*_కలకాలం జీవించే.._*
*_ఆ కుంచె..!_*
🖌️🖌️🖌️🖌️🖌️🖌️🖌️
బాపూ జయంతి సందర్భంగా
ప్రణామాలు అర్పిస్తూ..
++++++++++++++++++
విశ్వసుందరిని మించిన ముద్దుగుమ్మ..
అప్సరసను తలదన్నే
అందాల రెమ్మ..
బాపూ బొమ్మ..!
ఆయన కుంచె..
సీతకే అందం పెంచె..
వాల్మీకి నాయిక
బాపూ బొమ్మగా..
మరింత సొగసుగా..!
అందమైన కళ్లుంటే
బాపూ బొమ్మే
విస్తుపోవు కదా
సృష్టించిన ఆ బ్రహ్మే..
నలువను మించిన విలువా
ఈ సత్తిరాజుకు
అందమైన బొమ్మల మహరాజుకు..!
ఇంట్లో బామ్మలూ
మాటాడే బొమ్మలే..
సిరిసిరి మువ్వలు
బాపూ సృష్టించే అవ్వలు..!
తెలుగు సినిమా చరిత్రలో
బాపూ గీసిన
అందమైన *ముత్యాలముగ్గు..*
కళ్లకు కట్టిన *సంపూర్ణరామాయణం..*
అలరించిన *సీతాకల్యాణం*
పులకింపజేసిన గంగావతరణం
బాపూ తీసిన ప్రతి సినిమా
ఓ దృశ్యకావ్యం...
వాల్మీకి రాసిన కథ
మళ్లీమళ్లీ రసరమ్యం..!
స్నేహానికి పేరెన్నిక
బాపూ రమణలు..
జతగా సృష్టించారు
పురాణాలకు
కలియుగ రూపాలు..
వారి ప్రతిభకు
ప్రతి సినిమా ఓ *సాక్షి..*
ఒకరు *బుద్ధిమంతుడు*
మరొకరు *అందాలరాముడు..*
బాపూ సినిమాను తోలే *జాకీ*
ముళ్ళపూడి మాటల *బుల్లెట్..*
ఇద్దరూ కలిసి నడిపిన
*రాజేశ్వరి విలాస్ కాఫీ క్లబ్*
వినోదాన్ని పంచిన
విజయా వారి హబ్..!
తెలుగోడి గర్వం బాపూ..
అందమైన బొమ్మకు
సర్వం బాపూ..
ఆయన కొలువు
ఒంపు సొంపు బొమ్మల *వంశవృక్షం..*
ఈ సత్తిరాజు లక్ష్మీనారాయణ
చిత్రరంగాన..
చిత్రకళా రంగాన
చిరస్మరణీయ మహావృక్షం..!
*_ఎలిశెట్టి సురేష్ కుమార్_*
9948546286
No comments:
Post a Comment