పతంజలి యోగసూత్రాలు

 *🍁పతంజలి యోగసూత్రాలు🍁*

✍️ మురళీ మోహన్

🙏పతంజలి యోగసూత్రాలు నాలుగు అధ్యాయాల సంకలనము. సతమాధి పద, సాధన పద, విభూతి పద, కైవల్య పద అనే నాలుగు అధ్యాయాలు. ఇవి మానసిక శుద్ధికి కావలసిన యోగాలు. శరీర ధారుఢ్యానికి, ఆరోగ్య సంరక్షణకి, రోగనిరోధకానికి సహాయపడే శారీరక ఆసనాలను అష్టాంగయోగము వివరిస్తుంది.

సమాధిపద ఏకాగ్రతతో చిత్తవృత్తులను నిరోధించి పరమానంద స్థితిని సాధించడము దీనిలో వివరించబడింది.

సాధనపద కర్మయోగాన్ని, రాజయోగాన్నిసాధన చెయ్యడము ఎలాగో దీనిలో వివరించబడినది. ఎనిమిది అవయవాలను స్వాధీనపరచుకోవడం ఎలా అని రాజయోగములో వివరించబడింది.

విభూతియోగము జాగరూకత, యోగ సాధనలో నిపుణత సాధించడమెలాగో దీనిలో వివరించబడినది.

కైవల్యపద మోక్షసాధన ఎలా పొందాలో దీనిలో వివరించబడింది. ఇది యోగశాస్త్రము యొక్క ఆఖరి గమ్యము.

అష్టాంగయోగము

1.యమ

అహింస హింసను విడనాడటము.

సత్యము సత్యము మాత్రమే పలకటము.

అస్తేయ దొంగ బుద్ది లేకుండా ఉండటము

బ్రహ్మచర్యము స్త్రీ సాంగత్యానికి దూరముగా ఉండటము.

అపరిగ్రహ వేటినీ స్వీకరించకుండా ఉండటము.

2.నియమ

శౌచ శుభ్రము.

సంతోష ఆనందంగా ఉండటము.

తపస్య తపస్సు.

స్వధ్యాయన అంతర్దృష్ఠి.

ఈశ్వరప్రాణిదాన ఈశ్వర శరణాగతి.

3.ఆసన

4.ప్రాణాయామ

5.ప్రత్యాహార

6.ధారణ

7.ధ్యానము

8.సమాధి

ఇవి అష్టాంగపదయోగములోని భాగములు.

*సంప్రదాయంలో యోగా*

ఈశ్వరుడు తపస్సు చేస్తున్నప్పుడు పద్మాసనంలో ధ్యానయోగంలో ఉన్నట్లు పురాణాలలో వర్ణించబడి ఉంది. లక్ష్మీదేవి ఎప్పుడు పద్మాసినియే, మహా విష్ణువు నిద్రను యోగనిద్రగా వర్ణించబడినది. తాపసులు తమ తపసును పద్మాసనంలో అనేకంగా చేసినట్లు పురాణ వర్ణన. ఇంకా లెక్కకు మిక్కిలి ఉదాహరణలు హిందూ సంప్రదాయంలో చోటు చేసుకున్నాయి. బుద్ధ సంప్రదాయంలో, జైన సంప్రదాయంలోను, సన్యాస శిక్షణలోను యోగా ప్రధాన పాత్ర పోషిస్తుంది. సింధు నాగరికత కుడ్య చిత్రాల ఆధారంగా యోగా వారి నాగరికతలో భాగంగా విశ్వసిస్తున్నారు.

  *యోగ సాధన మానవజాతికి ఋషులు ఇచ్చిన ఒక గొప్ప వరం. ఇప్పుడున్న పరిస్థితులలో భయము, దిగులు, ఒత్తిడి రోగాలు ప్రపంచాన్ని కమ్మేస్తున్నాయి. యోగసాధన ఆరోగ్యజీవనానికి  ఆంతరిక శక్తికి, ప్రశాంతతకు అత్యంత అవసరం*

*🙏బంధు మిత్రులందరికీ అంతర్జాతీయ యోగా దినోత్సవ శుభాకాంక్షలు*🙏