(274) (21.05.2025)

పట్టుచీర కట్టుకుని

నుదుట బొట్టు పెట్టుకుని

అందంగా కురులను దువ్వుకుని

మూరెడు మల్లెలు తలలో తురుముకుని 

లక్ష్మీదేవిలా నీవు నడిచి వచ్చావు

నా ఎదలో గాయం రేపావు //

ఇన్నాళ్లు నే చూడలేదు ఇంత అందము

ఏనాడు కలగలేదు ఇంత ఆనందము //

తొలిసారి మనసు పారేసుకున్నాను

నిన్ను తప్ప వేరేవారిని మనువాడకూడదని ఒట్టేసుకున్నాను

అంతలా నాకు నీవు నచ్చావు

ని వెంట పడేలా చేశావు //

నా మనసులో ఉన్న అమ్మాయి దొరికింది

మా అమ్మ కోరిక నెరవేరబోతొంది

ఆలస్యమైనా అణుకువ ఉంది

ఎంతో మందిని చూచినా ఈ అమ్మాయే నాకు నచ్చింది //

గుడిలోకి వచ్చినా

బడికి వెళ్లినా

ఆమె మోములో అమాయకత్వం కనిపిస్తుంది

ఆ అమాయకత్వమే నను కట్టిపడేసింది

ఈ రోజుల్లో ఇలాటి ఆమ్మాయి దొరకదు

దొరికినా నాలాటి వాడిని ఇష్టపడదు //

నేను ఏనాడో చేసుకున్న  అదృష్టము

నేను మొక్కిన దేవుళ్ళు ఇఛ్చిన వరము

ఈ అమ్మాయితోనే ఏడు అడుగులు నడుస్తాను

ఈ అమ్మాయి మెడలోనే మూడు ముళ్ళు వేస్తాను //

పెళ్లే కాదని బాధపడ్డాను

అమ్మాయే దొరకదని విచారించాను

ఇప్పుడిక ఆ విచారం లేదు

నా కన్నవారి ఆనందం చెప్ప  నోట మాట రావడం లేదు //

మధిర వెంకట రమణ, హైదరాబాద్