. *మనసు*
. *********
విమానమ్మది విమానమ్మని
మురిసి పోదుము గగనమున గని !
విమానమ్మును మించు వడి గల
విమానము ఒకటున్నదీ యిల !
ఏది యా నిజమగు విమానము ?
ఎక్కడున్నది ఆ విమానము ?
ఇలలొ కనబడునది విమానమ ?!
కలలొ కనబడునది విమానమ ?!
ఆధునిక నూతన విమానమ !
యక్ష గంధర్వుల విమానమ !
దేవతల పుష్పక విమానమ !
కాదు కాదు మరే విమానము ?!
ఇక్కడే మనలోనె ఉన్నది !
విశ్వమంతడుగిడుతు ఉన్నది !
కంటికగుపడకుండ ఉన్నది !
స్పర్శ కైనను తెలియ కున్నది !
తలచు రీతిగ తలచినంతట
తలచు లోపలె విశ్వమంతట
తిరిగి తిరిగిటు వచ్చుచున్నది.
తృప్తిగా మననుంచు చున్నది.
ఏది యా నిజమగు విమానము ?!
మనలోని మనసే ఆ విమానము !
అడ్డు లేనిది ! అదుపు లేనిది !
అంత యింతని చెప్ప రానిది !
చూడవలె ననుకున్న దానిని
తక్షణమె చూపించు దర్శిని !
దర్శినీ ! ఇది సుదూర దర్శిని !
సాటి లేని అదృశ్య దర్శిని !
అదృశ్య దర్శిని !!
**********************
రచన :---- రుద్ర మాణిక్యం. (✍️కవి రత్న)
రిటైర్డ్ టీచర్. జగిత్యాల (జిల్లా)
*************************************
No comments:
Post a Comment