నమ్మకం!!!

 ‌ నమ్మకం!!!

సునీతా ప్రతాప్ ఉపాధ్యాయిని పాలెం.

నమ్మకము ఉన్నచోట

ప్రశ్న ఉండదు.!?

ప్రశ్న ఉన్నచోట

నమ్మకం ఉండదు.!?

నమ్మకము మూఢనమ్మకమని

ప్రశ్న శాస్త్రీయమని మన నమ్మకం!!!?

నమ్మకం పునాదుల్లోనే

ప్రేమ దాగి ఉంది

కానీ ప్రశ్న పునాదుల్లో

విశ్వ రహస్యం దాగి ఉంది!!

ఎగిరే పక్షి

తన రెక్కలను నమ్ముకుంటుంది

కానీ మనిషి మరో మనిషిని నమ్మటం లేదు.

కులం మతం దేవుడు

మనిషిని మనిషిని నమ్మించలేకపోయాడు.!

స్వార్ధాన్నీ జయించేది

మనిషి మనిషిని ప్రేమింప చేసేది

మనిషి మనిషిని నమ్మించేది

శాస్త్రం ఒక్కటే!

ప్రశ్నకు సమాధానమే నమ్మకం!!!

సునీతా ప్రతాప్ ఉపాధ్యాయిని పిఎస్ నంది వడ్డేమాన్ నాగర్ కర్నూల్ జిల్లా