సాటి తెలుగువాడి ప్రతిభను వారు చస్తే తప్ప గుర్తించని జాతి మనది. బ్రతికి వుండగా 

 చచ్చినన్ని  కష్టాలు ఎందరో మహానుభావులు ప్రతిభావంతులు అనుభవించారు. 

 

 అటువంటివారిలో   శంకరంబాడి సుందరాచారి ఒకరు. ఆయన "మా తెలుగుతల్లికి మల్లెపూదండ"అనే పాటను వ్రాశారు.

హైదరాబాదులో జరిగిన మొదటి ప్రపంచ తెలుగు మహాసభలు సుందరాచారి వ్రాసిన 

'మా తెలుగు తల్లికి మల్లెపూదండ' అనే పాటతో ప్రారంభమయ్యాయి. బయటనుండి 

ఆ పాట వింటూ పరవశించి పోయిన ఆ గీత రచయిత సుందరాచారి గారు సభలోకి రాబోయారు. 

అంతమంచి గీతం వ్రాసిన కవిని ప్రభుత్వం వారు గౌరవించలేదు కానీ గేటు 

దగ్గరవున్న పోలీసులు ఆయనమీద జులుం చేసి "అర్ధచంద్రసత్కారం" (మెడపట్టి గెంటడం)చేశారు. ఆయన్ను లోనికి రానివ్వలేదు.

 తెలుగును గౌరవించుకోవడం అలా

ప్రారంభమైంది. ఇదేమి అన్యాయం అని ఆ సభలకు హాజరైన ఓ కుర్రాడు ఓ మహా కవిని 

అడిగితే ఆయన "సుందరాచారిగారు కరెన్సీ లో లేరు.కదా! అన్నారట. ఏమి చేస్తాం

కవులైనాసరే 'కరెన్సీ' లో వుంటేనో కరెన్సీ చేతిలో వుంటేనో గానీ గుర్తించని కాలం కదా

యిది.

 

 

. మొన్నటికి మొన్న ప్రఖ్యాత గాయకుడు, మన తెలుగువాడు అయిన 

శ్రీ మంగళంపల్లి బాలమురళీ కృష్ణ గారు చనిపోయినప్పుడు ఆయనకు ఎంత గౌరవం 

దక్కిందో మనకందరికీ తెలుసు. చనిపోయాక కూడా గౌరవించలేక పోయారు మనవాళ్ళు.

తెలుగు మహాసభల్లో అనేక సదస్సులు జరిగాయి. తెలుగుభాషమీద కూడా ఓ సదస్సు జరిగింది.దానికి అప్పటి కేంద్రమంత్రి పి.వి. నరసింహారావు గారు ముఖ్య అతిథి. 

ఆ సభలో ఒక్కరు తప్ప అందరూ తెలుగులోనే మాట్లాడారు. ఆ ఒక్క వ్యక్తి మిష్టర్ గ్విన్ 

ఇంగ్లాండు నుంచి వచ్చిన ఆయన యింగిలీషు లో తన ప్రసంగం మొదులు పెట్టారు.

(ఆయన తెలుగు నేర్చుకున్నారు)

తెలుగులో మాట్లాడాలి అంటూ ప్రేక్షకులు కేకలు వేశారు. దానికి ఆయన నేను తెలుగులో మాట్లాడితే తెలుగుభాషను చంపేస్తానేమో అన్నారు. 

వెంటనే పి.వి. నరసింహాసరావు గారు 

తెలుగు భాషను చంపేసే అవకాశం మీకు లేదు లెండి. ఆ పని మేము ఎప్పుడో చేసేశాము

అన్నారు. ఆయన మనసులో ఎంత బాధ పడకపోతే అలా మాట్లాడి వుంటారో 

మనము ఊహించుకోవాలి. 

ఆయన చనిపోయినప్పుడు కూడా ఆయనకు సరైన గౌరవం 

దక్కలేదు. ఎందుకు? తెలుగువాడైనందుకా? 

(తెలుగువెలుగు మాసపత్రిక సౌజన్యము తో)

మన తెలుగు తల్లికి చీరకట్టి తొలిసారి రూపాన్నిచ్చి చిత్రం గీసిన చిత్రకారుడు విఖ్యాత చిత్రకారుడు కొండపల్లి. శేషగిరి రావు గారు.

. ఆయన 1924 జనవరి 27 వ తేదీన వరంగల్ జిల్లా మహబూబాబాద్ సమీపము లోని పెనుగొండ గ్రామము లో జన్మించారు. ఈ విషయం ఎంతమందికి తెలుసు?

                                   --------  శుభసాయంత్రం   ----------

                                               స్వస్తి