పాలు పంచదార పాపర పండ్లలోఁ

 జాలఁబోసి వండఁ జవికిరావు

 కుటిల మానవులకు గుణమేల కల్గురా

 విశ్వదాభిరామ! వినుర వేమ!

భావం: ఎంత పంచదార పోసి వండినప్పటికి పాపరపండ్లలో తీపి ఎక్కడు. అదే విధముగ దోప్పులకు మంచి గుణము అలవడదు.

 పాల నీడిగింట గ్రోలుచునుండెనా

 మనుజులెల్లఁగూడి మద్యమండ్రు

 నిలువఁదగని చోట నిలువ నిందలు వచ్చు

 విశ్వదాభిరామ! వినుర వేమ!

భావం: ఈడిగవాని ఇంటిలో పాలు తగినా అవి మద్యమని లోకులు భావిస్తారు. నిలువ గూడని స్థలములో నిలిస్తే అపకీర్తి కలుగుతుంది.