ఒక అంధ బాలుడు గుడి మెట్ల దగ్గర కూర్చున్నాడు . 

అతడి ముందు ఒక గుడ్డ పరిచి ఉంది . పక్కన ఒక అట్టమీద ఇలా ఉంది .

" నేను అంధుడిని . దయ చేసి దానం చెయ్యండి "

కొంత సేపటికి కొద్దిగా చిల్లర డబ్బులు పడ్డాయి .

దారిన పోతున్న రామారావు ఆగి వెనక్కి వచ్చి ఒక రూపాయ్ వేశాడు . 

చాలా తక్కువ డబ్బులు ఉన్నాయి . 

అక్కడ ఉన్న అట్ట తీశాడు . వెనక్కు తిప్పి ఏదో రాశాడు . అక్కడ పెట్టి వెళ్లి పోయాడు .

 తన పని ముగించుకొని తిరిగి వెనక్కి వెడుతూ మళ్ళీ గుడి దగ్గర ఉన్న బాలుడి దగ్గరకి వచ్చాడు . పరచిన గుడ్డ నిండా చిల్లర డబ్బులు . 

రామారావు సంతోషించాడు . 

అడుగుల చప్పుడు గుర్తుపట్టాడు ఆ అంధ బాలుడు .

" సర్ మీరు పొద్దున్న అట్ట తిప్పి ఏదో రాశారు కదా సర్. మీరే కదా ."

" అవును "

" ఏమి రాశారు సర్ "

రామారావు చెప్పాడు,

 " ఈ రోజు అద్భుతమైన రోజు . కానీ నేను చూడలేను " అని రాశాను .

రెండిటికీ అర్ధం ఒకటే కదా . పిల్ల వాడు అంధుడు అనేకదా . మరి తేడా ఎక్కడ ?

తేడా ఎక్కడ అంటే మనం ఎంత అదృష్టవంతులం ? అనేది తెలియచేస్తోంది రెండోది కదూ

==========

ఈ కధలో నీతి : మనకు భగవంతుడు ఇచ్చినవాటికి సంతోషపడాలి . 

సృజనాత్మకంగా , పాజిటివ్ గా . , నిర్మాణాత్మకంగా , ప్రత్యేకంగా ఉండాలి .

ఇతరులను మంచివైపుకు నడిపించాలి . జీవితాన్ని క్షమాపణలు లేకుండా జీవించాలి . పశ్చాత్తాపం లేని ప్రేమతో ఉండాలి .

జీవితం నువ్వు ఏడవడానికి వంద కారణాలు చూపిస్తే నువ్వు నవ్వడానికి వెయ్యి కారణాలు చూపించాలి

నీ గతానికి పశ్చాత్తాప పడకు

నీ వర్తమానాన్ని ఆత్మ విశ్వాసం తో గడుపు

నీ భవిష్యత్తు ను ధైర్యంగా ఎదుర్కొ

విశ్వాసం పెంచుకో - భయాన్ని వీడు

=========

ప్రపంచం లో అతి అందమైనది ఇతరులను చిరునవ్వ్వుతో చూడడం . 

అంతకంటే గొప్పది అందుకు కారణం నువ్వు కావడం...

🙏🙂