చక్రాంకితులు కావటం, లింగధారులు కావటంలలోని ఆంతర్యం ఏమిటి ?

 💖💖💖

      💖💖 *"507"* 💖💖

💖💖 *"శ్రీరమణీయం"* 💖💖

     🌼💖🌼💖🌼💖🌼

           🌼💖🕉💖🌼

                 🌼💖🌼

                       🌼

*"చక్రాంకితులు కావటం, లింగధారులు కావటంలలోని ఆంతర్యం ఏమిటి ?"*

*"భక్తులు చక్రాంకితులు, లింగధారులు కావటం కేవలం తమతమ ఇష్టాన్ని బయటికి ప్రకటించుకునేందుకు కాదు. చక్రాంకితాలు కావటం అంటే చక్ర్యాంకితుడు కావడం. అంటే ఆ 'చక్రి ' (విష్ణువు) అందించిన సందేశానికి అంకితం కావటం. లింగధారణ అంటే సర్వవ్యాపకమైన శివతత్వాన్ని ధరించటం. నేను ఏ దీక్షలో ఉన్నాను, దైవాన్ని ఏ రూపంలో కొలుస్తున్నాను అనేది ఎవరికి వారికి పూర్తిగా వ్యక్తిగత విషయం. దాని కంటే ముందుగా తాను ఆచరించాల్సిన మానవ ధర్మాలను, చూపాల్సిన మానవత్వాన్ని విస్మరిస్తే ఏ దీక్ష అయినా కేవలం నాటికలో వేషధారణే అవుతుంది. ముందు తాను మనిషి కానివాడు భక్తుడు ఎలా అవుతాడు ? తల్లిదండ్రులను పోషించని వాడు, కుటుంబ బాధ్యతలు చేపట్టని వాడు, సాటి ప్రాణులను ఆదరించని వాడు.. దైవం దృష్టిలో భక్తుడిగానే కాదు కనీసం మానవుడిగా కూడా చలామణి కాలేడు. అందరూ హీనంగా చూసే గజ్జికుక్కలో కూడా దీక్షలు తీసుకున్న వారికి దీక్షామూర్తులే కనిపించాలి. అలాకాకుండా ఆదరించాల్సిన సాటి మానవులను హీనంగా చూసేవాడు ఏ దీక్ష తీసుకున్నా అది నటనే అవుతుంది కానీ శరణాగతి కాదు !"*

*"{ఆధార గ్రంథం : "శ్రీరమణీయం"}"*