🎻🌹🙏 నామదేవుడు...!!

 🎻🌹🙏 నామదేవుడు...!!

🌸🌿🌸🌿🌸🌿🌸🌿🌸🌿🌸🌿

🌿పండరీ పురంలోని  పాండురంగడు భక్త సులభుడు. తన  పరమ భక్తులతో ఒక మంచి స్నేహితునిగా సంభాషిస్తూండేవాడు.

🌸 అటువంటి వారిలో  నామదేవుడు ఒకరు. కానీ , నామదేవునిలో తన భక్తి పరిపూర్ణమైనది కాదనే భావనతో  సదా చింతించేవాడు. 

🌿ఇదే విషయాన్ని పాండురంగ విఠలునికి నివేదించాడు.

🌸" అనుదా నాహనాధ్ అనే పుణ్యక్షేత్రంలో   విఠోబా అనే మహానుభావుడు  వున్నాడు.

🌿ఆయనను నీ గురువుగా

స్వీకరించు , నీ సందేహాలన్నింటికి మార్గం లభిస్తుంది " అని అన్నాడు. పండరీపుర విఠలుడు. 

🌸ఆవిధంగానే, అనుదా నాహనాధ్ వెళ్ళేడు నామదేవ్.

అక్కడ వున్న  ఒక శివాలయంలో

ఒక వృధ్ధుడు శయనించి వుండడం చూశాడు. 

🌿ఆ  వయోవృధ్ధుని పాదం ఒక శివ లింగం మీద వుంది.  భగవంతుని రూపం మీద కాలు పెట్టడం మహా పాపంగా భావించిన నామదేవుడు ఆ వృధ్ధునితో 

🌸' ఓ పెద్దాయనా  !  మీ పాదం 

శివలింగం మీద వున్నది. దయచేసి ఆ కాలును పక్కకు పెట్టండి అని  పెద్దగా కేక పెట్టాడు.ఆ కేక కి  ఆ వృధ్ధుడు

మేలుకున్నాడు. 

🌿" నాయనా ! నాకు శరీరంలో శక్తి లేదు. నీవే నా కాలిని నీవే కొంచెం ప్రక్కకి జరిపి పుణ్యం కట్టుకో  "అని అన్నాడు.

🌸వెంటనే  నామదేవ్  లింగం మీద నుండి  వృధ్ధుని కాలు

తీసి, మరొక చోట పెట్టేడు. 

కాని ఆ కాలు పెట్టిన చోట కూడా  మరొక లింగం వుండడం  చూశాడు.

 🌿నామదేవునికి విస్మయం కలిగింది. తనే అక్కడ మరొక లింగం వుండడం చూడకుండా కాలిని పెట్టడం  జరిగిందేమోనని , 

🌸సందేహించి ఆ వృధ్ధుని కాలిని మరో చోటుకు మార్చాడు.  ఆ చోటున కూడా వృధ్ధుని  కాలి క్రింద మరో లింగం వుండడం చూశాడు నామదేవ్.

🌿నామదేవునికి సత్యం గోచరమైనది. 

భగవంతుడు తను సర్వాంతర్యామిని అన్న విషయాన్ని 

తనకు యీ విధంగా తెలియచేశాడని అర్థం చేసుకున్నాడు.  

🌸తరువాత

సకల జీవులలోని ఆత్మ

ఒకటేనన్నది బోధపడింది.

🌿భగవంతుడు ఎక్కడో లేడు

మనలోనే వున్నాడు.  ఆయన

నివసిస్తున్న ఆలయమే యీ దేహం . 

🌸ఈ దేహాన్ని మనం

పవిత్రంగా చూసుకుని

కాపాడుకోవాలి.  ఇతరులలో కూడా  భగవంతుని దర్శించి

వారిని ఉన్నతంగా గౌరవించాలి...🚩🌞🙏🌹🎻

🌸🌿🌸🌿🌸🌿🌸🌿🌸🌿🌸🌿