రేప్ పోయెమ్, గీతాంజలి అనువాద కవితలు

Githanjali Githanjali

28 October at 14:35  · Facebook for Android  · 

గీతాంజలి అనువాద కవితలు--7   

--------------------------------------------------*                    *రేప్ పోయెమ్* *Rape Poem*{(Do You Know How Women Feels After Brutal Rape? Do You Want To Know Atleast??)}

*మార్జ్‌ పియర్సీ* By * Marge Piercy -American Writer & Human Rights Activist .* (అమెరికన్ రచయిత్రి, హక్కుల కార్యకర్త)

*స్వేచ్ఛానువాదం - గీతాంజలి*

కొలిమి వెబ్ మ్యాగజైన్ లో ప్రచురితం.

-------------------------------------------------------*

అవునూ..                                                            రేప్ అయ్యాక ఎలా ఉంటుందో మీకు చెప్పాలి..! 

రేప్ కాబడ్డానికి.. ఎతైన సిమెంట్ మెట్ల మీద నుంచి అఘాతంలోకి పడి పోవడానికి పెద్ద తేడా ఏమీ లేదు. 

కాకపోతే..  దేహం లోపలి పైకి కనిపించని గాయాలు రక్తాన్ని స్రవిస్తూ ఉంటాయి.

రేప్ కాబడ్డానికి..                                                     నీ మీద నుంచి ఒక  బరువైన ట్రక్ పోవడానికి తేడా లేదు.. 

కాకపోతే రేప్ తరువాత..  ఆ రేపిస్ట్ అడుగుతాడు చూడండి. "నాతో పాటు నువ్వు కూడా ఆనందించావా"? అని                                           అది రేప్ కంటే ఘోరం కదూ..? 

రేప్ కాబడ్డానికి.. పాముకాటుకు పెద్ద తేడా లేదు మరి. 

కానీ రేప్ జరిగాక వాళ్ళు అంటారు చూడండి ..             "నీ స్కర్ట్ అంత చిన్నగా ఉండడం వల్లే కదా వాడు రెచ్చిపోయాడు మరి"? ..

"ఇంతకీ ఇంత అర్థ రాత్రి రోడ్ల మీదేం ఒంటరిగా చేస్తున్నావు" అని.. 

ఆ మాటలెట్లా భరించాలి? 

రేప్ కాబడ్డానికి .. కార్ అద్దం బద్దలై నీ తలకి గాయం అవడానికి తేడా ఏముందని?

అయినా నీకు ఒట్టి యంత్రాలైన ఆ కార్లంటే భయం ఉండదు. 

కానీ ఈ భూగోళం మీద సగానికి సగంగా ఉన్న మానవజాతిని చూస్తే మాత్రం నీకు నిలువెల్లా వణికి పోయేంత భయం! 

ఇదెంత విచిత్రమో చూసావా.. 

ఈ రేపిస్ట్ ఉన్నాడు చుసారూ.. నీ బాయ్ ఫ్రెండ్ తమ్ముడో.. అన్నో అయి వుంటాడు 

ఏ సినిమా థియేటర్‌లోనో...      నీ పక్కనే కూర్చుని నింపాదిగా పాప్ కార్న్ నములుతూ ఉంటాడు. 

ఇతగాడిని మనం ఒక మామూలు మగాడులే,          ఏం చేయడు అని అనుకుంటామా.. 

నిమ్మళంగా ఉంటామా.. 

కానీ నీ పక్కనే ఉన్న అతని ఊహల్లో మాత్రం.. 

చెత్త కుప్పలో లుక లుక లాడిపోతూ ఉబ్బిపోయే లార్వా పురుగుల్లా రహస్యంగా రేప్ ఒక రూపం తీసుకుంటూ ఉంటుంది. 

రేప్ భయం ఎప్పుడూ మంచులాంటి శీతలత్వంతో స్త్రీల వెన్నుని జర జరమని వణికిస్తునే ఉంటుంది. 

ఆ భయం.. ఆకలి గొన్న నోటితో ఆ పురుషుడు నా వైపుకి పాక్కుంటూ వస్తూంటే.. 

దట్టమైన పైన్ చెట్ల గుండా ఇసుక దారులలో ఒంటరిగా షికారుకు వెళ్లనివ్వదు. 

నున్నటి కాలి బాట వెంబడి హాయిగా నడవనివ్వదు. 

చూడు.. నీకు ఒకటి చెప్తా జాగ్రత్తగా విను! 

నువ్వు మాత్రం చేతిలో గొంతు కోసే పదునైన  రేజర్ బ్లేడ్  లేకుండా.. 

తలుపు తట్టిన శబ్దం విని ఎప్పుడూ తలుపు వెంటనే  తెరవకేం.. 

మరి మన స్త్రీలకు ఎన్ని భయాలనుకున్నావు..? 

నిగూడమైన.. రహస్యమైన చీకటి స్థలాలను చూస్తే చాలు భయం..

కార్ వెనక సీటు..  పాడుబడిన ఖాళీ ఇళ్లు చూసినా భయమే.

బెదిరిస్తున్నట్లుండే పాముబుస లాంటి తాళపు గుత్తి చప్పుడు అన్నా భయం.. 

తన ప్యాంటు లోపలక కత్తి లాంటి జేబు పెట్టుకుని పైకి నవ్వుతున్న మగాణ్ణి చూస్తే భయం.. 

కోపంతో ముభావంగా ఉంటూ..

మూసిన పిడికిలి నిండా స్త్రీ పట్ల ద్వేషాన్ని నింపుకున్న పురుషుడ్ని చూస్తే భయం..

ఒహ్హ్..ఇన్నిభయాలా ...   దారుణం కదూ..?

ఆశ్చర్యం.. మన భయాలన్నీ  చూస్తూ కూడా..

ఈ రేపిస్ట్‌కి తన దేహం గాయం చేసే ఒక సుత్తిలా... దహించివేసే మంటలను పుట్టించే బర్నర్ లాగా.. 

ప్రమాదకరమైన మెషిన్ గన్‌లాగా అస్సలంటే అసలు అనిపించదా..? 

మరి మన స్త్రీలకి అలానే అనిపిస్తుంది కదా? 

అతను అలా ఎప్పుడూ అనుకోడా..?

ఇదంతా అతను తన స్వంత దేహాన్నీ..  తననూ.. అసహ్యించు కోవడానికి..

తన దేహం నుంచి వేలాడే మెత్తని.. వదులైన కండరాన్ని ఏవగించుకోవడానికి పనికి రాదా..? 

అలా ఎందుకు అనుకోడు..? 

కామంతో స్త్రీని గాయపరిచే తన దేహాన్నెలా ప్రేమించుకో గలడసలు? 

సరే.. ఇదంతా ఈ ప్రశ్నలు.. భయాలూ అన్నీ.. 

నువ్వు అసహ్యించుకునే దాన్ని నీలోలోంచి తీసివేయడానికే కాదూ..!

నీ శరీరానికి పరాయిదైన వాడి దేహపు మాంసపు ముద్ద అంటే ఉన్న భయాన్ని.. 

నీలోంచి ఆవేశంతో  అవతలకి  తోడి పారేయాలనిపిస్తుంది కదూ? 

సహజ స్పందనలన్నీ నశించిపోయి.. ఒట్టి జీవశ్చవపు కదలికలున్న ఈ కవచం లాంటి నీ దేహంతోనే..

ఎవరో పూనినంత కోపంతో.     ఆ రేపిస్టుని శిక్షించాలని ఉంది కదూ.? 

మూర్ఖుడా..

అసలు స్త్రీ ఎప్పుడూ నిన్ను ప్రేమించడానికి.. 

నీతో ప్రేమించబడడానికి.. నీతో కలిసి జీవితానందాన్ని అనుభవించడానికి..

నీకు పంచడానికి నిర్మలమైన మనసుతో సిద్ధంగా ఉంటుంది కదా..? 

తన లేతదైన శరీరంతో పాటు కొన్ని ఇష్టాలు..

ఆశలతో సజీవంగా ఉండే ఆమెను హత్య చేయడమే కదా..నువ్వు ఆమెను

రేప్ చేయడమంటే? 

అందుకే.. తన ప్యాంటు లోపల

కత్తి లాంటి జేబు పెట్టుకుని కళ్లెదుట మామూలుగా ఏమీ ఎరుగనట్లే నవ్వుతున్న మగవాణ్ణి చూస్తే.. 

అందుకే అంత భయం మరి.! 

విను ఇంతకీ ..అసలు స్త్రీలు ..రేప్ చేయబడ్డానికి......

-------*గీతాంజలి*---------