(337) (23.07.2025)

నాడు పెళ్ళి చూపుల్లో అనవసరంగా నోరు జారినాను

బడాయి కోసం వంట వచ్చు అని గొప్పగా చెప్పినాను

సరదాగా అన్న మాట సీరియస్ గా తీసుకుంది

మూడు ముళ్ళ తర్వాత గరిటె నా చేతికి వచ్చింది //

పెళ్ళైన కొత్తల్లో ఇద్దరమే కదా అని అనుకున్నాను

బంధువులు వచ్చినా  నా చేతిలో పెట్టిన గరిటె చూచి ఆశ్చర్యపడినాను

ఇద్దరికి బదులు నలుగురు అంటూ శ్రీమతి అంటే

ఇదేమిటని నేను ఆమెను అడుగుతుంటే //

నాడు పెళ్ళిచూపుల్లో గొప్పగా చెప్పుకున్నావు

అందుకే నేడు ఎందరున్నా గరిటె పట్టుకున్నావు

నాడు మనసులోని మాట బయట పెట్టినావు

అందుకే నేడు వంట ఇంటిలో జీవితం వెళ్ల దీస్తున్నావు//

ఆ మాటకి ఒక్కసారిగా షాక్ తగిలింది

ఆపై బుర్ర గిర్రున తిరిగింది

నాటి సామెత నోరా వీపుకు తీసుకురాకే

నేటి సామెత నోరా చేతిలోకి గరిట తీసుకురాకే //

పెళ్ళి చేసుకుంటే కొలువు ఒకటే అనుకున్నాను

ఇలా రెండు కొలువులు ఉంటాయని అనుకోకున్నాను

అనుకోకుండా జీవితం మద్దెల బ్రతుకు అయింది

ఈనాడు చిరునవ్వు అన్నది మోములో కానరాకుంది //

ఇంటికి రాగానే వంటింట్లోకి అడుగు పెట్టాలి

వంటలోనికి ఏమి చేయాలి అంటూ శ్రీమతిని అడగాలి

చెప్పిన దాన్ని బట్టి కూరలు వెతుక్కోవాలి

ఏ కొంచెం తేడా వచ్చినా ఆమెతో మాటలు పడాలి //

బ్రహ్మచారి బ్రతుకును 3 ముళ్ళతో పాడుచేసుకున్నాను

మందు కొట్టాల్సిన వాడిని వంటింట్లో బ్రతుకుతున్నాను

ముద్దు-ముచ్చట అన్నది నాకు రాసి పెట్టి లేదు

అదే ఉండుంటే ఈ రోజు బ్రతుకు ఇలా అయ్యేది కాదు //

ఆ భగవంతుడు రాత నాకు ఇలా రాసినాడు

ఆమెకు మటుకు రాసిన రాతను మార్చినాడు

ఆడపిల్లగా పుట్టి ఎంతో సుఖ పడుతోంది

మగపిల్లవాడిగా పుట్టినందుకు నను కష్ట పెడుతోంది //

మరో జన్మ ఉంటే మానవ జన్మ వద్దనుకుంటాను

మానవ జన్మ వస్తే బ్రహ్మచారిగా బ్రతుకు వెళ్ళదీస్తాను

ఈ పెళ్ళి – వంటిల్లు ఇక నా వల్ల కాదు

ఆనందకరమైన జీవితానికి దూరమయ్యే ప్రసక్తే లేదు //

మధిర వెంకట రమణ, హైదరాబాద్