*🙏🌺పూజలో గంట ఎందుకు కొట్టాలి?🌺🙏*

*🌺ఘంటానాదం యొక్క ఆధ్యాత్మిక విశిష్టత.* 

మన ఇంటి పూజలోనైనా, దేవాలయంలోనైనా, శుభకార్యాలలోనైనా గంట మోగించడం మన సనాతన సంప్రదాయంలో అనాదిగా వస్తున్న పవిత్ర ఆచారం.

అయితే ఇది కేవలం ఆనవాయితీగా వచ్చిన ఆచారం మాత్రమే కాదు. 

*పురాణాలు, పూజా విధాన సంప్రదాయాలు* ఘంటానాదానికి ప్రత్యేకమైన ఆధ్యాత్మిక ప్రాధాన్యతను తెలియజేస్తున్నాయి. 🌺

*🌺స్కాంద పురాణం చెప్పే ఘంటామహిమ*

*☘️స్కాంద పురాణం* — *వైష్ణవఖండం,* *మార్గశీర్షమాసమాహాత్మ్యం, 6వ అధ్యాయంలో*

 *పూజాసమయంలో ఘంటానాదం యొక్క విశిష్టతను వివరించింది.*

*🚩🌾సర్వవాద్యమయీ ఘంటా*

*సర్వదేవమయీ యతః* 

*తస్మాత్ సర్వప్రయత్నేన*

*ఘంటానాదం తు* *కారయేత్* ॥

*☘️భావం:*

*ఘంట సమస్త వాద్యాల స్వరూపంగా, దేవతామయంగా భావించబడుతుంది. అందువల్ల పూజాసమయంలో శ్రద్ధతో ఘంటానాదం చేయాలి అని పురాణం తెలియజేస్తుంది.*

*అదే సందర్భంలో—*

*🚩ఘంటానాదః సదా కార్యః*

*పూజాకాలే విశేషతః ।*

*అంటే ఘంటానాదం చేయాలి; ముఖ్యంగా పూజాకాలంలో దానికి విశేష ప్రాధాన్యత ఉంది అనే భావం. 🌺*

*🌺పూజలో ఎప్పుడు గంట మోగించాలి?*

*పురాణ సంప్రదాయంలో పూజ, ధూపం, నీరాజనం, అభిషేకం వంటి పూజా ఉపచారాల సమయంలో ఘంటానాదం చేయడం ప్రస్తావించబడింది*.

*అందుకే మన ఇంటి పూజలో ధూపం సమర్పించే సమయంలో, హారతి ఇచ్చే సమయంలో, ముఖ్యమైన పూజా ఉపచారాల సమయంలో గంట మోగించడం వెనుక పురాతనమైన పూజా సంప్రదాయం ఉంది.*

*ఘంటానాదం వెనుక ఉన్న ఆధ్యాత్మిక భావం*

*పూజా విధాన సంప్రదాయంలో విస్తృతంగా వినియోగించే*

*🚩ఘంటామంత్రం:*

*ఆగమార్థం తు దేవానాం*

*గమనార్థం తు రక్షసామ్* 

*కుర్వే ఘంటారవం తత్ర*

*దేవతాహ్వానలాంఛనమ్ ॥*

*భావం:*

దేవతల ఆగమనాన్ని సూచించడానికి, అశుభశక్తుల నిష్క్రమణను సూచించడానికి, దేవతాహ్వానానికి చిహ్నంగా ఘంటానాదం చేస్తున్నాను అనే భావంతో గంట మోగిస్తారు.

*ఇక్కడ ఒక విషయాన్ని గుర్తుంచుకోవాలి — ఈ శ్లోకం వేదమంత్రం అని చెప్పకుండా, పూజా విధాన సంప్రదాయంలో వినియోగించే ఘంటామంత్రంగా పేర్కొనడం సముచితం. 🌺*

*🌺ఇంటి పూజలో కూడా గంట ఎందుకు?*

ఘంటానాదం కేవలం దేవాలయాలకు మాత్రమే పరిమితమైన ఆచారం కాదు. గృహ నిత్యపూజా విధానాల్లో కూడా ఘంటారాధనకు స్థానం ఉంది.

అంటే మన ఇంటి పూజలో గంట మోగించడం కూడా సంప్రదాయబద్ధమైన పూజా విధానంలో భాగమే.

*గంటానాదం — మనస్సుకు ఒక ఆధ్యాత్మిక సంకేతం.*

గంట మోగినప్పుడు వినిపించే నాదం పూజా వాతావరణాన్ని మంగళమయం చేస్తుంది.

అంతేకాదు, దాని ఆధ్యాత్మిక భావాన్ని మన జీవితానికి అన్వయిస్తే—

*గంట మోగిన క్షణం…* మనసు బయట ప్రపంచం నుంచి భగవంతుని వైపు మళ్లాలి.

రోజువారీ ఆలోచనలు, ఆందోళనలు, వ్యాపకాల మధ్య పూజకు కూర్చున్న మనిషికి ఆ నాదం “ఇప్పుడు భగవంతుని స్మరించే సమయం” అనే పవిత్ర సంకేతంగా మారుతుంది. 🌺

*🌺ఘంటానాదం — కేవలం శబ్దం కాదు*

మన సనాతన సంప్రదాయం గంటను కేవలం ఒక లోహపు వస్తువుగా చూడలేదు.

*ఘంటానాదం —* మంగళనాదం.

ఘంటానాదం — దేవతాస్మరణకు సంకేతం.

ఘంటానాదం — పూజా ఉపచారంలో ఒక భాగం.

ఘంటానాదం — భక్తి భావాన్ని మేల్కొలిపే పవిత్ర నాదం.

అందుకే మన పెద్దలు పూజ ప్రారంభంలోనూ, పూజలోని ముఖ్యమైన ఉపచారాల సమయంలోనూ గంట మోగించే ఆచారాన్ని మనకు అందించారు.

*చివరగా ఒక ఆధ్యాత్మిక భావన…*

*గంటానాదం అంటే కేవలం శబ్దం కాదు…*

భగవంతుని సన్నిధిని మనసుకు గుర్తుచేసే మంగళనాదం. 🌺

*🌺గంట మోగిన క్షణం* — మనసు భగవంతుని వైపు తిరగాలి.

ఘంటానాదం వినిపించిన క్షణం — హృదయంలో భగవన్నామం మార్మోగాలి.

అందుకే పూజలో గంట మోగించడం ఒక ఆచారం మాత్రమే కాదు…

భక్తితో భగవంతుని స్మరించే ఒక పవిత్ర సంకేతం.

*ఆధారం: స్కాంద పురాణం — వైష్ణవఖండం, మార్గశీర్షమాసమాహాత్మ్యం, 6వ అధ్యాయం; సంప్రదాయ పూజా విధాన గ్రంథాలు. 🌺*

*#శ్రీమహాలక్ష్మి*

*#ఓంనమోనారాయణ* 

*#ఓంనమశ్శివాయ*

🟡🟢🔵🔴🙏🔴🔵🟢🟡

*ఆగమం* 

*దేవాలయాల్లో మంత్రశక్తి ఉంటుందా ?* 

దేవాలయాల్లో మూల విరాట్టుండే మండపం గొప్పది. అందులోకూడా గర్భాలయం ప్రశస్తము, పవిత్రము. గర్భాలయంలో మూలవిరాట్టుని నాలుగు గోడల మధ్యగా, అన్నీ గోడలకు సమానమైన దూరములో ఉండేలా ప్రతిష్ట చేయరు. వెనుక వున్న గోడ దగ్గరగా మూలవిరాట్టుని ప్రతిష్టిస్తారు. నిత్యం మంత్రాలని పఠిస్తూ, పూజాది కార్యక్రమాలు, స్వామికి చేస్తున్న కారణంగా, ఆ భగవంతుని పాదపీఠం క్రిందవుండే యంత్రంలోనికి, ఈ మంత్రశక్తి ప్రవేశించి, ఆ విగ్రహానికి, ఓ ఆకర్షణ ఏర్పడుతుంది. ఈ కారణంగానే వేలు, లక్షలు వెచ్చించి, నిద్రాహారాలను లెక్కించక జనమంతా భగవంతుణ్ణి చూడ్డానికి వస్తారు. అలాంటి మంత్రశక్తి కారణంగా భగవంతుని విగ్రహం, తననుంచి కొన్ని తపః కిరణాలని నాలుగు దిక్కులా వెదజల్లుతూ ఉంటుంది. ఆ శక్తిని గ్రహించడానికి మనం విగ్రహం చుట్టూ ప్రదక్షిణలు చేస్తాము. ఈ మంత్రశక్తిని గ్రహించగల నాలుగు గోడలలోనూ స్వామికి మరింత చేరువగా ఉండేది, వెనుక గోడే. అందుకే ఆ గోడమీద ఒక శిల్పాన్ని చెక్కుతారు. ఎందుకంటే, భక్తుడు ఆగినప్పుడు, తపశ్శక్తి ప్రవేశిస్తుందని, పక్షులకు కూడా ఉత్తమ జన్మ రావాలనే ఉద్దేశ్యముతో, వాటి తిండి కోసం బలి పీఠాన్ని ఏర్పాటు చేస్తారు. ఈ విధముగా పక్షులకు ఆహారము పెట్టడము, హిందువుల సంప్రదాయము.

🟡🟢🔵🔴🙏🔴🔵🟢🟡

*గరుడగమన తవ* *చరణకమలమిహ మనసి లసతు మమ నిత్యం*

*మనసి లసతు మమ నిత్యమ్*

*మమ తాపమపాకురు దేవ, మమ పాపమపాకురు దేవ ॥* 

జలజనయన విధినముచిహరణముఖ విబుధవినుత-పదపద్మ

మమ తాపమపాకురు దేవ, మమ పాపమపాకురు దేవ ॥ 1)భుజగశయన భవ మదనజనక మమ జననమరణ-భయహారిన్

మమ తాపమపాకురు దేవ, మమ పాపమపాకురు దేవ ॥ 2)శంఖచక్రధర దుష్టదైత్యహర సర్వలోక-శరణ

మమ తాపమపాకురు దేవ, మమ పాపమపాకురు దేవ ॥ 

3) అగణిత-గుణగణ అశరణశరణద విదలిత-సురరిపుజాల

మమ తాపమపాకురు దేవ, మమ పాపమపాకురు దేవ ॥ 4)భక్తవర్యమిహ భూరికరుణయా పాహి భారతీతీర్థం

మమ తాపమపాకురు దేవ, మమ పాపమపాకురు దేవ ॥ 

*ఇతి జగద్గురు శృంగేరి పీఠాధిపతి భారతీతీర్థస్వామినా విరచితం మహావిష్ణుస్తోత్రం సంపూర్ణమ్ ।*

 [9/29, 09:11] +91 94924 83092: ఆ.వె.

అతిశయములు పోక అణగి యుండెడువారు/

అవనియందు పొందు నాదరణలు/

అహము పెరిగెనేని ఆపదలకు నొచ్చు/

తెలిసి మెలగవలయు తెలుగుబాల!//

[9/29, 20:11] +91 94924 83092: ధర్మం అంటే కేవలం పూజలు చేయడం మాత్రమే కాదు, మన మనసులో నిజాయితీని పాటిస్తే అది ధర్మం.మనం మాట్లాడే ప్రతీ మాట నిజమైతే అది ధర్మం.మనం చేసే ప్రతీ పని న్యాయమైనదైతే అది ధర్మం. మనం చేసే ప్రతీ అడుగు సత్యమైతే అది ధర్మం. ధర్మం బయట ఎక్కడో దొరకదు. అది మనం తీసుకునే నిర్ణయాలలో ఉంటుంది.

           😊 🙏🏻

మనిషి డబ్బు సంపాదించడానికి తన ఆరోగ్యాన్ని త్యాగం చేస్తాడు..

తర్వాత అదే ఆరోగ్యం కోసం సంపాదించిన డబ్బంతా ఖర్చు చేస్తాడు...

రేపు ఏదో జరగబోతుంది అని ఆందోళన పడుతూ..

ఈరోజు తన ముందున్న జీవితాన్ని ఆస్వాదించడం మర్చిపోతాడు.

చివరికి చావు లేనట్టుగా బతుకుతూ.. బతకకుండానే చచ్చిపోతాడు.

                😊 🙏🏻

 

 365 రోజులు✈️హార్ట్ ఫుల్ నెస్🌍కథతో

♥️ *కథ* -*134* ♥️

మన పూర్తి సామర్థ్యాన్ని గుర్తించడానికి మన చైతన్యాన్ని మనం మేల్కొల్పామా?

*చీమ*

ఒక రోజు, ఒక చీమ ఆకు మీద పాకుతూండగా, ఒక చిన్న పక్షి దాని ప్రక్కన వాలింది.

"ఆకాశంలో అంత ఎత్తులో ఎగురుతూ ఎలాంటి అద్భుతమైన దృశ్యాలు చూస్తూవుంటావో కదా", అని చీమ నిట్టూరుస్తూ, "నేను ఎప్పుడూ కొమ్మలు, ఆకులు, గులకరాళ్ళను మాత్రమే చూస్తాను. అక్కడ నుండి నీకు ఏమి కనిపిస్తుందో నాకు చెప్పవా", అంది.

"అలాగే," అని పక్షి, "నేను ఈ అడవి మొత్తాన్ని ఒక్క చూపులో చూడగలను, పచ్చని చెట్లు, అనేక పర్వతాలు, దూరంగా ఉన్న సముద్రాన్ని కూడా చూడగలను." అంది.

" సముద్రం అంటే ఏమిటి?" చీమ అడిగింది.

"సముద్రం అంటే విశాలమైన ఒక నీటి జలాశయం. దానిలో అంతులేనంత నీరు ఉంటుంది. కనుచూపుమేర వరకు నీరు మాత్రమే కనిపిస్తుంది. ఇది చాలా అందమైన దృశ్యం" అని పక్షి చెప్పింది.

ఆ పక్షి చెప్తున్న కొద్దీ సముద్రాన్ని చూడాలనే కోరిక చీమకు పెరిగింది. 

పక్షితో, "నేను వర్షపు చినుకులను, మంచు బిందువులను మాత్రమే చూశాను. నాకు కూడా ఈ సముద్రాన్ని చూడాలని ఉంది! సముద్రాన్ని చేరుకోవడానికి నాకు దారి చూపిస్తావా?" అని పక్షిని అడిగింది.

"ఓహో, అలాగే, అదిగో అలా వెళ్ళు" పక్షి తన రెక్కతో చూపిస్తూ చెప్పింది.

"ధన్యవాదాలు", అని చీమ బయలుదేరి, గంటలు తరబడి నడుస్తూనేఉంది.

చివరగా, చీమ ఒక బురద గుంటను చూసింది. ఆ నీటి ప్రదేశానికి అవతలి వైపు కనిపిస్తున్నదా లేదా అని చూడడానికి ప్రయత్నించింది. కానీ కనుచూపుమేర వరకు అంతా నీరే ఉంది.

" చివరికి, నేను సముద్రాన్ని చేరుకున్నాను! నేనూ ఇప్పుడు సముద్రాన్ని చూశాను’’ అంది చీమ ఉత్సాహంగా, సంతోషంతో.

 ఇది చీమ, పక్షి కథ. చీమకు ఇది ఇక్కడతో ముగుస్తుంది, కానీ మనకు మాత్రం, ఈ కథ ఇంకా అసంపూర్ణంగానే ఉంది...

 మనం ఇలాంటి పరిస్థితిలోనే ఉంటాం. మనం అశాశ్వతమైన లేదా క్షణికమైనదాన్ని శాశ్వతమైనదిగానూ, పరిమితమైనదాన్ని అనంతమైనదిగానూ, బురద గుంటను అనంతమైన సముద్రంగానూ  అనుకుని పొరపాటు చేస్తాం. వివిధ వస్తువుల ద్వారా తృప్తిపడాలని కోరుకుంటాం. కానీ, వాటి నుండి మనం పొందే సంతృప్తి పరిమితమైనది , తాత్కాలికమైనది.

చీమ తన విచక్షణా శక్తిని ఉపయోగించి, సమీపంలోని చెట్టును ఎక్కడం ద్వారా తన దృష్టికి కొత్త దృక్పథాన్ని అందించగలగిఉండేది. కానీ చీమలకు ఆ సామర్థ్యం లేదు!

అయితే, ధ్యానం ద్వారా, మన విచక్షణా శక్తిని మేల్కొల్పవచ్చు. ఈ మేల్కొన్న జ్ఞానం ద్వారా మాత్రమే, జీవితం యొక్క యధార్థ లక్ష్యం ఏమిటో మనం తెలుసుకోగలుగుతాం. లేకపోతే, చీమలాగా మనం కూడా గొయ్యిని సముద్రం అని పొరబడి, జీవితపు గొప్ప ఆనందాన్ని కోల్పోవచ్చు.

♾️

మనస్సు, బుద్ధి, జ్ఞానాన్ని సరైన పద్ధతిలో నిర్మించడానికి ధ్యానం అవసరం. 🌼

*బాబూజీ*

హార్ట్ ఫుల్ నెస్ ధ్యానం 💌

HFN Story team

*“మన హైదరాబాద్ దేశంలో ఊబకాయం (ఒబేసిటీ)లో నంబర్ 1… అభివృద్ధిలో పరుగెత్తాం, ఆరోగ్యంలో పడిపోయాం!”* ☹️😰*“10 మందిలో 8 మంది ఓవర్‌వెయిట్ 😳 ఇది స్టాటిస్టిక్ కాదు… సైలెంట్ క్రైసిస్.” 🤦*

 రాజా రామ్మోహన్ రాయ్ భారతదేశ చరిత్రలో ఒక ధ్రువతార. భారత సమాజంలో పేరుకుపోయిన మూఢనమ్మకాలను, అనాచారాలను రూపుమాపడానికి కృషి చేసిన మహనీయుడు. అందుకే ఆయనను "భారత పునరుజ్జీవన పితామహుడు" (Father of Indian Renaissance) అని పిలుస్తారు. సమాజ శ్రేయస్సు కోసం ఆయన చేసిన సేవలు, ఆయన గొప్పతనాన్ని వివరించే సమగ్ర వ్యాసం కింద ఇవ్వబడింది:పరిచయంరాజా రామ్మోహన్ రాయ్ మే 22, 1772న బెంగాల్‌లోని రాధానగర్ గ్రామంలో ఒక సాంప్రదాయ బ్రాహ్మణ కుటుంబంలో జన్మించారు. ఆయన బహుభాషా కోవిదుడు. సంస్కృతం, పర్షియన్, అరబిక్, ఇంగ్లీష్, ఫ్రెంచ్, లాటిన్, గ్రీక్ వంటి అనేక భాషలలో అపారమైన పాండిత్యాన్ని సంపాదించారు. వివిధ మత గ్రంథాలను వాటి మూల భాషల్లోనే చదివి అర్థం చేసుకున్న జ్ఞాని ఆయన.సామాజిక సంస్కరణలు - సతీసహగమనం నిర్మూలనరామ్మోహన్ రాయ్ జీవితంలో అత్యంత ప్రతిష్ఠాత్మకమైన ఘట్టం సతీసహగమనం (సతి) ఆచారానికి స్వస్తి పలకడం.తన స్వంత వదిన ఈ అనాచారానికి బలి కావడాన్ని కళ్లారా చూసిన ఆయన తీవ్రంగా చలించిపోయారు.పర్షియన్ భాషలో 'మిరాత్-ఉల్-అక్బార్' వంటి పత్రికలను నడిపారు.ఢిల్లీ మొఘల్ చక్రవర్తి రెండవ అక్బర్ షా తన పెన్షన్ విషయమై లండన్ పంపడానికి రామ్మోహన్ రాయ్‌ను తన రాయబారిగా నియమించి, ఆయనకు "రాజా" అనే బిరుదును ఇచ్చారు.ముగింపుఆధునిక భారత నిర్మాణానికి పునాది వేసిన రాజా రామ్మోహన్ రాయ్, సెప్టెంబర్ 27, 1833న ఇంగ్లాండ్‌లోని బ్రిస్టల్ నగరంలో మరణించారు. ఆయన భౌతికంగా మన మధ్య లేకపోయినా, ఆయన ఆలోచనలు, సంస్కరణలు భారతదేశాన్ని అంధకారం నుండి వెలుగు వైపు నడిపించాయి. నేటి స్వతంత్ర, ఆధునిక సమాజంలో స్త్రీలు పొందుతున్న స్వేచ్ఛా స్వాతంత్ర్యాలకు ఆద్యుడు రాజా రామ్మోహన్ రాయ్ అనడంలో ఎలాంటి సందేహం లేదు.

 🍀🌺🍀🌺🍀🌺🍀🌺🍀

        *అద్దంలా వుండాలి!*

              ➖➖➖✍️

*ఒక ముసలాయన రోజు అద్దం తుడుస్తూ కనిపించాడు.*

*ఇది గమనించిన ఒక యువకుడు…“తాతయ్యా! ఈ అద్దంలో ఏం కనిపిస్తుంది?” అని అడిగాడు.*

*”నువ్వు చూస్తే నిన్ను చూపెడుతుంది, నేను చూస్తే నన్ను చూపెడుతుంది!.” అన్నారు తాతయ్య.*

*”అయితే ప్రత్యేకమైన అద్దమైతే కాదుగా మరి ఎందుకు అంత జాగ్రత్త?”అన్నాడు.* 

*”అద్దం నీకు ఎన్నో పాఠాలు నేర్పుతుంది తెలుసా!” అన్నారు తాతయ్య.* 

*”అవునా అవి ఏంటో చెప్పండి!” అని ఆతృతగా అడిగాడు ఆయువకుడు.*

*“నువ్వు అద్దంలో కి చూడగానే నీ ముఖం పైన ఉన్న మరకను ఎంత ఉంటే అంతే చూపెడుతుందిగా?”అన్నారు.*

*”అవును.” అన్నాడు ఆ యువకుడు.*

*“ఎక్కువగానో తక్కువగానే చూపదుగా?”అన్నారు.*

*”అవును తాతయ్యా!” అన్నాడు.*

*”అద్దం లాగ నువ్వు కూడా నీ స్నేహితులకు నీతోబుట్టువులకు ‘ఉన్నది ఉన్నట్టుగా చెప్పాలి!’ అని అర్థం. తప్పైతే తప్పని,  ఒప్పైతే ఒప్పని, అంతే కానీ ఎక్కువతక్కువగా ఇంకేదో ఊహించి చెప్పకూడదు!” అన్నారు.*

**ఇది మొదటి పాఠం!*

*”అద్దం ముందు నువ్వు నిల్చుంటే నిన్ను చూపెడుతుంది! నువ్వు లేకపోతే నిన్ను చూపెట్టదు!*

*అలాగే ‘ఎవరి గురించైనా మాట్లాడాలి అంటే వారి ముందే మాట్లాడాలి, వారి వెనుక మాట్లాడకూడదు!’ అని అర్థం.*

**ఇది రెండవ పాఠం అన్నారు.*

*అద్దం మన ముఖంపైన ఉన్న మరకను చూపెట్టిందని కోపంతో  ఆ అద్దాన్ని పగలకొట్టం కదా, అలా ఎవరైనా మన లోపాన్ని మనకు చెప్పినప్పుడు కోపం తెచ్చుకోకుండా,  ‘మనలోని లోపాన్ని  సరిచేసుకోవాలి!’ అని చెబుతుంది.*

**ఇది మూడవ పాఠం అన్నారు తాతయ్య .*

*”ఇంత చిన్న అద్దంతో ఇన్ని పాఠాలా చాలా మంచి విషయాలు నేర్పారు తాతయ్యా మీకు కృతజ్ఞతలు!” అంటూ ఆ యువకుడు ఎన్నో కొత్త విషయాలు నేర్చుకున్నాను అనే  ఆనందంతో అక్కడనుండి వెళ్ళాడు.*

**బావుంది కదా అందమైన అద్దం కథ.* 

🙏 *సర్వం శ్రీకృష్ణార్పణమస్తు*

🙏 *లోకా సమస్తా సుఖినోభవన్తు!*

🍀🌺🍀🌺🍀🌺🍀🌺🍀

 నవ్వించే పరిచయాలు కొన్ని

ఏడిపించే పరిచయాలు కొన్ని

విసిగించే పరిచయాలు కొన్ని

వికసించే పరిచయాలు కొన్ని

కానీ ఏదో ఒకటి నేర్పించే పరిచయాలే అన్నీ !

            😊 🙏🏻

చెప్పుకోడానికి కొన్ని మాటలు

తలచుకోడానికి కొన్ని జ్ఙాపకాలు 

నవ్వుకోడానికి కొన్ని జోకులు

పంచుకోడానికి కొన్ని బాధలు

అలాంటి తోడుంటే చాలు కదా!

             😊 🙏🏻

 మన జీవితం ఎలా మొదలైందో మనకు తెలియదు. మధ్యలో ఏం జరుగుతుందో తెలియదు. జీవితం ఎప్పుడు ముగుస్తుందో తెలియదు. మొదలు, మధ్య, చివర మన అధీనంలో లేనప్పుడు దేనికి బాధపడాల్సిన అవసరం లేదు.

              😊 🙏🏻

 365 రోజులు✈️హార్ట్ ఫుల్ నెస్🌍కథతో

♥️ *కథ*-*130* ♥️

ఈ ప్రపంచంలో ఎవరు నిజంగా సంతోషంగా ఉన్నారు?

*అసలైన* *ఆనందం* *యొక్క* *రహస్యం*

ఒకానొకప్పుడు ఒక యువకుడు ఉండేవాడు, అతను అసాధారణంగా చురుకైన మనస్సు కలిగినవాడు. ఏదైనా చాలా త్వరగా, సులభంగా నేర్చుకునే ప్రత్యేకమైన ప్రతిభను కలిగినవాడు. చాలామందికి  ఏదైనా నేర్చుకోవడానికి కొన్ని నెలలు లేదా సంవత్సరాలు పడుతుంది, అయితే అదే విషయాన్ని అతను కొద్ది రోజుల్లోనే నేర్చుకోగలడు. 

అతని కీర్తి చాలా దూరం వ్యాపించి, అంతటి తెలివితేటలు కలిగినవారు ఎవరూ లేరని అందరూ చెప్పుకోవడం మొదలుపెట్టారు. కానీ లోలోపల అసంతృప్తిగా, కొంత కలవరానికి గురవుతున్నాడని అతనికిమటుకే తెలుసు. ప్రతి వ్యక్తికీ, బయటవారికి ఎలా కనిపించినా, తన అంతర్గత స్థితి గురించి, లోపల నుండి తాను ఎలా ఉన్నాడో తెలుస్తుంది. అలాగే ఇతను కూడా అంతర్గతంగా చాలా ఇబ్బందిపడుతున్నాడు, కానీ తన అహంకారంతో, గర్వంతో తన ఇబ్బందులను కప్పిపుచ్చాలనుకున్నాడు. చాలా మంది చేసేది ఇదే.

తన కీర్తిని మరింతగా పెంచుకోవడానికి రకరకాల కొత్త విషయాలను ఎప్పటికప్పుడు నేర్చుకుంటూనే ఉన్నాడు. చిత్రలేఖనం, శిల్పాలు చేయడం, పాటలు పాడడం, చక్రాలు చేయడం కూడా అతను నేర్చుకున్నాడు. ఇప్పటి వరకు జీవితంలో తాను చూసిన పనులన్నీ, చేయడం నేర్చుకున్నాడు. 

అతను తన తెలివితేటలు చూసుకుని చాలా గర్వపడుతూఉంటాడు; ఎందుకంటే ఒక సాధారణ వ్యక్తి ఒకటి, రెండు లేదా మహాఅయితే మూడు పనులు చేయగలుగుతాడు. కానీ ఇక్కడ ఉన్న ఈ ప్రత్యేకమైన వ్యక్తి ప్రతిదీ చేయగలగడమే కాకుండా అన్నీ చాలా బాగా చేయగలడు కూడా.

ఒక రోజు అతను, గౌతమ బుద్ధుడిని చూడడం తటస్థించింది. 

ఒక వ్యక్తిని చూసి అసూయపడడం అతనికి ఇదే మొదటిసారి. అప్పటిదాకా తనని చూసి అసూయపడే వాళ్లను మాత్రమే చూసాడు.  

ఎక్కడ అసూయ ఉంటుందో, అక్కడ  పోలిక ఖచ్చితంగా ఉంటుంది. కాబట్టి ఈ వ్యక్తి తనను తాను బుద్ధుడితో పోల్చుకోవడం మొదలుపెట్టాడు.

 బుద్ధుడి వద్ద ఒక భిక్ష పాత్ర మాత్రమే ఉందని గమనించాడు, కానీ అతని వద్ద చాలా డబ్బు ఉంది. బుద్ధుని బట్టలు చాలా మామూలుగా ఉన్నాయి, కానీ తాను మాత్రం అత్యుత్తమవైనవి, విలువైన దుస్తులతో ఆకర్షణీయంగా ఉన్నాడు. బుద్ధుడు నేలపై చెప్పులు లేకుండా నడుస్తాడు, చెప్పులు లేకుండా నడిచే అవసరం తనకు ఎప్పుడూ రాదు.

ఈ విధంగా, ఆ వ్యక్తి బుద్ధుడిని వందల విషయాలలో పోల్చడం కొనసాగించాడు, కానీ ఎన్నిరకాలుగా పోల్చిచూసినా కూడా, బుద్ధుడి పట్ల అతనికున్న అసూయ ఒక్క శాతం కూడా తగ్గలేదు. 

తనలో తాను ఇలా ఆశ్చర్యపోయాడు: "అతని కంటే 100 రెట్లు మెరుగైన జీవితం నాకు ఉన్నప్పుడు, ఈ పేద సన్యాసిని చూసి నేను ఎందుకు అసూయపడుతున్నాను? ! ప్రజలందరూ కూడా అతనికి చాలా గౌరవం ఇస్తున్నారు. అతనిని చూసి నేను అసూయపడే విషయం - అతని వద్ద ఉన్నది, నావద్ద లేనిది, ఏమిటి?"

చాలా సమయం తన స్వంత ఆలోచనలలో, ప్రశ్నలలో మునిగిపోయిన తర్వాత, ఆ వ్యక్తి స్వయంగా బుద్ధుని వద్దకు వెళ్లి అతని విజయరహస్యమేమిటని అడగాలని నిర్ణయించుకున్నాడు.

 ఆ వ్యక్తి తన సేవకులతో కలిసి బుద్ధుని వద్దకు వెళ్లి, "నేను ఈ పట్టణంలోకెల్లా అత్యంత తెలివైనవాడిని, చాలా సంతోషకరమైన వ్యక్తిని. మీ చుట్టూ ఏ పని జరుగుతున్నా, ఆ పనులన్నీ ఎలా చేయాలో నాకు తెలుసు. నేను ఏ పనినైనా అతి తక్కువ సమయంలో నేర్చుకోగలను. నా చుట్టూ ఉన్న ప్రతి ఒక్కరూ నన్ను గౌరవిస్తారు. అయినా కూడా నాకు మీ మీద అసూయగా ఉంది. మీరు ఏమి సాధించారో తెలుసుకోవాలన్న ఆత్రుతతో ఉన్నాను. ఇంతమంది మిమ్మల్ని ఎందుకు గౌరవిస్తున్నారు?"

బుద్ధుడు ప్రశాంతంగా ఇలా సమాధానమిచ్చాడు, "అలాంటి విజయాలేమీ నేను సాధించనప్పటికీ, ఒక విజయం సాధించానని మాత్రం చెప్పగలను." 

ఆ వ్యక్తి "అదేమిటో నేను తెలుసుకోవచ్చా?", అని అడిగాడు.

దానికి బుద్ధుడు, "నేను సాధించిన విజయాలన్నింటినీ వదిలేసుకోవడమే నేను సాధించిన విజయం", అని అన్నాడు.

 ఆ వ్యక్తి ఆశ్చర్యానికి లోనయ్యి, బుద్ధుడితో ఇలా అన్నాడు, " మీరన్నది నాకు అర్ధం కాలేదు."

బుద్ధుడు ఇలా అడిగాడు, "నిన్ను ఎవరైనా మెచ్చుకుంటే నీకు ఇష్టమా?" 

దానికి  ప్రతిస్పందిస్తూ, "అవును, అందరూ అది ఇష్టపడతారు కదా." 

బుద్ధుడు, "మరి దూషిస్తే?" 

ఆ వ్యక్తి, "ఈ ప్రపంచంలో ఎవరికీ దూషింపబడటం ఇష్టముండదు కదా?"

బుద్ధుడు ఇలా అన్నాడు, "సంతోషాన్ని కలిగించేదాన్ని,  బాధ కలిగించేదాన్ని - నేను రెండింటిని అధిగమించాను. నేను దూషించటం వల్ల బాధపడను, లేదా ఏ ప్రశంసల వల్లా సంతోషించను. అదే నీకు, నాకు మధ్య ఉన్న తేడా."

దానికి అతను, "అది ఎలా సాధ్యమవుతుంది?"

బుద్ధుడు నవ్వి, "మీరు వందలాది విషయాలు నేర్చుకున్నారు, కానీ  ఒక ముఖ్యమైన విషయం నేర్చుకోవడం మర్చిపోయారు" అని అన్నాడు. 

ఆ వ్యక్తి ఆశ్చర్యంతో, "ఏమిటది?"

"మీ మనస్సును ఎలా నియంత్రించాలో మీకు తెలుసా?", బుద్ధుడు అడిగాడు.

ఇది విన్న వ్యక్తి తన అసూయకు కారణం ఏమిటో తక్షణమే గ్రహించాడు. 

బుద్ధుడు ఇలా కొనసాగించాడు, "తన మనస్సును గెలవని వ్యక్తి, ప్రపంచాన్ని జయించినా ఏమీ గెలవనట్టే; తన మనస్సును జయించి, ప్రతిదీ కోల్పోయిన వ్యక్తి వాస్తవానికి ప్రతిదీ గెలిచినట్లే, ఎందుకంటే తన మనస్సును నియంత్రించేవాడు మాత్రమే నిజంగా సంతోషంగా ఉంటాడు."

బుద్ధుని మాటలు వినగానే, ఆ వ్యక్తి యొక్క అహం కరిగిపోయి, బుద్ధుడిని ఇలా అడిగాడు, "నా మనస్సును ఎలా జయించాలో నాకు నేర్పించగలరా?" 

బుద్ధుడు, "తప్పకుండా, కానీ మీ విజయాలను మీ నుండి తీసివేయాల్సివస్తుంది", అని సమాధానమిచ్చాడు.

ఆ వ్యక్తి, "నేను సిద్ధంగా ఉన్నాను", అని

ఆ రోజు నుండి ధ్యానం చేయడం ప్రారంభించాడు. ఎందుకంటే మనస్సును అదుపులో ఉంచుకోవడానికి ధ్యానం ఒక్కటే మార్గం అని తెలుసుకున్నాడు కాబట్టి.

మనస్సు ఒక సామరస్య స్థితిలో ఉన్నట్లయితే, బాహ్య పరిస్థితుల, బాహ్య వాతావరణ ప్రభావం దానిపై ఉండదు, అంతరంగంలోని అలజడి కూడా ఉండదు. ధ్యానం యొక్క నిరంతర సాధనతో, మనస్సు ప్రశాంతంగా, స్థిరంగా ఉంటుంది.

♾️

మనస్సు యొక్క కార్యకలాపాలను నిశ్చలపరచడంలో, స్థిరపరచడంలోనే మన ఆనందపు రహస్యం దాగి ఉంది. 🌼

*లాలాజీ* *మహారాజ్*

హార్ట్ ఫుల్ నెస్ ధ్యానం 💌

HFN Story team

 *దశావతారాలు – మానవ జీవితంలోని పది దశలు.* 

     దశావతారాలను భగవంతుని అవతారాలుగానే గౌరవిస్తూ, వాటిలోని భావాలను మానవ జీవితానికి ఒక ఆధ్యాత్మిక అన్వయంగా చూస్తే, మనిషి తనలోని ప్రవృత్తుల నుంచి ధర్మం, జ్ఞానం, ఆత్మచైతన్యం వైపు ఎలా ఎదగాలో ఒక అందమైన సందేశం కనిపిస్తుంది.

1. *మత్స్యావతారం* – ఆరంభ దశ

మాతృమూర్తి గర్భంలో జీవం జలమయమైన వాతావరణంలో పెరిగే తొలి దశకు మత్స్యాన్ని ప్రతీకగా భావించవచ్చు.

2. *కూర్మావతారం* – బాల్య దశ

నీటినుంచి నేలకు వచ్చిన జీవి క్రమంగా నడవడం, పాకడం నేర్చుకున్నట్లే, బాల్యంలో మనిషి తన శరీరాన్ని, ఇంద్రియాలను నియంత్రించుకోవడం నేర్చుకునే దశ — కూర్మం.

3. *వరాహావతారం* – ప్రవృత్తి దశ

పెరుగుతున్న వయస్సులో సహజమైన కోరికలు, భావోద్వేగాలు, జంతు ప్రవృత్తులు బలపడే దశను వరాహానికి ప్రతీకగా అన్వయించవచ్చు.

4. *నరసింహావతారం* – మానవత్వం వైపు దశ

జంతు ప్రవృత్తులపై మానవ చైతన్యం ఆధిపత్యం సాధించడం ప్రారంభమయ్యే దశ — నరసింహం. ఇది మనిషిలో మానవత్వం మేల్కొనే సంకేతంగా చూడవచ్చు.

5. *వామనావతారం* – ఎదుగుదల దశ

మనిషిగా ఎదిగినా తన పరిమితులను గుర్తించి, జ్ఞానం కోసం ముందుకు సాగాలనే వినయాన్ని అలవరచుకునే దశ — వామనుడు.

6. *పరశురామావతారం* – ఆత్మనిగ్రహ దశ

శక్తి, సామర్థ్యం వచ్చిన తరువాత వాటిని క్రోధానికి కాకుండా ధర్మానికి ఉపయోగించుకోవడం నేర్చుకునే దశ — పరశురాముడు.

7. *శ్రీరామావతారం* – ధర్మ దశ

సత్యం, ధర్మం, శాంతి, ప్రేమ, త్యాగం, కర్తవ్యనిష్ఠలను జీవితంలో ఆచరించే ఉన్నత దశ — శ్రీరాముడు.

8. *శ్రీకృష్ణావతారం* – జ్ఞాన దశ

జీవితంలోని కర్తవ్యాలను నిర్వర్తిస్తూ, ప్రతి జీవిలోనూ దైవత్వాన్ని దర్శించి, సమస్త జగత్తుతో ఏకత్వ భావనను పొందే దశ — శ్రీకృష్ణుడు.

9. *బుద్ధావతారం* – ఆత్మజ్ఞాన దశ

ధ్యానం, వైరాగ్యం, కరుణ, జ్ఞానం ద్వారా తన జీవిత పరమార్థాన్ని అన్వేషించి, దుఃఖానికి కారణాలను తెలుసుకునే దశ — బుద్ధుడు.

10. *కల్కి అవతారం* – పరిపూర్ణత దశ

అధర్మాన్ని తొలగించి ధర్మాన్ని స్థాపించే సంకల్పంతో, తన కర్తవ్యాన్ని సంపూర్ణంగా నిర్వర్తించి జీవితాన్ని సార్థకం చేసుకునే దశ — కల్కి భగవానుడు.

🙏 *ముగింపు*

     దశావతారాలను ఈ విధంగా మానవ జీవితానికి అన్వయించడం ఒక ఆధ్యాత్మిక దృష్టాంతం మాత్రమే; ఇది పురాణాలలో చెప్పబడిన దశావతారాల అసలు అర్థానికి ప్రత్యామ్నాయం కాదు.

    మనిషి తనలోని ప్రవృత్తులను జయిస్తూ,*వినయం – ఆత్మనిగ్రహం – ధర్మం – జ్ఞానం – కరుణ* వైపు ఎదిగితే,

ఒక్క జన్మలోనే తన జీవితాన్ని సార్థకం చేసుకోగలడు.

     *“అవతారాలు పది అయినా...మనిషి ప్రయాణం ఒక్కటే — ప్రవృత్తి నుంచి పరిపక్వత వైపు, అజ్ఞానం నుంచి జ్ఞానం వైపు.”* 🙏🌹

 పొరలు కమ్మిన మనసులో 

తెరలు తీసేదేవ్వరు?

మరగ మారిన మదిలో 

మమత నిండేదెన్నడు?

మరలి రాని కాలాన్ని 

ఒడిసి పట్టేదెవ్వరు?

మరపు రాని తలపులు 

మాసిపోయేదెన్నడు?

కనుల కురిసే నీటిలోన 

కలువలు విరిసేనా?

కలత నిండిన ఎడదలో 

కన్న కలలు పండేనా?

మారిన దారులలో 

మనశ్శాంతి  దొరికేనా?

కోరిన స్వాతంత్రంతో 

కొరతలు తీరేనా?

మాట నచ్చక మౌనం 

మనసు నచ్చక దూరమా 

మార్పుతో మనుగడ 

మధురం చేసుకోరా!

పెంచుకుంటే  పెరిగేది 

తుంచుకుంటే  తరిగేదే 

ప్రేమైనా.. కోపమైనా 

బంధాలకు విలువే లేదా?

అహాలను పోషిస్తే 

ఇహంలో  సుఖమేది?

చీకటిని తరిమేసే 

వెలుతురేగా వేకువంటే!

🌸🌸సుప్రభాతం 🌸🌸

బృంద 🙏

 🍀🌺🍀🌺🍀🕉️🍀🌺🍀🌺🍀

  *ఇష్టాలు వేరు,బంధం ఒక్కటే!*

        ➖➖➖✍️```

భార్యాభర్తలు ప్రతి విషయంలోనూ ఒకేలా ఉండాల్సిన అవసరం లేదు.

ఒకరికి కాఫీ ఇష్టం… మరొకరికి టీ.

ఒకరికి పెసరట్టు ఇష్టం… మరొకరికి రవ్వ దోశ.

ఒకరికి గలగల మాట్లాడటం ఇష్టం… మరొకరికి మౌనం.

ఒకరికి నీలం రంగు ఇష్టం… మరొకరికి మెరూన్.

ఒకరు తెగింపుతో ముందుకు సాగాలనుకుంటే… 

మరొకరు ప్రశాంతతను ఇష్టపడవచ్చు.

అభిరుచులు వేరు కావచ్చు…

ఆలోచనలు వేరు కావచ్చు…

స్వభావాలు వేరు కావచ్చు…

కానీ గమ్యం ఒక్కటైతే కుటుంబం అందంగా సాగుతుంది.

దాంపత్యం అంటే ఒకరిని మరొకరు మార్చుకోవడం కాదు.

ఒకరినొకరు అర్థం చేసుకోవడం!

“నువ్వు నా లాగా ఉండాలి” అనడం కాదు…

“నువ్వు నీలాగే ఉండు… నేను నిన్ను గౌరవిస్తాను” అని చెప్పగలగడం.

ఇదే నిజమైన అవగాహన.

జీవితంలో ప్రతి రోజూ అన్నీ మనకు నచ్చినట్టుగా జరగవు. 

చిన్నచిన్న అభిప్రాయ భేదాలు వస్తాయి. కొన్నిసార్లు మాటలు ఎక్కువవుతాయి… కొన్నిసార్లు మౌనం ఎక్కువవుతుంది.

కానీ ఆ సమయంలో ఎవరు గెలిచారు? అన్నది ముఖ్యం కాదు.

మన బంధం గెలిచిందా? అన్నదే ముఖ్యం!

ఒక కుటుంబంలో ప్రేమ ఉంటే మాటలకు విలువ ఉంటుంది.

గౌరవం ఉంటే అభిప్రాయ భేదాలు ప్రమాదం కావు.

నమ్మకం ఉంటే కష్టాలు భయపెట్టవు.

ఐక్యత ఉంటే పెద్ద సమస్యలు కూడా చిన్నవిగా మారతాయి.

కుటుంబం అంటే ఒకే ఇంట్లో ఉండటం కాదు… ఒకే మనసుతో నిలబడటం.

సంతోషంలో కలిసి నవ్వడం మాత్రమే కాదు…

కష్టంలో ఒకరి భుజానికి మరొకరు భుజం ఇవ్వడం.

విజయం వచ్చినప్పుడు కలిసి ఆనందించడం మాత్రమే కాదు…

విఫలం వచ్చినప్పుడు “నేను ఉన్నాను” అని ధైర్యం చెప్పడం.

పిల్లలకు ఆస్తులు ఇవ్వడం మాత్రమే కాదు…

ఐక్యత, గౌరవం, బాధ్యత, ప్రేమ అనే విలువలను వారసత్వంగా ఇవ్వడం.

ఎందుకంటే పిల్లలు మన మాటల కంటే మన ప్రవర్తన నుంచే ఎక్కువ నేర్చుకుంటారు.

తల్లిదండ్రులు ఒకరినొకరు గౌరవించుకుంటే పిల్లలు గౌరవాన్ని నేర్చుకుంటారు.

తల్లిదండ్రులు సమస్యలను కలిసి పరిష్కరిస్తే పిల్లలు బాధ్యతను నేర్చుకుంటారు.

తల్లిదండ్రులు భిన్నత్వాన్ని గౌరవిస్తే పిల్లలు సహనాన్ని నేర్చుకుంటారు.

అందుకే బలమైన కుటుంబం అంటే సమస్యలు లేని కుటుంబం కాదు.

సమస్యలు వచ్చినా కలిసి నిలబడే కుటుంబం.

అభిప్రాయాలు వేరైనా విడిపోని కుటుంబం.

కష్టాలు వచ్చినా ఒకరినొకరు వదిలిపెట్టని కుటుంబం.

కుటుంబం ఒక చిన్న ప్రపంచం.

ఆ ప్రపంచంలో ప్రేమ ఉంటే ప్రశాంతత ఉంటుంది.

అవగాహన ఉంటే ఆనందం ఉంటుంది.

నమ్మకం ఉంటే భద్రత ఉంటుంది.

ఐక్యత ఉంటే భవిష్యత్తు బలంగా ఉంటుంది.

భిన్నత్వం కుటుంబానికి బలహీనత కాదు… అది కుటుంబానికి అందం.

కాఫీ–టీ వేరు కావచ్చు.

పెసరట్టు–రవ్వ దోశ వేరు కావచ్చు.

మాటలు–మౌనం వేరు కావచ్చు.

అభిరుచులు–ఆలోచనలు వేరు కావచ్చు.

కానీ ఒకరినొకరు అర్థం చేసుకునే హృదయం ఒక్కటైతే…

ఆ కుటుంబాన్ని ఏ తుఫానూ సులభంగా కదిలించలేదు!

అందుకే ప్రతి కుటుంబం ఒక విషయం గుర్తుంచుకోవాలి:

ఒకరిని మార్చడం కంటే ఒకరిని అర్థం చేసుకోవడం గొప్పది!

గెలవడం కంటే కలిసి ఉండటం గొప్పది!

వాదనలో గెలవడం కంటే బంధాన్ని గెలిపించడం గొప్పది!

సంపదను సంపాదించడం కంటే కుటుంబ ఐక్యతను కాపాడుకోవడం గొప్పది!

చివరికి మనిషి జీవితంలో ఎంత సంపాదించాడు అన్నదానికంటే…

ఎంతమంది మనసులను కలిపాడు?

ఎంత ప్రేమను పంచాడు?

తన కుటుంబాన్ని ఎంత బలంగా నిలబెట్టాడు?

తన పిల్లలకు ఎలాంటి విలువలను అందించాడు?

అన్నదే నిజమైన విజయానికి కొలమానం!

ఇష్టాలు వేరు కావచ్చు…

అభిప్రాయాలు వేరు కావచ్చు…

ప్రయాణించే దారులు వేరు కావచ్చు…

కానీ చేతులు కలిపి, మనసులు కలిపి, కుటుంబాన్ని ముందుకు నడిపించడం—అన్నదే నిజమైన జీవితం.

కుటుంబం కలిసుంటే మనిషికి ధైర్యం ఉంటుంది.

కుటుంబం బలంగా ఉంటే సమాజం బలంగా ఉంటుంది.

కుటుంబంలో ప్రేమ ఉంటే తరాలు బలంగా ఎదుగుతాయి.

కలిసి ఉండటం ఒక అలవాటు కాదు…

ఒక బాధ్యత.

ఒక విలువ.

ఒక వరం.

మన ఇల్లు కేవలం నివసించే స్థలం కాకూడదు…

మనసులు కలిసే స్థలంగా ఉండాలి.

అదే నిజమైన కుటుంబం.

అదే నిజమైన సంపద.✍️```

.        *సర్వం శ్రీకృష్ణార్పణమస్తు*

       🌷🙏🌷

 `🙏లోకా సమస్తా సుఖినోభవన్తు!🙏`

🍀🌺🍀🌺🍀🕉️🍀🌺🍀🌺🍀

 "తెలివైన పరిపాలకుడు,

దాన గుణం కల ధనవంతుడు,

పేరు ప్రతిష్టలయందు కోరిక లేనట్టి విద్వాంసుడు ఈ ముగ్గురు భూమికి ఆభరణములు."

              😊 🙏🏻

“కష్టం లేనిదే ఏదిరాదు…

తనువు తల్లిది, తపన తండ్రిది. కానీ బ్రతుకు మాత్రం నీదే. కష్టం వచ్చిందని ఆగిపోతావో, కష్టపడి ముందుకుపోయి అసాధ్యాన్ని సుసాధ్యం చేసుకుంటావో, అది నీ చేతుల్లోనే ఉంది.”

           😊 🙏🏻

[9/23, 09:53] +91 94924 83092: అవసరములవరకె ఐకమత్యము నేడు/

పనికివచ్చువరకె పతియు (పత్ని) యైన/

కరుణ యాదరణలు గగనకుసుమములే/ 

తెలిసి మెలగ వలయు తెలుగుబాల!//

[9/23, 20:17] +91 94924 83092: *"ఆనందం శాశ్వతం కానప్పుడు, విచారం కూడా శాశ్వతం కాదు. ప్రతి చీకటి తర్వాత వెలుగు వస్తుంది. ప్రతి కష్టం తర్వాత మంచి రోజులు వస్తాయి. ఓపిక, విశ్వాసం, ధైర్యం ఇవే మన బలం."*

              😊 🙏🏻

 వినాయక చవితి,గుళ్ళలో చేసే అన్నదానాలు, పందిళ్లలో ప్రసాదాలు,ఆన్లైన్ లో ఆమ్ముతున్న ప్రసాదాలు, దసరా ఉత్సవాలు భారీ ప్రమాదం అంచున ఉన్నాయి. ఇప్పటికీ 60%మండపాల పనులు, 40%దాకా ప్రసాదల తయారీ 20%వరకూ ఆన్లైన్ ప్రసాదాలు ముస్లింల చేతుల్లో కి వెళ్లిపోయాయి. హిందువులలో దీన్ని గ్రహించే బుద్ధిగాని, ఆలోచన గానీ 10%కూడా లేదు, కాదనాలంటే  దాడులకు సిద్ధపడాల్సిందే. వినాయక మండపం లైటింగ్ పనులను ధర్మాత్ములైన కమిటీ వాళ్ళు ముస్లింలకు ఇస్తారు. రెండో సంవత్సరం తిరిగి ఇవ్వకపోతే కమిటీ పెద్దల కుటుంబాలు నాశనం అవుతాయి. ఈ విషయం ప్రతిఒక్కరికి తెలుసు కానీ ముస్లిం అంటే సాయిబాబా అనే ధోరణి కూడా చాలా మందిలో లేకపోలేదు. ముస్లిం ముట్టుకున్న పనిని హిందువు కొనసాగిస్తే స్పాట్ లో అవుట్ అయిపోతాడు. కేసు కూడా ఉండదు. ఇక ప్రసాదాలు, వంటల విషయానికి వస్తే ------అత్యధిక శాతం హిందువులు తాగి తాగి నరాలు చచ్చుబడి గంటకు మించి పనిచేసే స్థితిలో లేరు.ప్రసాదం చేయడం మొదలు పెట్టినా చాలామంది ఒక వైపు ప్రసాదం చేస్తూ మరోవైపు బాటిల్ ఎత్తుతుంటారు.గుంటూరు జిల్లా ప్రసిద్ద శైవ క్షేత్రం లో ప్రసాదం కాంట్రాక్టర్ ఆ పనిని ఒక ముస్లింకి సబ్ లీజ్ కి ఇచ్చినట్టు అతను అక్కడక్కడ మాంసం ముక్కలు వేసినట్టు విన్నాం. నాలుగు రోజులు పక్కకి తప్పించి మళ్ళీ వాడికే ఇచ్చినా అడిగే దమ్ము ఎవ్వరికీ ఉండదు. కారణం హిందువు 1000 రూపాయలకు చేసే పనిని ముస్లిం 800 లకే చేస్తాడు. కారణం హిందువు కూలి డబ్బుల్లో సగం తాగడానికి పెట్టాలి. అందువల్ల ఎక్కువ ఆశిస్తాడు. ముస్లిం కూలి డబ్బులో కొంత మసీదుకు ఇస్తాడు కాబట్టి మసీదు అతనికోసం ఏదైనా చేస్తుంది. హిందువుల దృష్టిలో మతం లేదు కాబట్టి మూసుకుని తన్నులు తింటారు, అయ్యో పాపం అనే దిక్కు కూడా ఉండదు ------ అత్యాశ, మోసం, అసూయ, మతాభిమానం లేకపోవడం, లాంటి అనేక కారణాల వల్ల దెబ్బలు తింటూనే ఉంటాడు.మా అపార్ట్మెంట్ లో వాచ్మెన్ ఉద్యోగానికి వెతకంగా వెతకంగా ఒక్క హిందువు దొరికాడు. మొదట చేస్తాను అని 4 గంటల్లో నేను ఉదయం 5 గంటలకు లేవలేను. నేను చేయను అంటూ 25 వేల డబ్బు, ఉచిత రూమ్ ని తిరస్కరించాడు. ఇదీ హిందువుల పరిస్థితి.

 🙏 శాస్త్రాల ప్రకారం గణపతి నిమజ్జనం ఎందుకు? ఎలా చేయాలి? 🙏

🌺 గణపతి నిమజ్జనం ఎందుకు చేయాలి?

🔸 సృష్టి–లయ నియమం:

మట్టితో తయారైన గణపతి విగ్రహం పూజల అనంతరం తిరిగి ప్రకృతిలో కలవడం సృష్టి–లయ తత్వానికి ప్రతీక.

🔸 భూమి–నీటి తత్త్వం:

విగ్రహం పృథ్వీ తత్త్వానికి ప్రతీక. పూజలు, ప్రాణప్రతిష్ఠ అనంతరం ఆరాధన పూర్తయ్యాక, ఆ రూపాన్ని తిరిగి ఆపస్ (నీటి) తత్త్వంలో విలీనం చేయడమే నిమజ్జనం.

🔸 జ్ఞానం–వైరాగ్యం:

భగవంతుడు రూపరహితుడు, అనంతుడు. ఒక రూపాన్ని భక్తితో పూజించి, చివరకు అదే రూపాన్ని నీటిలో విలీనం చేయడం ద్వారా రూపం కంటే దైవతత్త్వం శాశ్వతమనే భావనను గుర్తుచేసుకుంటాం.

🌺 నిమజ్జనం ఎలా చేయాలి? – శాస్త్రోక్త విధానం

1️⃣ ఉత్తర పూజ (చివరి పూజ)

నిమజ్జనానికి ముందు గణపతికి ఉత్తర పూజ చేయాలి.

🪔 ధూపం, దీపం సమర్పించి

🍚 పాయసం / కుడుములు / మోదకాలు నైవేద్యంగా పెట్టి

🙏 హారతి ఇచ్చి, మంత్రపుష్పం చదవాలి.

2️⃣ విగ్రహాన్ని జరపించడం

పూజ పూర్తయిన తర్వాత గణపతిని తన స్థానం నుండి కొద్దిగా జరుపుతూ,

🙏 “ఓం గణపతయే నమః, పునరాగమనాయ చ”

అని స్మరించవచ్చు. ఇది స్వామివారికి వీడ్కోలు పలికి, మళ్లీ రావాలని కోరే భావన.

3️⃣ ప్రసాదం & ఆశీర్వాదం

నిమజ్జనానికి తీసుకెళ్లే ముందు కుటుంబ సభ్యులు స్వామివారి ఆశీర్వాదం తీసుకుని, ప్రసాదం స్వీకరించాలి.

4️⃣ నిమజ్జనం

🌊 చెరువు, నది, సముద్రం లేదా ఇంటి వద్ద ఏర్పాటు చేసిన పరిశుభ్రమైన నీటి పాత్రలో నిమజ్జనం చేయవచ్చు.

♻️ నిమజ్జనానికి ముందు ప్లాస్టిక్, థర్మోకోల్ వంటి ప్రకృతికి హాని చేసే అలంకరణలను తప్పక తొలగించాలి.

🙏 విగ్రహాన్ని రెండు చేతులతో గౌరవంగా పట్టుకుని, మెల్లగా నీటిలో నిమజ్జనం చేయాలి. విగ్రహాన్ని విసిరివేయకూడదు.

🌱 నిమజ్జనం అనంతరం మిగిలిన మట్టి లేదా నీటిని మొక్కలకు ఉపయోగించడం శ్రేయస్కరం.

🐘 గణపతి బప్పా మోరియా!

🙏 మళ్లీ వచ్చే ఏడాది రావయ్యా! 🙏

🌺 శ్రీ విఘ్నేశ్వర స్వామి అనుగ్రహం అందరిపై ఉండాలి. 🌺

 🍀🌺🍀🌺🍀🕉️🍀🌺🍀🌺🍀

     *ట్రంకు పెట్టె*

      ➖➖➖✍️```

వాళ్ళిద్దరికీ పెళ్ళయి అరవై ఏళ్ళయింది. పెళ్లిరోజు ని చక్కగా జరుపుకోవాలని అనుకున్నారు.

       

ఇద్దరూ పొద్దున్నే లేచారు. తలంటుకున్నారు. పట్టుబట్టలు కట్టుకున్నారు. ముద్ద మందారం తురుముకుందామె. ఈ మధ్యనే అయిదారేళ్ళక్రితం కొన్న అత్తరుని రాసుకున్నాడతను.

 

కధ లోకి వస్తే.. మందారం తురుముకున్న ఆమె, అత్తరు రాసుకున్న అతను కలిసి గుడికి వెళ్ళారు. దేమునికి దండం పెట్టుకున్నారు. 

         

మరో పద్ధెనిమిది పెళ్ళి రోజులు జరుపుకోవాలని కోరుకున్నాడతను.    అప్పటి కి అతనికి నూరేళ్ళు వస్తాయి.     ఆమె మరో ఇరవైరెండు పెళ్ళి రోజులు జరుపుకోవాలని కోరుకుంది.     అప్పటి కి ఆమెకి నూరేళ్ళు వస్తాయి.    దానాదీనా ఇద్దరూ నిండునూరేళ్ళు బతకాలని కోరుకున్నారు. 

             

దేమునికి కొట్టిన కొబ్బరికాయ ని ప్రసాదముగా అతని చేతిలో పెడదామని ఇలా నేలకేసి కొట్టిందో లేదో అలా కుప్పకూలిపోయింది.

           

అయ్యయ్యో అనుకుని ఆందోళన తో ఆమెను హాస్పిటల్ లో జాయిన్ చేసాడతను.

           

“బతికినంతకాలం బతకదు. ఉన్న నాలుగు రోజులూ హాయిగా బతకనీయండి.” అన్నాడు డాక్టర్.

     

ఇంటికి తీసుకుపొమ్మని డాక్టర్ అంటే .. ఇంటికి తీసుకువచ్చాడు.

       

వీలయిన మేరకు ఆమెకు సపర్యలు చేయసాగాడు.

 

ఆమె కళ్ళ లోకి చూస్తూ దాపరికం లేని కళ్ళు అని ఆనందించాడు. 

గర్వపడ్డాడు. 

నిజంగా కూడా అంతే..!

పెళ్లి అయిన దగ్గర నుంచి ఆమె అతని దగ్గర ఏదీ దాచిపెట్టలేదు. 

అన్నీ అతనితో పంచుకునే బతికింది. 

ఒకే ఒక్కటి మాత్రం దాచిపెట్టింది. 

అది ట్రంకు పెట్టె. 

అటక మీద వుంది. “దాని విషయం అడగకండి! అందులో ఏమున్నదీ చూడకండి” అని ఆమె ఆంక్ష విధించడంతో అతను ఎన్నడూ ఆ పెట్టెను తెరవనూ లేదు, 

అందులో ఏమున్నదీ చూడనూ లేదు. 

చూడాలని చాలా సార్లు అనుకున్నా 

ఆ కోరిక ని అణచుకున్నాడు.

 

ఇక ఇప్పుడు తప్పదు. చూడాల్సిందే.. 

అనుకున్నాడు. 

      

ఆ మాటే చెప్పాడామెకి. అవునవును చూడండి.. అందామె. 

అటక మీద నుంచి ఆ పెట్టెని దించి జాగ్రత్తగా తెరిచి చూసాడు. 

ఏమున్నాయి అందులో?

రెండు ఊలు స్వెట్టర్ లు వున్నాయి. 

అంతేనా? ఓ మూడులక్షల రూపాయలు కూడా వున్నాయి. 

పెద్ద మొత్తమే!

        

“ఈ స్వెట్టర్ లు ఏంటి?” అని అడిగాడు. 

దీర్ఘంగా నిట్టూర్చి చెప్పసాగిందామె. 

“పెళ్ళయి మీతో పాటుగా నేనిక్కడికి బయలుదేరి వస్తునపుడు 

మా నాయనమ్మ నన్ను చాటుగా పిలిచి

ఓ సంగతి చెప్పింది.”

         ‌‌      

“ఏంటో అది?” ఆత్రపడ్డాడతను.

“భర్త తో ఎన్నడూ పోట్లాడకు. ఒకవేళ అతని మాటలకీ, చేష్టలు కీ పోట్లాడాలన్నంత కోపం వస్తే,

ఎంచక్కా స్వెట్టర్ లు అల్లుతూ కూర్చో.. 

కోపం దానంతట అదే పోతుంది” అని చెప్పింది. “నాయనమ్మ చెప్పినట్లుగానే ఇన్నాళ్లూ చేసాను” అన్నదామె.

      

ఆ మాటలకి అతని ఆనందానికి అంతులేకుండా పోయింది. 

చేతిలోని రెండు స్వెట్టర్ లనూ ప్రేమగా గుండెకు హత్తుకున్నాడు.

            

అరవైసంవత్సరాల వైవాహిక జీవితంలో ఆమె తనతో పోట్లాడాలనుకున్నది రెండంటే రెండే సార్లన్నమాట!

చాలు! ఐయామ్ గ్రేట్ అనుకున్నాడతను.

“మరి ఈ మూడులక్షలు? ఇంత డబ్బు ఎక్కడది?” అని అడిగాడు.

                    

“అదీ.. అదీ.. ఈ అరవైఏళ్ళలో నేను స్వెట్టర్లు అమ్మగా వచ్చిన డబ్బు”అది అన్నదామె. 

అతను కళ్ళు తేలేసాడు.✍️```

.        *సర్వం శ్రీకృష్ణార్పణమస్తు*

          🌷🙏🌷

 `🙏లోకా సమస్తా సుఖినోభవన్తు!🙏`

🍀🌺🍀🌺🍀🕉️🍀🌺🍀🌺🍀

 [9/19, 20:24] +91 94939 89832: శిష్యుడు:- శ్వాసిస్తున్నది నేను కాదా?

గురువు:- కాదు. శ్వాసిస్తున్నది పరమాత్ముడే.

సృష్టిలోని సకల జీవరాశుల శ్వాసలన్నీ ఉప శ్వాసలే.

ఆయన శ్వాస సుదీర్ఘం, అనంతం.

[9/19, 20:24] +91 94939 89832: లంఖణం పరమౌషధం:-

 సామాన్య అర్థం ఏమిటంటే 

ఉదరం ఖాళీగా ఉంటే అది పరమౌషధం అని.

కానీ అంతరార్థం ఏమిటంటే 

మనస్సు ఖాళీగా ఉంచితేనే పరమౌషధం అని.

 ఆలోచనా రహిత స్థితి కేవలం 'ధ్యానం' తోనే సాధ్యం.

 *నిజమైన విలువ*

🇲🇰🇲🇰🌹🌹🪷🪷

*ఒక గొప్ప స్వామీజీ స్టేజ్ మీదకు వచ్చి తన చేతిలో ₹500 నోటు పట్టుకుని, "ఈ నోటు ఎవరికి కావాలి?" అని అడిగారు . అప్పుడు హాల్‌లో ఉన్న వారందరూ నాకు, నాకు అని చేతులెత్తారు.*

*ఆ తర్వాత ఆయన ఆ నోటును చేత్తో గట్టిగా నలిపేసి, ముడుతలు పెట్టేసాడు. "ఇప్పుడు ఇది ఎవరికి కావాలి?" అని అడిగాడు. మళ్ళీ అందరూ చేతులెత్తారు.*

*ఈసారి ఆయన ఆ నోటును కింద పడేసి, మట్టిలో దొర్లించాడు. ఆ నోటు పూర్తిగా మురికిగా, నలిగిపోయి తయారైంది. "మరి ఇప్పుడు దీన్ని ఎవరైనా తీసుకుంటారా?" అని అడిగాడు.*

*అప్పుడు కూడా అందరూ చేతులెత్తారు.అప్పుడు ఆయన నవ్వి ఇలా అన్నాడు: "నేను ఈ నోటును నలిపేశాను, తొక్కేశాను, మురికి చేశాను. అయినా దీని విలువ తగ్గలేదు. ఇది ఇంకా ₹500 నోటే. అందుకే మీరందరూ దీన్ని కోరుకుంటున్నారు.*

*నీతి: జీవితంలో మనకు కూడా కొన్నిసార్లు ఓటములు, అవమానాలు ఎదురవుతాయి. పరిస్థితులు మనల్ని కిందకు తోసేయవచ్చు. కానీ గుర్తుపెట్టుకోండి*

*ఎవరు మిమ్మల్ని తక్కువ చేసినా మీ లోపల ఉన్న నిజమైన ఆత్మ విలువ ఎప్పటికీ తగ్గిపోదు*

*మిమ్మల్ని భగవంతుడు గుర్తించాడు. ఈశ్వరుని గుణాలతో శక్తులతో జన్మ తీసుకున్నాం మనము*

*దివ్య గుణములు, శక్తులు ఎల్లప్పుడూ నీ వెంట ఉండాలంటే నువ్వు ఆయనకు దగ్గరగా ఉండాలంతే*

*శుభమస్తు మిత్రులారా*

🇲🇰🇲🇰🌹🌹🪷🪷

 ఓం నమో భగవతే శ్రీ రమణాయ 🙏🏻

                ఒక భక్తుడు :

     భగవాన్! కర్మ బంధాల నుండి విముక్తి కలిగే మార్గం ఏమి?

                  మహర్షి :

    కర్మ బంధాల నుండి విముక్తి పొందుటకు గురు, దైవానుగ్రహము కావలెను. 

మొదటిది : 

(ఆత్మ)విచారణ ద్వారా మొదట అది ఎవరి కర్మయో పరికించు; అప్పుడు కర్తవు నీవుకావని తెలియ వస్తుంది. అప్పుడు నీవు ముక్తుడవు అవుతావు. (జ్ఞాన మార్గము)

రెండవది :

దైవానికి శరణాగతి చెందు. అప్పుడు దైవమే అన్ని చక్కపెడుతుంది. అందుకు నీవు దైవమును ప్రార్థింపవలెను, పూజింపవలెను, ధ్యానింపవలెను. (భక్తి మార్గము) కానీ ఏ మార్గాన్ని అనుసరించినా ప్రసన్న హృదయం కలవారిని దైవం ఎప్పుడూ వదలదు.

 🦚జ్ఞానప్రసూనాలు🚩

1) ఏదైనా ఎవరైనా.. దేవుడైనా “నీలో” నుండి నీతోపాటు వచ్చినవారే.

2) అల అణగితే అదే సముద్రం అహం అణగితే అదే దైవం.

3) తన తనువే తన తొలి తోబుట్టువు. మిగతా తోబుట్టువులందరూ ఈ తోబుట్టువుకు తోబుట్టువులే.

4) యోగమో..రోగమో.. నిద్రో.. సమాధో నిన్ను నీవు మరచిపోవాలి అంతే.అదే పరమానందస్థితి.

5) తలకు ఉందని కిరీటం గొప్పది కాదు.కాళ్లకు ఉన్నాయని చెప్పులు చెడ్డవీ కావు.దేని పాత్ర దానిదే. దేని గొప్పతనం దానిదే.మనకున్న బాధలన్నీ “పోల్చుకోవడం” వల్ల వచ్చిన బాధలే.

6) నీ తనువే నంది "దానిపై విహరిస్తున్నవాడు పరమేశ్వరుడు.

 నేటి తెలుగు వెలుగులో ఉషాకిరణాలు.                        💛*స్రీ* 💛.                              ఈ ప్రపంచం నుంచి ఒక స్త్రీ వెళ్లిపోతే…

కేవలం ఆమె భర్త, పిల్లలు, కుటుంబ సభ్యులు మాత్రమే ఏడవరు…

ఆమెతో పాటు ఆ ఇల్లు కూడా ఏడుస్తుంది.

ఆమె అడుగులు పడిన వాకిలి ఏడుస్తుంది.

ఆమె చేతులు తాకిన గోడలు ఏడుస్తాయి.

ఆమె నవ్వును విన్న గదులు మూగబోతాయి.

ఆమె ప్రేమతో వండిన వంట పాత్రలు కూడా

ఆమె కోసం ఎదురుచూస్తున్నట్టే అనిపిస్తాయి…

ఆమె పూజ చేసుకున్న దేవుడి గది…

ఆమె భక్తితో పూజించిన తులసి కోట…

ఇవన్నీ ఈరోజు ఆమె జ్ఞాపకాలుగా మిగిలిపోతాయి… 

ఎందుకంటే ఆమె కేవలం ఆ ఇంట్లో ఉండే ఒక మనిషి కాదు…

ఆ ఇంటికి ప్రాణం.

ఆ కుటుంబానికి ఆత్మ.

తన వాళ్లందరి జీవితాల్లో కనిపించని ఒక బంధం.

అప్పుడే అర్థమవుతుంది—

ఒక స్త్రీని కోల్పోవడం అంటే

ఒక మనిషిని కోల్పోవడం కాదు…

అందుకే స్త్రీ ఉన్నప్పుడే ఆమెను ప్రేమించండి…

ఆమె ఉన్నప్పుడే ఆమె విలువ తెలుసుకోండి…

ఆమె మనసును అర్థం చేసుకోండి…

ఆమెకు గౌరవం ఇవ్వండి…

ఎందుకంటే ఆమె వెళ్లిపోయిన తర్వాత

ఆమె జ్ఞాపకాలను ఎంత ప్రేమించినా…

ఆమెను తిరిగి మన జీవితంలోకి తీసుకురాలేం.

స్త్రీ ఒక బంధం కాదు…

ఒక భావోద్వేగం.

ఒక మనిషి కాదు…

మన జీవితాన్ని నింపే ఒక ఆత్మ. 🙏❤️

శ్రీధర్ nalla గారి సౌజన్యంతో

 🌻🌻🌻🌻🌻🌻🌻🌻🌻🌻

🔹 *కృత, త్రేతా, ద్వాపర, యుగాలలో ఒకే రకమైన ధర్మాలున్నవా ?* 

*లేక భేధములున్నాయా ఉన్నచో అవిఏమిటి...కలిధర్మాలప్రత్యేకత...*

▪️*కృతే తు దీయతే గత్వా త్రేతా స్వానీయ దీయతే|*

*ద్వాపరే యాచమానాయ కలౌ త్వనుగమాదృతే||*

  *- అగ్ని పురాణం*

▪️కృతయుగమునందు [ బ్రాహ్మణుని ] ఇంటికి వెళ్ళి దాన మిచ్చెడివారు... త్రేతాయుగమున తమ యింటికి పిలచి యిచ్చెడివారు.... ద్వాపరమున అతడు అడిగినచో ఇచ్చెడివారు....

🔸*కలియుగమున వెంబడించిన గాని దానము చేయని గుణాన్ని కలిగి ఉంటారు.....*

▪️*ధన్యే కలౌ భవే ద్విప్రా స్త్వల్పక్లేశై ర్మహాఫలమ్‌|* 

*తథా భవేతాం స్త్రీ శూద్రౌ ధన్యౌ చాన్యన్నిబోధతః ||*

*యత్కృతే దశభి ర్వర్షై స్త్రేతాయాం హాయనేన తత్‌|*

 *ద్వాపరే తచ్చ మానేన ఆహోరాత్రేణ తత్కలౌ||* 

*తపసో బ్రహ్మచర్యస్య జపాదేశ్చ ఫలం ద్విజాః|* 

*ప్రాప్నోతి పురుషస్తేన కలౌ సాధ్వితి భాషితుమ్‌||* 

*తత్రాల్పే నైవ కాలేన పుణ్యస్కంధ మనుత్తమమ్‌|*

*కరోతి యః కృతయుగే క్రియతే తపసా హి యః||*

🔹 *"ఓ విప్రులారా! కలియుగంలో.. ధన్యమగు అల్పక్లేశముతో తపస్సు చేసినను మహాఫలము లభించును..."*

▪️ఈ విషయములో స్త్రీలును శూద్రులును మరింత ధన్యులు.... 

▪️కృతయుగమున పండ్రెండేండ్లు తపస్సు చేయుటచే కలుగు ఫలితము త్రేతాయుగమున ఒక సంవత్సరము ద్వాపరమున ఒక మాసము... 

🔸 *కలిలొ ఒక అహోరాత్రముతోనే అంటే ఒక్క దినం సాధన వల్లనే కలుగును....* 

▪️ తపస్సు బ్రహ్మచర్యము జపము మొదలగువాని ఫలము...

🔹*కలియుగములో ఇట్లు నరుడు అల్పశ్రమముతేనే పొందగలడు.....*

▪️కృతయుగమున దీర్ఘకాలము తపస్సుచేసి సాధించిన పుణ్యస్కంధమును... 

🔸 *కలియుగములో అల్పకాలములోనే సాధించుకొందురు.....*

✍️VKS ©️ MSV🙏

 డబ్బు, ప్రేమ, జ్ఞానం 

ఈ మూడు జీవితంలో 

మూడు వేర్వేరు 

ఆధారాలుగా కనిపిస్తాయి.

          డబ్బు 

జీవితం సౌకర్యంగా చేస్తుంది.

             ప్రేమ 

జీవితం ఆనందంగా చేస్తుంది.

            జ్ఞానం 

జీవితం అర్థవంతంగా చేస్తుంది.

ఈ మూడు కలిసినప్పుడే 

జీవితం నిజమైన 

సమతుల్యతను పొందుతుంది. !!

               😊శుభరాత్రి 🙏🏻

 జనజీవన సుధ

భారతీయ సమాజంలో రామాయణం గురించి తెలియని వారుండరు. ఈ కావ్యాన్ని విని, చదివినంత మాత్రాన ప్రయోజనం ఉండదు. అందులోని విలువలను అర్థం చేసు కొని పాటించినప్పుడే మన ప్రవర్తనలో పరివర్తనకు అవకాశం ఉంటుంది. రామాయ ణంలో నాయక పాత్రల్ని గుర్తుచేసుకొంటే ఏదో తెలియని ఉత్తేజం, ఉల్లాసం ఎగిసిప డతాయి. వారిపట్ల ఆరాధనాభావం కలుగుతుంది. కానీ ప్రతినాయకుల్ని గుర్తుచేసు కొంటే ఆవేశం పెల్లుబికి వారిపట్ల ప్రతీకార, తిరస్కార భావాలు ఏర్పడతాయి. మనిషి ఎలా ఉండాలి, ఎలా ఉండకూడదనే విచక్షణా జ్ఞానం అందరిలోనూ ఉంటుంది. కాక పోతే తనలో ఉన్నవన్నీ నాయకుడి లక్షణాలే, ప్రతినాయకుడి గుణాలు మచ్చుకైనా లేవని ఎవరికివారు భావిస్తుంటారు. ఎదుటి వాణ్ని మాత్రం ప్రతినాయకుడిగా ఊహించడం చాలామందిలో ఉన్న దుర్గుణం. ఈ తత్త్వం మనిషి ఎదుగుదలకు అడ్డుగోడ వంటిది. ప్రతి ఒక్కరిలోనూ రెండు రకాల గుణాలూ ఉంటాయి. నాయకుడి గుణాలు బయటి కొస్తే ప్రశంసలు కురుస్తాయి. ప్రతి నాయ కుడి లక్షణాలు విజృంభిస్తే అరాచకం, అశాంతి నెలకొంటాయి..

రామాయణాన్ని మంధర మలుపు తిప్పింది. మాయమాటలతో కైక మనసు విరి చింది. కేవలం మంధర వక్రబుద్ధే రాముణ్ని అడవులకు పంపి, దశరథుడి ప్రాణాలు తీసింది. వ్యక్తిలోని దుర్గుణాలు బయటికి వచ్చాయంటే ఊహకు అందని విషవలయం ఏర్పడి అపార్ధాలు సృష్టిస్తుంది. మంధరలా మాట్లాడేవారు సమాజంలో చాలామంది ఉంటారు. అయోధ్యకు తిరిగొచ్చిన భరతుడు జరిగినదంతా తెలుసుకుని కోపంతో తల్లిని దూషించాడు. తిన్నగా రాముడి దగ్గరికెళ్లి అయోధ్యకు తిరిగి రమ్మని బతిమలా డాడు. చివరికి పాదుకల్ని తీసుకెళ్ళి పట్టాభిషేకం చేసి అధికారానికి, కీర్తి ప్రతిష్ఠలకు అతీతుడినని నిరూపించుకొన్నాడు. ఇవన్నీ చూసి భరతుణ్ని కొనియాడుతున్నామే కానీ ఆయన ఆదర్శభావాలను మనం ఎంతవరకు ఆచరించగల్గుతున్నాం?

రామలక్ష్మణులను చూసి శూర్పణఖ మోహించింది. వారు తిరస్కరించారు. అందు కామె తన అన్న రావణుడితో వారిపై లేనిపోనివన్నీ కల్పించి చెప్పింది. ఫలితంగా యుద్ధం జరిగి రావణుడు మరణించాడు. రావణుడు సీతమ్మను తీసుకువెళ్తుండగా జటాయువు అడ్డుపడి అతడితో పోరాడి అసువులు బాసింది. నేటి సమాజంలో పట్ట పగలే ఆడపడచుల పట్ల అకృత్యాలు, అత్యాచారాలు జరుగుతుంటే చూస్తూ వెళ్లిపో తుంటారు చాలామంది. .

ప్రతి వ్యక్తి తన జీవితంలో ప్రేమ, దయ, నిస్వార్థం, త్యాగం, పరోపకార గుణం అనే ఐదు దైవీ గుణాలను అలవరచుకొని మంచి మార్గాన ముందుకెళ్లాలి. క్రూరత్వం, కపట స్వభావం, నిర్దయ, స్వార్ధ బుద్ధి వంటి అసుర గుణాలను దరిచే రనివ్వకూడదు. మనిషి ఎలా ఉండాలో ఎలా ఉండకూడదో రామాయణ పాత్రలు చక్కగా చెప్పాయి. ఈ కావ్యం బోధించిన జీవన విలువల్ని అర్థం చేసుకొని పాటిం చగలిగితే మానవజన్మ ధన్యం.

 [9/16, 20:12] +91 94924 83092: *_ఏ బంధమైన ఒక అడుగు మనం,ఒక అడుగు వాళ్ళు వేస్తేనే దగ్గరవుతాం_*     

       *_కానీ అన్ని అడుగులు మనమే వేస్తే మనమే చులకన అవుతాము._*

           😊శుభరాత్రి 🙏🏻

[9/16, 20:14] +91 94939 89832: కలను కంటున్న దేహం పడకపై ఉండగానే కలలో మరో దేహాన్ని కల్పన చేసుకున్నట్లు.,

 తాను తానుగా ఉంటూనే సకలంగానూ ఉన్నాడు.

[9/16, 20:14] +91 94939 89832: 'ఈ జాగ్రదావస్థ స్వప్నం లాంటిది' అన్న జ్ఞానం ఒక్కటుంటే చాలు..

 

అన్ని జ్ఞానాలు నీకున్నట్లే., సదా భగవంతుణ్ణి తెలుస్తున్నట్లే.

 కాఫీ కబుర్లు సంఖ్య 1287 (సెప్టెంబర్ 16 - 2026) ..  స్వరనిధి ఎం ఎస్ సుబ్బలక్ష్మి --  శాస్త్రీయ సంగీత రంగంలో ఎవరెస్ట్ శిఖరం అధిరోహించిన గాన విదుషీమణి ఎం ఎస్ సుబ్బలక్ష్మి.  జాతీయ అంతర్జాతీయ ఖ్యాతి నార్జించిన ఈమె పూర్తి పేరు మధురై సుబ్రమణ్య అయ్యర్ సుబ్బలక్ష్మి.  తమిళనాడు మధురై లో 1916లో ఈరోజే ఓ సంగీత వంశంలో జన్మించారు‌. ఈమె తల్లిగారు ప్రముఖ వీణా విద్వాంసురాలు.  ఎం ఎస్ కర్ణాటక, హిందుస్తానీ సంగీతాన్ని క్షుణ్ణంగా అభ్యసించి 17వ ఏట మద్రాసు మ్యూజిక్ అకాడమీలో తొలి సంగీత కచేరి చేసి ప్రశంసలు అందుకున్నారు.  ఈమె గానం చేసిన అన్నమయ్య, త్యాగయ్య, క్షేత్రయ్య పదాలు, విష్ణు సహస్రనామాలు, భజగోవిందం వంటి భక్తిగీతాలు ఈమెను సుమధుర గాయకురాలుగా గొప్ప పేరు ప్రఖ్యాతులు తెచ్చిపెట్టాయి.  ఇక  శ్రీ వేంకటేశ్వర సుప్రభాతం గురించి వేరే చెప్పనక్కరలేదు.  రేడియో కార్యక్రమాలు ఈ సుప్రభాతం తోనే ప్రారంభం అయ్యేవి.  ఒక్క తెలుగులోనే కాకుండా పలు భారతీయ భాషల్లో కూడా స్పష్టంగా పాడేవారు.  దేశవ్యాప్తంగా ఎంతో పేరు తెచ్చుకున్న సంగీత విద్వాంసురాలు  ఎం ఎస్ సుబ్బలక్ష్మి.  నైటింగేల్ గా పేరొందిన సరోజినీ నాయుడు  ఈమె మీరా భజనలు పాటలు విని ..  అసలైన నైటింగేల్ సుబ్బలక్ష్మి గారేనని కితాబిచ్చారు.  మహాత్మా గాంధీ, జవహర్లాల్ నెహ్రూ, రాజాజీ వంటి వారు ఈమె గానామృతానికి పరవశించిపోయేవారు.  అంతటి అసాధారణ ప్రజ్ఞాశాలి ఎం ఎస్ సుబ్బలక్ష్మి.  ఈమె సంగీత ప్రతిభ గుర్తించి  భారత ప్రభుత్వం  పద్మభూషణ్, పద్మవిభూషణ్ లతో పాటు అత్యంత ప్రతిష్టాత్మక  భారత రత్న కూడా ప్రదానం చేసింది.  ఫిలిప్పీన్స్ ప్రభుత్వం రామన్ మెగాసెస్ అవార్డును ప్రదానం చేసింది.  లండన్ లో ఎలిజబెత్ మహారాణి సమక్షంలో సంగీత కచేరి చేశారు.  పలు దేశాల్లో పర్యటించి కచేరీలు చేసి ప్రశంసలందు కున్నారు.  సంగీత కళానిధి, స్పిరిట్ ఆఫ్ ఫ్రీడమ్, ఇందిరాగాంధీ జాతీయ సమైక్యతా అవార్డు వంటి పురస్కారాలు అందుకున్నారు.  ఇక సన్మానాలు సత్కారాలు అసంఖ్యాకం.  భారత ప్రభుత్వం  లైఫ్ టైం అచీవ్మెంట్ అవార్డు కూడా అందుకున్నారు.  భారతీయ సంగీతానికి విశేషమైన గుర్తింపు తెచ్చిపెట్టిన స్వర విదుషీమణి ఎం ఎస్ సుబ్బలక్ష్మి.  రస హృదయాలను రంజింప జేసే దివ్య గాత్రం ఈమె సొంతం.  ఈమె గొప్ప సహృదయరాలు కూడా.  పలు ధార్మిక సంస్థలకు మూడు కోట్ల రూపాయలు విరాళంగా అందించిన దాత ఈమె.  సంగీతానికి మారుపేరు ఎం ఎస్ సుబ్బలక్ష్మి అనేలా గొప్ప ఖ్యాతి పొందారు.  ఈరోజు 107వ జయంతి సందర్భంగా స్వరసామ్రాజ్జి ఎం ఎస్ సుబ్బలక్ష్మి గారికి శ్రద్ధాంజలి ఘటిద్దాం..  ---- గాదె లక్ష్మీ నరసింహ స్వామి (నాని) విజయనగరం ఫోన్ 99855 61852....

 🍀🌺🍀🌺🍀🕉️🍀🌺🍀🌺🍀

*తమిళనాడు లోని అరుణాచల ఆలయం లో జరిగిన యదార్థ సంఘటన :*

             ➖➖➖✍️```

          

ఒకసారి అరుణాచల ఆలయ ప్రాంగణం లో ఇద్దరు పిల్లలు ఆడుకుంటు  ఉండగా వారి దృష్టి అరుణాచలుని సన్నిధి లోని హుండీపై పడింది.  

ఆ పిల్లలిద్దరు హుండీలోని పైసల్ని ఎవరూ లేనపుడు సన్నని రేకుతో లాగి తీయటం ప్రారంభించారు.

          

అందులో ఒకడు “ఒరేయ్ ఎవరన్నా చూస్తున్నారేమో - చూడరా” అన్నాడు ఇంకొకడితో. 

రెండవవాడు చుట్టూ చూసి.... “అరుణాచలుడు ఇంతేసి గుడ్లు ఏసుకొని చూస్తున్నాడురా” అన్నాడు.

          

ఇద్దరు అరుణాచలుని కి ఎదురుగా నిలబడి “మా దొంగతనం బయట పడకుండా చూచే బాధ్యత నీదే, అందుకు పటిక బెల్లంలో మూడవ వంతు నీకిస్తాము, ముగ్గురం సమానంగా తీసుకుందాం, ఇది మన ఒడంబడిక (అగ్రిమెంట్) అన్నారు.

          

ఇలా ప్రతీరోజు పటిక బెల్లం అరుణాచలునికి పెడుతున్నారు, 

ఆశ్చర్యంగా శివుని ముందు పెడుతున్న పటిక బెల్లం మాయమవుతోంది.

           

ఒకరోజు ఆలయ పూజారి ఇద్దరు దొంగల్ని పట్టుకొని ఆలయ అధికారికి అప్పగించాడు. 

వీళ్లిద్దరు ఎనిమిదేళ్ల  పసి కాయలు, వీళ్ళను ఎలా శిక్షించాలి అని, “అరేయ్ పిల్లలు మీరు ఇద్దరు అంతరాలయం లో 108 ప్రదక్షిణలు చేయండి” అని, “ఇదే  మీ శిక్ష”అన్నాడు.

          

పిల్లలు ఇద్దరు ప్రదక్షిణాలు చేయడం ప్రారంభించారు, ఆలయ పూజారి, అధికారి దూరంగా కూర్చొని పిల్లల ప్రదక్షిణాలు చూస్తున్నారు వినోదంగా. 

ఇంతలో పూజారి, అధికారి ఒక్కసారిగా తృల్లి పడ్డారు, పరిశీలించి పిల్లల్ని మళ్ళొకసారి చూసారు, ఆ ఇద్దరి పిల్లతో పాటు, మూడవ పిల్లవాడు ప్రదక్షిణ చేయడం చూసారు, మూడవ పిల్లవాడు మెరిసిపోతున్నాడు మళ్ళీ మాయమవుతున్నాడు మాటిమాటికీ. 

ఇది గమనించి అధికారి మెల్లగా పిల్లల్ని సమీపించి మూడవ పిల్లవాడిని  గట్టిగా వాటేసుకున్నాడు.

అద్భుతం!!

          

మూడవ పిల్లవాడు కాంతిరేఖ గా మారి, గర్భగుడి  లోకి వెళ్లి మాయమై పోయాడు.

          

అరుణాచళేశ్వరుడు దొంగ పటిక బెల్లం మూడవ వంతు తిన్నాడు కదా, అందుకని పరమేశ్వరుడు వారితో ప్రదక్షిణ చేస్తున్నాడన్నమాట.

          

ఆ అధికారి పిల్లల్ని బుజ్జగిస్తూ “అసలేం జరిగింది" అని అడిగాడు.

పిల్లలు అరుణాచళేశ్వరుని వాటా గురుంచి చెప్పారు. 

అది విని వారు ఆశ్చర్యం, ఆనందం లో మునిగిపోయారు. 

సాక్షాత్తు అరుణాచళేశ్వరుడు కూడా వారితో వాటా పంచుకున్నందుకు శిక్ష అనుభవించాడన్నమాట.

         

ఆలయంలో సాక్షాత్తు అరుణాచలేశ్వరుడు ఉన్నాడు అనటానికి ఇంతకన్నా సాక్ష్యం ఏం కావాలి ??

  

నిష్కల్మష  ప్రేమకు, నిర్మల  భక్తి కి అరుణాచళేశ్వరుడు ఎపుడూ బంధీయే !!.

          

అరుణాచలుడు  కాంతి రూపం లో ఉంటాడని, అది అగ్ని లింగం అని శాస్త్రవచనం. ఆ పరిసర ప్రాంతాలలో  మరియు కొడపైన అరుణాచలుడు కాంతి రూపంలో, కాంతి స్తంభం (bheem of light) రూపం లో భక్తులని అనుగ్రహించిన సంఘటనలు ఎన్నో కలవు.✍️```

.        *సర్వం శ్రీకృష్ణార్పణమస్తు*

                     🌷🙏🌷

 `🙏లోకా సమస్తా సుఖినోభవన్తు!🙏`

🍀🌺🍀🌺🍀🕉️🍀🌺🍀🌺🍀

`*రేపటి తరానికి బతుకు, భద్రతలతో పాటు భారతీయత కూడా నేర్పండి.*`

                     ➖▪️➖

 వాడిని వీడిని మోసం చేసి

"ఎంత సంపాదించినా"

అదంతా తినేంత ఆయుష్షు

నీకు ఉండదు.

"తిని" అరిగించుకోనేంత

ఆరోగ్యమూ ఉండదు.

              😊 🙏🏻

 కాఫీ కబుర్లు సంఖ్య 1286 (సెప్టెంబర్ 15-2026) -- ఈరోజు.. భారతీయులందరూ గర్వించేలా తన అపూర్వ మేధాశక్తితో నవభారత నిర్మాణానికి విశేషంగా కృషి చేసి అహర్నిశలు శ్రమించిన జీనియస్ మోక్షగుండం విశ్వేశ్వరయ్య గారి జన్మదినం.  బెంగళూరుకు సమీపంలో ఉన్న ముద్దనహాళి గ్రామంలో 1860లో జన్మించారు.  ఈయన తండ్రి గొప్ప ఆయుర్వేద వైద్యులు.  వీరి పూర్వీకులు కర్నూలు జిల్లా గిద్దలూరు నివాసస్తులని అంటారు.  ఈయనకి లెక్కలు ఆంగ్ల భాషలో ఉన్న అసమాన్య పాండిత్యానికి తెలివితేటలకి మైసూర్ మహారాజ కూడా ముగ్ధులై ఉన్నత చదువులకి చేయూతనిచ్చారు.‌  ప్రభుత్వ ఉపకార వేతనంపై పూనా ఇంజనీరింగ్ కాలేజీలో చదివి ఫైనల్స్ లో ప్రథముడుగా ఉత్తీర్ణులై గొప్ప క్రమశిక్షణ గల విద్యార్ధిగా మంచిపేరు తెచ్చుకున్నారు 1883 లో.  1884లో బొంబాయి DWD శాఖలో ఇర్రిగేషన్ ఇంజనీర్ గా తన ఉద్యోగ ప్రస్థానం ఆరంభించారు.  ఎన్నో పథకాలకు రూపకల్పన చేసి పూనా నగరానికి మంచినీటి సరఫరాకి అనేక చర్యలు చేపట్టారు.  తన పనితనానికి ఐరోపా దేశపు నిపుణులు మెచ్చుకుని ఆ దేశపు నిర్మాణం పనులు కొన్ని చేయాలని కోరడంతో కొన్నేళ్లు అక్కడ ఉండి నిర్మాణం పనులు పూర్తిచేసి 1909లో స్వదేశానికి తిరిగి వచ్చి మైసూర్ మహారాజ వారి కోరికపై విశ్వేశ్వరయ్య గారు దివానుగా నియమితులై కర్నాటక రాష్ట్రంలో వివిధ రంగాల్లో తన గొప్ప నైపుణ్యంతో అనేక దృఢమైన కట్టడాల నిర్మాణం పనులు పూర్తిచేసారు.  అంతేకాదు..  గ్వాలియర్ కొల్హాపూర్ వంటి పలు సంస్థానాలకు మంచినీటి పథకాలను రూపొందించి ప్రజలకు ఎంతో మేలు చేశారు.  మైసూర్ హైదరాబాద్ నగరాలకు డ్రైనేజ్ వ్యవస్థను ఏర్పాటు చేశారు.  అప్పుల్లో ఉన్న భద్రావతి ఉక్కు కర్మాగారం కి చైర్మన్ గా ఉండి లాభాల్లోకి తీసుకొచ్చారు.  ఈ ఘనతకి మైసూర్ మహారాజ వారు లక్ష రూపాయలు బహుమానంగా ఇచ్చారు.  ఈయన అసమాన కృషికి గుర్తింపుగా వీరి పేరుమీదే బెంగళూరులో ఒక విశ్వవిద్యాలయం స్థాపించారు.  మైసూర్ సాండల్ సబ్బుల కర్మాగారం వీరి చేతుల మీదుగానే నూతనత్వాన్ని సంతరించుకుంది.  ఈయనకి 8 విశ్వవిద్యాలయాలు గౌరవపట్టాలు ఇచ్చి సత్కరించాయి.  అమెరికా జపాన్ దేశాలు కూడా పర్యటించారు తన వృత్తిలో భాగంగా.  ఇలా దేశ సేవలకి, ప్రజల ప్రయోజనాలకి తన జీవితాన్ని అంకితం చేసిన గొప్ప ఇంజనీర్  శ్రీ శ్రీ మోక్షగుండం విశ్వేశ్వరయ్య జన్మదినాన్ని పురస్కరించుకొని ఈరోజు నేషనల్ ఇంజనీరింగ్ డే గా జరుపుకోవడం ముదావహం.  బెంగళూరులో ఈయన పేరుమీద మ్యూజియం కూడా ఉంది.  ప్రతి ఇంజనీరింగ్ విద్యార్ధి ఈ మ్యూజియం చూడాలి అని నా అభిప్రాయం.  ఈరోజు శ్రీ మోక్షగుండం విశ్వేశ్వరయ్య గారి 166వ జయంతి సందర్భంగా.. మనందరం గర్వపడేలా విశిష్ట సేవలను మన దేశానికి అందించిన ఇంజనీరింగ్ శ్రామికుడు.. మోక్షగుండం విశ్వేశ్వరయ్య గారికి నివాళులు అర్పిద్దాం..  ---- గాదె లక్ష్మీ నరసింహ స్వామి (నాని) విజయనగరం ఫోన్ 99855 61852....

 భక్తిని కూడా బజార్లో కొనుక్కునే స్థాయికి దిగజారిపోవడం దారుణం! ఎంతో భక్తితో పూజ చేసి, పక్కవాడి ఇంట్లో వండిన ప్రసాదాన్ని దేవుడి ముందు పెడితే ఆ దేవుడు మెచ్చుతాడా? సమయం లేదు అనే సాకుతో దేవుడికి పెట్టే నైవేద్యాన్ని కూడా సుశీ, శుభ్రత లేకుండా స్నానం చేశారో లేదో తెలియదు మన కంటితో చూడని వ్యక్తులు వండిన ప్రసాదాలను దేవుడికి సమర్పించడం  అచ్చమైన సోమరితనం. అమ్మేవాడిది తప్పు కాదు, స్వచ్ఛమైన భక్తిని కొనుక్కోవచ్చని అనుకునే కొనేవాళ్లదే పెద్ద తప్పు. దేవుడు ఆశించేది మన చేతులతో ప్రేమగా వండిన ఒక్క బెల్లం ముక్కనైనా సరే, అంతేకానీ కేజీల లెక్కన కొనుక్కొచ్చిన పిండివంటల బిల్లును కాదు. కొనుక్కొచ్చిన ప్రసాదాలు పెట్టి పూజలు చేస్తే ఫలితం రాకపోగా, అది నీ డొల్ల భక్తికి సాక్ష్యంగా మిగులుతుంది!   ఈ వినాయక చవితి భక్తితో మన శక్తి కొలది చేసుకుందాం . ఎవరో ఇంట్లో ఉండిన ప్రసాదాలు కొని కాదు      కే ఎస్ ఎన్ రెడ్డి   న్యాయవాది