💐26శ్రీ లింగ మహాపురాణం💐

🌼బాహ్య అంతర 

లింగార్చన విధి🌼 

    #ఇరవై ఆరవ భాగం#

శౌనకాది మునులారా! ముందు చెప్పినట్టు స్నానం, భస్మరుద్రాక్ష ధారణ, సంధ్యావందనం,బ్రహ్మ యజ్ఞం పూర్తి చేసిన తరువాత పూజాగృహంలో ప్రవేశించి, ప్రాణాయామం మూడు సార్లు చేయాలి.

ఐదు ముఖముల కలవాడు, పది చేతులు కలవాడు, శుద్ద స్ఫటిక వర్ణంతో ప్రకాశిస్తూ, సర్వాభరణాలు, వివిధ వర్ణ వస్త్రాలు ధరించినవాడిగా పరమేశ్వరుని మనస్సులో భావించి ధ్యానించాలి. దేహమును మంత్రోదకముతో శుద్ది చేసుకుని శివ పంచాక్షరి మూలమంత్రంద్వారాన్యాసము చేయాలి. తరువాతకరన్యాసం, అంగన్యాసం చేయాలి.

ఓం కారం ముఖంగా, న, మ అక్షరాలు పాదాలుగా, శి అనే అక్షరం నడుముగా, వా, య అక్షరాలు చేతులుగా పంచాక్షరి మంత్రాన్ని ప్రణవ ఓం కారంతో కూడి శివలింగ స్వరూపము శివమంత్రంగా నా శరీరములో స్థాపితమైంది అని భావించాలి. శివ పంచాక్షరి మంత్రాన్ని ఈవిధంగా భావించిన వ్యక్తి శివశరీరము కలవాడుఔతాడు.

సూత్రంలో దారం లాగా, మర్రి విత్తనంలో మర్రి చెట్టులాగా ఓంకార పంచాక్షరి మంత్రంలో పరమశివుడు సూక్ష్మ రూపంలో కొలువై ఉంటాడు.శివపంచాక్షరి  జపించిన తరువాత పూజ చేయడం ఆరంభించాలి. శివపూజకు ఉపయోగించే పూజా సామాగ్రి పై శ్రీగంధం కలిపిన నీళ్లను చిలకరించి పవిత్రం చేయాలి.

పాద్య, అర్ఘ్య, ఆచమనీయ పాత్రలని ఓంకారంతో శోధించి జలంతో నింపాలి. ఆ జలంలో పచ్చకర్పూరం, వట్టివేళ్ళు, సుగంధ ద్రవ్యాల చూర్ణం,కొద్దిగా పుష్పాలు వేయాలి. పంచాక్షరి, సద్యోజాతాదిపంచమంత్రాలతో పాద్య, అర్ఘ్య, ఆచమనీయ పాత్రలలోని నీళ్ళను అభి మంత్రించాలి.

శివలింగం ముందు నందికేశ్వరుణ్ణి అగ్ని వంటి తేజస్సు గలవానిగా,దేవతలకు నాయకుడిగా, త్రినేత్రుడిగా భావించి స్థాపించి పూజించాలి. నందికి ఉత్తరంగా మరుత్తుల పుత్రిక, నంది భార్య యైన సయశను ధ్యానించి పూజించాలి. శివ సన్నిధిలో ఉన్నపార్వతీదేవి,వినాయకుడుకుమారస్వామిని పూజించాలి.

శివలింగాన్ని శివాష్టోత్తర శతనామ, సహస్ర నామాలు పఠిస్తూవివిధరకాలపుష్పాలతో పూజించాలి. పూజ అనంతరం ధూప దీప నైవేద్యాలు సమర్పించాలి. అనంతరం పూజ కోసం సమర్పించిన పూలు పత్రి నిర్మాల్యాన్ని శివలింగం మీద నుండి తీసివేయాలి. శుభ్రమైన నీటితో శివలింగాన్నికడిగిశుభ్రపరచాలి.

పాద్యం, అర్ఘ్యం,ఆచమనీయం, పంచామృతం, ఫలామృతం సమర్పించాలి. శివలింగాన్ని "ఓం నిధనపతయే నమః" మంత్రం నుండి "పవిత్రం" వరకు ఉన్న మంత్రాలు చదువుతూ అభిషేకం చేయాలి. అభిషేకం అయిన తర్వాత విభూతి, చందనం, అక్షతలు, బిల్వం, పుష్పాలుఅర్పించాలి.తరువాత ధూప దీప నైవేద్యాలు, నీరాజన మంత్రపుష్పం సమర్పించి భక్తి శ్రద్థలతో శివలింగానికి నమస్కరించాలి.

వేదాలలో శతరుద్రీయం, దేవతలలో పరమేశ్వరుడు, పుణ్యక్షేత్రాలలో కాశీ క్షేత్రం, మంత్రాలలో శివ పంచాక్షరి మంత్రం గొప్పవి. అలాగే హోమం కన్నా తర్పణం, తర్పణం కన్నా జపం, జపం కన్నా అభిషేకం గొప్పది. శివాలింగానికి అభిషేకం  రుద్రాధ్యాయాన్ని (నమక చమకాలు) చదువుతూ అభిషేకం చేయడం మంచిది.

నమక చమకాలు పఠిస్తూ ఒకటి లేదా మూడు సార్లు అభిషేకం చేయాలి. ఇటువంటి అభిషేకం శివునికి చాలా ఇష్టం. త్వరగా కరుణిస్తాడు. ఈ అభిషేకం ఇలా చేయాలి.

నమకం లోని మంత్రాలు పూర్తిగా చదివి, చమకంలోని ఒక అనువాకం చదవాలి. ఇలా పదకొండు సార్లు నమకం చదివి చమకంలోనిపదకొండుఅనువాకాలుఒక్కొక్కనమకంతరువాత పఠించిశివాలింగానికిపదకొండు సార్లు అభిషేకం చేయాలి. ఈవిధంగా నలభై రోజులు బ్రహ్మచర్యం పాటిస్తూ శివ లింగానికి అభిషేకం చేసిన వ్యక్తి మహాపాపాలు పోగొట్టుకుని రాజసూయ యాగం చేసిన ఫలం పొందుతాడు.

రుద్రాభిషేకం అయిన తరువాత ఆచమనీయం సమర్పించి కిరీటం, ఛత్రం, చామరం, ఆభరణాలు తాంబూలం ప్రణవంతో పంచాక్షరి మంత్రం పఠిస్తూ సమర్పించాలి.

ఆదిమధ్యాంతర రహితుడు, నిష్కళుడు, దేవాధిదేవుడైన మహాదేవుడు,  అవ్యక్తుడు, అవ్యయుడు, స్ఫటిక వర్ణుడు పరమశివుడు శివలింగం లో శాశ్వతంగా నివసిస్తున్నాడు అని భావన చేసి సాష్టాంగ నమస్కారం చేయాలి. అపరాధ క్షమాపణలు చెప్పుకుని పూజించిన శివలింగాన్ని హృదయంలోప్రతిష్టించుకున్నట్టు భావించాలి.

ఇది నందికేశ్వరుడు స్వయంగా చెప్పిన బాహ్య లింగార్చన ప్రక్రియ .  ఇక మానసిక శివలింగార్చన ప్రక్రియ వివరిస్తాను. బాహ్య లింగార్చన ఎంత పుణ్యఫలం ఇస్తుందో మానసిక శివలింగార్చన అంతే పుణ్యఫలం ఇస్తుంది.

మానసిక శివలింగార్చన చేసే వ్యక్తి తన హృదయంలో అగ్ని, సూర్య, చంద్ర మండలాలు ఒకదానిపైఒకటిప్రతిష్ఠించుకోవాలి.  మూడు మండలాలపైన వేదిక పై పార్వతిీపరమేశ్వరులు అర్థనారీశ్వరులుగా కొలువై ఉన్నట్టు భావించి వారిని ధ్యానించాలి. పరమేశ్వరుడు నన్ను శివధ్యానం ఏకాగ్రతతో చేసేటట్టు అనుగ్రహించాలి అని ప్రార్థించాలి.

మానసిక శివలింగార్చనలో పరమేశ్వరుని లింగరూపంలో హృదయంలోకి ఆహ్వానించి ఆవాహన చేసి ధ్యానించాలి. మనస్సులో ప్రతిష్టించిన శివ లింగానికి ఆసన, పాద్య, అర్ఘ్య, ఆచమన, స్నానాలు చేసినట్లు భావించాలి. తరువాత భస్మ, గంధాక్షత,బిల్వాలు,పుష్పాలు అర్పించినట్టుభావించాలి.ధూప దీపనైవేద్రతాంబూలాలుసమర్పించాలి.మహానీరాజనం,మంత్రపుష్పంఅర్పించిమనస్సులోని స్వామికిభక్తితోనమస్కరించాలిమనస్సులో ఈవిధంగా శివుని పూజించే  వారిని శివభక్తులు తగినఆశ్రమభోజనవసతులతో గౌరవించాలి.  మానసిక శివ లింగార్చనచేసేవారుతప్పనిసరిగా భస్మం, రుద్రాక్షలుధరించాలి. శివాగమంలో చెప్పిన విధంగా బాహ్యలింగ,అంతర్లింగశివార్చన చేసినవారిని, శివలింగాన్ని కంఠంలో ధరించినవారిని నిందించకూడదు, అపహాస్యం చేయకూడదు.అలాచేసినవారు శివాగ్రహానికి గురై దుఖాల పాలవుచారు.

*తరువాత కధ రేపటి భాగంలో చదువుదాం*.

🌹శ్రీకాంత్ గంజికుంట 

కరణంగారి సౌజన్యంతో🌹

💜   ఓం శ్రీఉమా 

మహేశ్వరాయ నమ:💜

🙏లోకా:సమస్తాః 

సుఖినోభవన్తు🙏 

రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*

     (సర్వం శ్రీశివార్పణమస్తు) 

                🌷🙏🌷

శుభమస్తు 🌹 🌷 ♥️ 🙏 స్వస్తి.

🍀🌺🍀🌺🍀🌺🍀🌺🍀🌺