*** అందం***

*** అందం***

* అందం నడవడికలో ఉంటుంది కాని, ఆడంబరాలలో కాదు.

              -గాంధీజీ

* అందం పిలిస్తే, కీర్తి దారి చూపుతుంది. -నథానియల్ లీ

* అందం లోతు చర్మం వరకే. -ఆంగ్ల సామెత

* అందం ఆధారంగా పెంచుకున్న ప్రేమ అందంతో పాటే అంతరించి పోతుంది.    -జాన్ డాన్

* అందం అత్యున్నతమైనది. ప్రకృతి రహస్యానికి అది సంకేతం. రాబర్ట్ బ్రిడ్జెస్

* అందం భగవంతుని దస్తూరి.

            -ఎమర్సన్

* అందం కంటిని ఆకట్టుకుంటుంది. సౌశీల్యం హృదయాన్ని దోచుకుంటుంది.

       -రామకృష్ణ పరమహంస

* అందం ఆనందాన్ని ఇస్తుంది. అనురాగం అమృతాన్ని కురిపిస్తుంది. మంచి మనసునిన్ను మనుషుల్లో మహాత్ముణ్ణి చేస్తుంది. 

         -

* ఆకర్షణ శక్తి వుంటే అతనికి మరేమి అవసరం లేదు. అదే లేనప్పుడు ఇతరాలు ఏమి ఉన్నా ప్రయోజనం లేదు.

         - జేమ్స్ మాథ్యూ బరి

* అందం చూచే వాని కళ్ళలో ఉంటుంది. -మార్గరెట్ ఉల్ఫ్

* బలప్రయోగం చేయని రాజు వంటిది అందం.-చల్లా రాధాకృష్ణశర్మ

* ఆలోచించే మనసుపైన అందం ఆధారపడి ఉంటుంది.

       - డేవిడ్ హ్యూమ్

అందమే అధికారం. నవ్వు దాని ఆయుధం. ప్రపంచంలో అతి సుందరమైనవన్నీ అత్యంత నిష్ప్రయోజనమైనవని ఉదాహరణకు నెమళ్ళు, లిల్లీ పూలు -జాన్ రస్కిన్ 

* అందమైన ముఖం రికమండేషన్ లెటర్ లాంటిది. -జోసెఫ్ ఎడిసన్

* ప్రతి వస్తువులోనూ ప్రత్యేక సౌందర్యం ఉంటుంది. అయితే అందరూ దానిని చూడలేరు.

       -కన్ఫూషియస్

* ఒక చిత్రం వ్యక్త పరచలేనిదే నిజమైన అందం..ఫ్రాన్సిస్ బేకన్

* బాగా అందంగా కనిపించటానికి మనుషులు ప్రయత్నించకూడదు. నిర్లక్ష్య సౌందర్యం ఉత్తమమైంది. -వోవిడ్

* అందము, అందవిహీనము రెండూ కూడా వయసుతో పాటు వచ్చిన ముడతల మాటున కనపడకుండా పోతాయి. ఒకటి పోతుంది, రెండోది దాచి పెట్టబడుతుంది.

* అందమైన వస్తువు నిరంతరం ఆనందం చిందిస్తుంది. దాని మనోహరత్వం దినదినాభివృద్ధి చెందుతుంది. అది ఎన్నటికీ అభావంగా మారదు. అందమైనవేవీ సమృద్ధిగా లభించవు. -ఎమర్సన్

* ప్రతి అందమూ తాత్కాలికమే - క్షణ కాలం కనపడి కనుమరుగయ్యేదే. - లూయిస్ సెర్నుడా

* నలుపు తెలుపులలోన లేదు అందం, తలపు తీరులోనే ఉంది అందం.-చల్లా రాధాకృష్ణశర్మ

* సౌందర్యం స్పష్టంగా కనిపిస్తే ఆనందించాలి. దాక్కుని ఉంటే దాని ముసుగు తీయాలి. శిధిలమై ఉంటే పునరుద్ధరించాలి. అసలు సౌందర్యమే లేకపోతే మనం దానిని సృష్టించాలి. -ఆర్.యం.బ్రౌన్

* అన్ని వస్తువులు శబ్దతః గొప్పగా, మనోహరంగా, ప్రేమ పూర్వకంగా ఉంటాయి. - జాన్ రస్కిన్

* అందమైన బాహ్యరూపం ప్రళయానికి ఒకప్పుడు హేతువవుతుంది. అందమైన అంతరంగం ప్రణయానికి సేతువవుతుంది ఎప్పుడూ..

-చల్లా రాధాకృష్ణశర్మ

తల నెరిస్తే యువతులు మన్మధుడినైనా అసహ్యించుకుంటారు. -MahaBharath

* మంచిగా ఉండటం కన్నా, అందంగా ఉండటం మంచిది. అనాకారిగా  ఉండేకన్నా మంచిగా ఉండటం మంచిది. -ఆస్కార్ వైల్డ్

* వయస్సు, ప్రమాదాలు శారీరక సౌందర్యాన్ని హరిస్తాయి కాని, ఆత్మసౌందర్యాన్ని అవేమీ చేయలేవు. -బార్బడోస్ అడ్వకేట్