*తెలివైన పక్షి*

               

*పరిష్కారం లేని సమస్య వుండదు!*

                    

*జీవితంలో పరిష్కారం లేని సమస్య ఏదైనా ఉందా?*

*ఒకప్పుడు ఆకాశంలో ఒక పక్షి ఎగురుతూ ఉంది. దారిలో దానికి ఒక గ్రద్ద కలిసింది. గ్రద్ద ఆ పక్షిని తినడానికి వెంటపడింది. పక్షి తనను వదిలిపెట్టమని, ప్రాణం కోసం గ్రద్దని వేడుకుంది, కానీ గ్రద్ద దయ చూపడానికి సిద్ధపడలేదు.*

*అప్పుడు పక్షి  గ్రద్దని ఇలా వేడుకుంది, "నాకు చిన్న పిల్లలు ఉన్నారు. వాటిని పెంచడానికి నేను జీవించి ఉండాలి."*

*అప్పుడు గ్రద్ద పక్షికి ఒక షరతు పెట్టింది: "నాతో పోటీ పడు, నన్ను నువ్వు ఓడిస్తే, నీ ప్రాణాలను విడిచిపెడతాను, నిన్ను వదిలేస్తాను."*

*పందెంలో తనను ఓడించడం పక్షికి అసాధ్యమని గ్రద్దకు తెలుసు అందుకే అంత కష్టమైన షరతు పెట్టింది. ఈ పందానికి ఒప్పుకోవడం తప్ప పక్షికి మరో మార్గం లేదు.*

*పందెంలో గ్రద్దను ఓడించడం అసాధ్యమని పక్షికి తెలుసు, అయినప్పటికీ పందానికి ఒప్పుకుంది. కానీ పందెం ముగిసే వరకు తనను చంపకూడదని గ్రద్దకు షరతు పెట్టింది. గ్రద్ద దానికి అంగీకరించింది.*

*పందెం ప్రారంభమైంది. వెంటనే పక్షి, గ్రద్ద తలపైకి ఎక్కి అక్కడ కూర్చుంది.  గ్రద్ద పందెం చివరికి చేరుకున్న వెంటనే, పక్షి గబుక్కున ఎగురుకుంటూ ముగింపు రేఖ దాటి పందెం గెలిచింది.*

*పక్షి తెలివికి గ్రద్ద ముగ్ధుడై పక్షిని వదిలేసింది. పక్షి వెంటనే తిరిగి దాని గూటికి అది ఎగిరిపోయింది.*

*ఎదురుగా బలమైన ప్రత్యర్థి ఉన్నా ఆ చిన్న పక్షి ప్రయత్నించడం వదిలేయలేదు. పరిస్థితిని చూసి బాధపడుతూ ఉండకుండా ఓర్పుతో, తెలివిగా సమస్యకు పరిష్కారం కనిపెట్టింది.*

*క్లిష్ట పరిస్థితులకు సరైన పరిష్కారాన్ని కనుగొనడం ఖచ్చితంగా సాధ్యమే. ఉండాల్సిందల్లా మన మీద మనకు నమ్మకం.*