందర్భాలు ఎన్నో* 

*ఒక అడుగు అమ్మ*

*ఒక అడుగు నాన్న*

*చేయి పట్టి నడిపితే*

*ఈ లోకాన్నే జయించినంత అనందం*

*ఆటలలో అన్న*

*పాటలలో అక్క*

*చేదోడు వాదోడుగా తమ్ముడు* 

*అల్లరి పట్టించటానికి చెల్లి* 

*చిన్న చిన్న బహుమానాలు ఇచ్చే బంధువులు*

*గురుతు ఉండి లేనట్లుగా గడిచిపోయింది* 

*అలుపెరగని ఆటలతో కౌమారం మొదలైంది*

*పగలేదో రాత్రేదో తెలియదు*

*అంతులేని ఆటలు* 

*పొంతనలేని చేతలు* 

*చదువుకోసం నిదురలేని రాత్రులు* 

*స్నేహం కోసం త్యాగం చేసిన సాయంత్రాలు* 

*బతుకు బాటకోసం వెతుకులాట* 

*ఆశలు ఎన్నో* 

*ఆశయాలు ఎన్నో* 

*సాధించాలనే తపన ఎంతో*

*అంతులేని ఆలోచనలను*

*అదుపులేని ఆవేశాన్ని* 

*అర్ధంకాని భవిత* 

*అర్ధంతరంగా వచ్చిన బాధ్యతలు*

*కమ్మేశాయి*

*ఎన్నో కలలు*

*ఎన్నో రంగులు* 

*కలలకు*

*వాస్తవాన్ని పరిచయం చేసే జీవితం ఆరంభం*

*ఆవేశానికి* 

*అనుభవం నేర్పించిన పాఠాలు కొన్ని గుణపాఠాలు కొన్ని* 

*మోయలేని భారమైన*

*మోయాయవలసిన* *బాధ్యతలతో* 

*రక్తాన్ని చెమటని* 

*కన్నీటి తెరలుగా మర్చి*

*కనురెప్పల మాటున దాచి* 

*చిరునవ్వులుగా మలచి* 

*కొండంత భారాన్ని పిడికెడు గుండెలో* 

*దాచుకొని* 

*పడుతూ లేస్తూ సాగిన జీవన పయనం*

*ఏ చిత్రంలోనూ చూపలేని* 

*సన్నివేశాలతో*

*ఏ నాటకంలోని ఊహించలేని* 

*మలుపులతో* 

*సాగిన జీవన పోరాటంలో*

*శక్తి యుక్తులు ఉడిగి*

*వయో భారంతో* 

*మరొకరి సేవలు* *చేయించుకోవటం* 

*బాధాకరంగా పరిణమించి*

*నా అనుకున్న వారు* 

*పరాయివారుగా మారితే* 

*అక్కున చేర్చుకున్న అందరు*

*అందనంత దూరంలో ఉంచితే*

*కన్న వారి పలకరింపులు మాయమైతే*

*ఎన్నో జ్ఞాపకాలను*

*ఎన్నో అనుభవాలను*

*ఎన్నో ఆక్రోశాలను*

*ఎన్నో ఆవేదనలను భరించిన* 

*గుండె ఆగింది*

*ఈ లోకం వదిలి*

*బూడిదని మిగిల్చింది* 

*మళ్ళీ మనిషి జన్మ వద్దని*

*ఆ మహాదేవుని*

*పాదాలను కన్నీటితో*

*అభిషేకిద్దామని*

*తనువు విడిచి వెల్లింది*

*బంధాలకు* 

*అనుబంధాలకు*

*పిలుపులకు*

*తలపులు*

*అందనంత దూరంగా*