నారద భక్తి సూత్రములు 

82 వ సూత్రము

"గుణ మాహాత్మ్యసక్తి,రుపాసక్తి,పూజాశక్తి,స్మరణాసక్తి,దాస్యాసక్తి ,సఖ్యాసక్తి,వాత్సల్యాసక్తి,కాంతాసక్తి,ఆత్మ నివేదనాసక్తి,తన్మయాసక్తి,పరమావిరహాసక్తి రూపైకధా ప్యేకాదశధా"            

ఒక్కటే అయిన భక్తిని నారద మహర్షి ౧౧(పదకొండు) ఆసక్తులుగా పేర్కొన్నాడు.

పరిపూర్ణ భక్తి లో ఈ పదకొండు ఉంటాయి,గోపికలు ఇందుకు ఉదాహరణ,వారిలో అన్ని ఆసక్తులు వున్నాయి,ప్రతి భక్తునిలోను అన్ని ఉండలని ఏమిలేదు,వారి వారి మతానుసారం రెండు మూడు కలిసి ఉండొచ్చు.లేదా ఏదైనా ఒక ఆసక్తి మాత్రమే వుంది ఉండవచ్చు.అన్ని ఆసక్తులు సమానమే ప్రతీది భగవత్ కృపకు మార్గమే.

🕉️🌱🌿🌴

నారద ప్రోక్తములైన ఈ మంగళకర సూత్రాలు శివుడు అనుశాసించినవే,మానవుడు వీనిపై ప్రగాఢ విశ్వాసం ఉంచి శ్రద్దగా అభ్యసించినచో ప్రాణ ప్రియమైన భగవంతుణ్ణి పొందగలరు.

ఏ శాస్త్రానికైనా నాలుగు ముఖ్య అంగాలు ఉంటాయి-

అర్హత-విషయం-సంబంధం-ప్రయోజనం.

అర్హత-మానవ జన్మ పొందడమే శాస్త్ర అధ్యయనానికి శాస్త్ర "అర్హత".

విషయం-అనగా శివానుశాసనం పాలించడమే,ఆత్మకళ్యాణంతో లోక కల్యాణ కారిక్రమమే శాస్త్ర "విషయం".

                

సంబంధం-శాంతి సత్యాహింసాది సుగుణాలు అన్ని ఒక గొలుసులోని కడియాలువంటవి,ఇవి అన్ని పరస్పర సంబంధితాలు. వీటిని మెదడుతో తెలుసుకొని హృదయంతో భావనచేసి సంబంధం కలపాలి,అప్పుడు అదియే జీవాత్మ పరమాత్మ సంబంధం అవుతుంది ఇదియే శాస్త్ర "సంబంధం".

ప్రయోజనం(ఫలశృతి) ఈ నారద సూత్ర సూక్తులు శివానుశాసనంగా పార్వతీదేవ్యాది సురవర్యులు ఆచరించి ఇష్టకామ్యాలు పొంది శాశ్వతులు అయినారు.విశ్వాసం,శ్రద్ధ,అభ్యాసం,భక్తునికి సాధనోపాయాలు,ఈ పరమ భక్తిని పొందఁటయే చరమ పురుషార్థం.ఇది పంచమ పురుషార్థం.ఇది మోక్షముకంటే అధికమైనది.ఇది అందుకోవటమే మానవ జీవన పరమ "ప్రయోజనం"             

నారద మహర్షివారి పాదారవిందములకు