శ్రీ మూక పంచశతి:

శ్రీ మూకశంకర విరచిత 

మూక పంచశతి

శ్రీకామాక్షి పరదేవతా వైభవ వర్ణన

స్తుతి శతకం

🙏🌸🙏🙏🙏🌸🙏

 

శ్లోకము:-

*ఘనస్తనతట స్ఫుటస్ఫురిత కంచులీ చంచలీ*

*కృత త్రిపురశాసనా సుజనశీలితోపాసనా|*

*దృశోః సరణిమశ్నుతే మమ కదా ను కాంచీపురే*

*పరా పరమయోగినాం మనసి చిత్కలా పుష్కలా||83||*

 

భావము:

నిబిడమైన స్తనతటముచే స్పష్టముగా స్ఫురితమైన కంచుకముచే ( రవికతో) చంచలము చేయబడిన త్రిపురారి అగు శంకరుడు కల్గినట్టియు సత్పురుషులచే పరిశీలింపబడిన ఉపాసన కలిగినట్టియు మహాయోగులయొక్క మనస్సునందు పుష్కలమైన చిత్కళయగు పరదేవత కాంచీపట్టణమందు నాయొక్క చూపుల మార్గమును ఎన్నడు పొందునో!

 

శ్లోకము:-

*కవీంద్రహృదయేచరీ పరిగృహీత కాంచీపురీ*

*నిరూఢకరుణాఝరీ నిఖిలలోకరక్షాకరీ|*

*మనఃపథదవీయసీ మదనశాసనప్రేయసీ*

*మహాగుణగరీయసీ మమ దృశోస్తు నేదీయసీ||84||*

 

భావము:

కవిశ్రేష్ఠులయొక్క హేదయములందు సంచరిచునదియు స్వీకరించబడిన కాంచీపురముగలట్టియు ధృడమైన దయాప్రవాహము గలిగినట్టియు సమస్తలోకములకు రక్షణ చేయునట్టియు మనోమార్గమునకు దూరమైనట్టియు గొప్ప గుణములతో గరిష్టురాలై  మన్మధుని శిక్షించిన శివునకు ప్రియురాలైన కామాక్షి నాయొక్క చూపుకు మాత్రము దరిదాపు అగుగాక!

 

🔱 ఆ తల్లి 

పాదపద్మములకు నమస్కరిస్తూ 🔱 

🙏🌸🌸🌸🌸🌸🙏.