.             *🌷 నేటి కథ🌷*

రచయిత :*ప్రభాకర్ గౌడ్ నోముల* వరంగల్ జిల్లా

944 0060 852 .

*నహిమాలుమ్*

హిందీలో "నహి మాలుమ్" అంటే "నాకు తెలియదు" అని అర్థం కదా. 

ఒక పల్లెటూరిలో బిక్షపతి అనే వ్యక్తి కి హిందీ భాష రాదు. ఈ మధ్యకాలంలో అతడు కొన్ని రకాల వ్యాపారాలు చేశాడు. ఆర్థికంగా మంచిగానే సంపాదించాడు. అతనికి ఎప్పటి నుండో ఒక కోరిక హైదరాబాదును చూడాలి ఎక్కడ ఉన్న చూడదగ్గ ప్రదేశాలు చాలా ఉన్నాయని విన్నాడు. కానీ అయితే వాటి గురించి అతనికి కొంత మాత్రమే తెలుసు పూర్తిగా తెలుసుకోవాలి. వాటిని చూడడానికి ఒక రోజు బయలుదేరాడు. ఎలా బయలుదేరాడు అతనికి కారు ఉంది. అందులో ఒక్కడే బయలుదేరాడు. అతను వెంట వేరే వాళ్ళు వస్తే అతను చూడవలసిన ప్రదేశాలు ప్రశాంతంగా చూడాలి అనుకున్నాడు. బిక్షపతికి ఐఫోన్ ఉంది లొకేషన్ పెట్టుకుని ఎక్కడికైనా వెళ్ళిపోతాడు అది నేర్చుకున్నాడు ఈమధ్య మొత్తానికి  పాతబస్తీ హైదరాబాద్ లోని చార్మినార్ వద్దకు  వచ్చాడు. ఆశ్చర్యం అనిపించింది. ఇంత అద్భుతంగా ఉంది. ఇది ఎవరు కట్టారు అనుకున్నాడు వెంటనే పక్కనుండి పోవుచున్న ఒక వ్యక్తిని హ్యాపీ ఇది ఎవరు కట్టారు చాలా బాగుంది అన్నాడు. ఆ వ్యక్తి బిక్షపతి ని కిందికి మీదికి చూసి "నహి మాలుమ్" అని వెళ్ళిపోయాడు. బిక్షపతి కి హిందీ రాదు కాబట్టి "నహి మాలుమ్"అంటే ఒక వ్యక్తి పేరు అనుకున్నాడు. ఇది గుర్తుపెట్టుకోండి. అబ్బా చాలా గొప్ప వ్యక్తి "నహి మాలుమ్"అనేవాడు అనుకున్నాడు. చార్మినార్ దాని పక్కనే ఉన్న మక్కా మస్జిద్ దగ్గరకు వెళ్లాడు దాన్ని చూసి ఆశ్చర్యపోయాడు ఇది చాలా బాగా అద్భుతంగా ఉంది. దీన్ని ఎవరు కట్టి ఉంటారు. అనుకున్నదే తడువుగా అక్కడ ఉన్న ఒక వ్యక్తిని అడిగాడు ఇది ఎవరు కట్టారు. వాడు కూడా వెంటనే "నహి మాలుమ్"అని వెళ్ళిపోయాడు. బిక్షపతి మళ్లీ ఆశ్చర్యపోయాడు. ఇది కూడా "నహి మాలుమ్"అతనే కట్టాడా చాలా గొప్ప వ్యక్తి అనుకున్నాడు. మళ్లీ google లొకేషన్ పెట్టి హుస్సేన్ సాగర్ కట్ట మీదికి చేరుకున్నాడు. అద్భుతం బుద్ధ విగ్రహం చెరువు మధ్యలో ఎక్కడ పల్లీలు అమ్ముకునే వ్యక్తిని అడిగాడు ఈ చెరువును ఎవరు తోవ్వించారు అని అడిగాడు, పల్లీలు కొనుక్కోక వీడు నన్ను పిచ్చి ప్రశ్న అడుగుతున్నాడు అనుకుని చిరాగ్గా మొఖం పెట్టి "నహి మాలుమ్"అని వెళ్ళిపోయాడు. అక్కడ నుండి గోల్కొండ కోట కు చేరుకున్నాడు. మళ్లీ ఆశ్చర్యపోయాడు. అక్కడున్న ఒక వ్యక్తిని వెంటనే ఈ కోటను ఎవరు కట్టారు. అని అడిగాడు ఓకే సమాధానం "నహి మాలుమ్" బ్రహ్మాడం నాలాగా వీడు కోటీశ్వరుడు అయి ఉంటాడు ఎన్ని కట్టాడు ఇతన్ని కలుసుకోవాలి అనుకున్నాడు. బిక్షపతి కి సినిమా వాళ్లు అంటే చాలా ఇష్టం ఒకటి అరా సినిమాలలో నటించాలి అనే కోరిక కూడా మనసులో ఉంది. అనుకున్నదే ఆలస్యం వెంటనే లోకేషన్ పెట్టుకొని బంజారాహిల్స్, జూబ్లీహిల్స్, ఫిలిం సిటీ , కాసు బ్రహ్మానంద రెడ్డి (KBR) నేషనల్ పార్క్ టిడిపి పార్టీ ఆఫీస్ వద్దకు  కారులో వస్తున్నాడు బిక్షపతి. ఇంతలోనే అక్కడ ఒక యాక్సిడెంట్ జరిగింది. అందరిలాగే చూడ్డానికి కారు పక్కన ఆపి ఏం జరిగింది అని ముందుకు వచ్చాడు. అక్కడ ఒక వ్యక్తికి తలకు దెబ్బ తాకి పడి ఉన్నాడు. ఒక గొప్ప వ్యక్తి ఒక సినిమా యాక్టర్ కానీ అతని పేరు ఎవరికీ సరిగ్గా తెలియదు. పక్కన ఉన్న వాడు చాలా మంచి మనిషి నాకు తెలిసిన వాడు కానీ నేను ఆఫీస్ కి వెళ్ళాలి అనుకుంటూ వెళ్లిపోయాడు. బిక్షపతికి అతని మీద సదాభిప్రాయం ఏర్పడింది వెంటనే పక్కనున్న మరో వ్యక్తిని అడిగాడు ఇతను ఎవరు?. అతను వెంటనే "నహి మాలుమ్" అన్నాడు. బిక్షపతి కి ఎంతో ఆశ్చర్యం అయింది. నా అభిమాన హీరో చార్మినార్ నుండి గోల్కొండ కోట వరకు కట్టించిన వ్యక్తి "నహి మాలుమ్" ఇతనేనా అని మనసులో అనుకొని అన్నా నాకు తెలిసిన వ్యక్తి ఇతను నేను హాస్పిటల్కు తీసుకు వెళ్తాను ఇతడు మంచి మనిషి నా కారులో ఇతన్ని ఎక్కించండి అంటూ కార్ డోర్ తీశాడు బిక్షపతి. మరో నలుగురు సహాయంతో ఆస్పత్రికి తీసుకువెళ్లాడు. సొంత ఖర్చులతో బాగు చేయించాడు. తర్వాత కొన్ని రోజులకు అతని సహాయంతో ఒకటి అర సినిమాల అవకాశము ఇచ్చాడు "నహి మాలుమ్" బిక్షపతి ఇప్పుడు సినిమా యాక్టర్. 

*✍️*

*┈┉┅━❀꧁ ప్రభాకర్ గౌడ్ నోముల ꧂❀━┅┉┈*