కరోనా పొయ్యేనా ?

అదొక పాఠశాల . అక్కడి నియమాల గురించి తెలియని భారత మూలాలున్నఒక విద్యార్ధి ఒక రోజు తన లంచ్ బాక్స్ లో నట్స్ { వేరు శనిగ గింజలు } తీసుకొని వచ్చాడు . అతని పక్కన ఉన్న శ్వేత జాతి విద్యార్ధి కి రెండు పల్లీలు ఇచ్చాడు . దాన్ని ఆ విద్యార్ధి తిన్నాడు .
అంతే నిముషాల్లో ఆ శ్వేత జాతి విద్యార్ధి మొఖం ఎర్రగా వాచి పోయి గుమ్మడి కాయ లా వూది పోయింది . టీచర్ చూసింది . నిర్గాంత పోయి ప్రిన్సిపాల్ రూమ్ కు పరుగెత్తింది . అక్కడ ఉన్న ఎపి పెన్ తీసుకొని తన క్లాసు రూంకు పరుగెత్తుకొని వచ్చింది . ఏమి జరిగిందో అర్థం చేసుకొన్న ప్రిన్సిపాల్ కూడా ఆమె తో బాటే పరుగెత్తుకొని వచ్చింది . ఇద్దరు కలిసి ఆ ప్రత్యేక ఎపి పెన్ తో ఆ అబ్బాయి చేతిపై బలం గా గుచ్చారు . అందులోని రసాయనం అతని చేతిలోకి వెళ్ళింది .
ఇది ప్రధమ చికిత్స . ఆ అబ్బాయి గుండె ఆగిపోకుండా , ఊపిరి పీల్చుకోవడం లో ఇబ్బంది లేకుండా , వాపు కాస్త తగ్గేలా అది చేసింది . ఈ లోగా అంబులెన్సు వచ్చింది . ఆ అబ్బాయి ని ఆసుపత్రికి తీసుకొని వెళ్లారు . కాసేపటికి పోలీస్ వాన్ వచ్చి టీచర్ ను అరెస్ట్ చేసింది . తన విధి నిర్వహణలో నిర్లక్ష్యం వహించింది అని ఆ టీచర్ పై కేసు రిజిస్టర్ అయ్యింది .
ఇదేదో సినిమా లో జరిగిన కథ కాదు . ఊహ.. కట్టు కథ కానే కాదు .
నిజ జీవిత ఘటన . ఆ దేశం పేరు అమెరికా . అక్కడి పిల్లలు పెద్దలు రకరకాల ఎలర్జీ ల తో బాధ పడుతుంటారు . పోనీ ఇది అరుదుగా జరిగే ఘటనా అంటే అదీ కాదు .
మా అమ్మ నాన్న టీచర్ లు . కానీ వ్యవసాయం పై మక్కువతో మెట్ట సేద్యం చేసేవారు . వేరుశనిగ తో నా బాల్యానికి విడదీయలేని అనుబంధం వుంది . సీజన్ వచ్చిదంటే ఇంట్లో కుప్పగా పచ్చి సెనెక్కాయలు పోసి ఉండేది . దాని పక్కనే పడుకోవడం . పచ్చివి , ఎండినవి అదే పనిగా తినడం .. ఇదీ నా బాల్యం .
నట్స్ తింటే ఎలర్జీ రావడాన్ని ఇక్కడ మన దేశం లో ఎప్పుడైనా కనీవినీ ఎరుగుదుమా ? లేదు కదా ? కానీ అమెరికా లో ఇది చాల సీరియస్ సమస్య . అసలు గ్రౌండ్ నట్స్ ని వారు అసహ్యించుకొంటారు . ఇది థాయిలాండ్ , ఇండియా లాంటి అనాగరిక దేశాల్లో పండించే ఒక చెత్త పంట అని అక్కడి వారి భావన . విమానాల్లో, హోటల్స్ లో గ్రౌండ్ నట్స్ దాదాపుగా నిషేధం .
అమెరికా ప్రజలకు నట్స్ తింటే ఎందుకు ఎలర్జీ వస్తుంది ? . తిన్నా కనీసం ముట్టుకున్నా ఎలర్జీ వస్తుంది . ఎపి పెన్ తో పొడుచుకోకుంటే ప్రాణం పొయ్యే అవకాశం ఎక్కువ . పోనీ గ్రౌండ్ నట్స్ అనాగరికుల పంట . వదిలేద్దాము . నత్త ను తిన్నా, ముట్టుకున్నా ఎలర్జీ వచ్చే వారి సంఖ్య ఆ దేశం లో ఎనభై రెండు లక్షలు . పాలు.. పిలల్లకు ఆహారం . పాలు తాగితే ఎలర్జీ వచ్చి ప్రాణం మీదకు వస్తుందా ? అవును . అమెరికా లో మిల్క్ ఎలర్జీ ఉన్న వారి సంఖ్య అరవై లక్షలు . nut ఎలర్జీ ఉన్న వారు అరవై లక్షలు . ఇంతే కాదు . జంతువులు, బొద్దింక , పుప్పొడి , దుమ్ము , కీటకాలు , పెర్ఫ్యూమ్ ఇలా సవా లక్ష ఎలర్జీ లు . జనాభా లో సగం మందికి ఏదో ఒక ఎలర్జీ . ఏటా కొన్ని వేలమంది ఎలర్జీ ల తో ఆసుపత్రులకు పరుగెత్తుతారు .
చిత్రంగా వుంది కదా ? మీ బంధువు ఎవరైనా అమెరికా లో వున్నారా ? అయితే ఇది నిజమో కాదో తెలుసుకోండి . ఇందుకు కారణం ఏమిటని వాకబు చెయ్యండి .
ఫ్లూ .. అంటే సాధారణ జలుబు . ఇప్పుడైతే మనం జలుబు చేస్తే కరోనా అని భయపడుతున్నాము . కానీ మొన్నటి దాక జలుబును పట్టించుకొనే వారమా ? అమెరికా లో ఇదొక సీరియస్ సమస్య . కరోనా పూర్వ యుగం లో ఏటా నాలుగు కోట్ల మంది ఫ్లూ బారిన పడేవారు . దీని వల్ల కనీసం నాలుగు లక్షల మంది ఆసుపత్రి లో చేరాల్సి వచ్చేది . దీనికోసం ఏటా రెండు టీకాలు తీసుకొంటారు . అయినా ఏటా ఇరవై వేల మంది చనిపోతారు . అవునండీ జలుబు వల్ల చనిపొయ్యేవారి సంఖ్య ఏటా ఇరవై అయిదు వేలు .
ఇప్పుడు కరోనా విషయానికి వద్దాము . ఓమిక్రాన్ వల్ల దక్షిణాఫ్రికా లో ఆసుపత్రి పాలయ్యే వారి సంఖ్య 91 % తగ్గిపోయింది . వారి కోవిద్ వార్డులు ఖాళీ అవుతున్నాయి . రెండు వందల మందికి ఓమిక్రాన్ సోకితే ముగ్గురు మాత్రం ఆసుపత్రుల పాలయ్యే పరిస్థితి . అదీ మైల్డ్ లక్షణాలు . ఇప్పటిదాకా ఓమిక్రాన్ దక్షిణాఫ్రికా లో కనీసం నాలుగు లక్షల మందికి సోకితే ఒక్క మరణం కూడా జరగలేదు . అదే ఇంగ్లాండ్ దేశం ఓమిక్రాన్ తో చిగురుటాకులా వణుకుతోంది . అక్కడి ఆసుపత్రులు మూసుకోవాల్సి పరిస్థితి . డాక్టర్ లు నర్స్ లు వార్డ్ బాయ్ లు అందరూ ఖాయిలా పడితే ఇంక ఆసుపత్రి నడిచేది ఎలా ? మూడు డోసుల వాక్సిన్ తీసుకొన్నారు . మాస్క్ లు పెట్టుకొన్నారు . అయినా హెల్త్ సిబ్బందికే ఇంత సీరియస్ సమస్య . ఇక మాల్స్ హోటల్స్ లాంటి చోట్ల పని చేసే వారి సంగతి చెప్పనక్కర లేదు . ఇప్పుడు ఇంగ్లాండ్ మొత్తం ఖాయిలా పడింది . ఎందుకిలా ? దక్షిణాఫ్రికా లో తోక ముడిచిన ఓమిక్రాన్ ఎందుకు ఇంగ్లాండ్ ను కాటేస్తోంది ? ఎవరైనా మీకు చెప్పారా ?
ఇప్పుడు అమెరికా విషయానికి వద్దాము . ఇప్పటిదాకా ఆ దేశం లో కరోనా వల్ల మరణించిన వారి సంఖ్య అధికారికంగా ఎనిమిది లక్షలు . వాస్తవంగా ఇంక చాల ఎక్కువ అని వారి సీడీసీ సంస్థ చెప్పింది . అధికారికంగా ప్రకటించిన ఎనిమిది లక్షల మరణాల్లో నాలుగు లక్షల మరణాలు వాక్సిన్ వచ్చాక జరిగినవే . అంటే వాక్సిన్ పని చేయలేదని కాదు . అది లేకుంటే డెల్టా వేవ్ లో ఇంకా నాలుగైదు రెట్లు ఎక్కువగా మరణించే వారు . కానీ వాక్సిన్ వారిని రక్షించిందా? అంటే లేదు అని సమాధానం వస్తుంది . ఇప్పుడు వారి జనాభా లో డెబ్భై శాతానికి పైగా వాక్సిన్ ఇచ్చేసారు . అయినా రోజుకు లక్షన్నర కేసులు . ఇది జనవరి కల్లా మరింత పెరగనున్న స్థితి . ఇప్పడు రోజుకు రెండు వేలకు కాస్త తక్కువ గా మరణాలు . జనవరి నాటికి ఇది మరింత పెరిగే అవకాశం .ఇప్పుడు మరణిస్తున్న వారిలో వాక్సిన్ తీసుకోని వారు ఎక్కువగా వున్నారు అనేది వాస్తవం . కానీ అదే సమయం లో వాక్సిన్ తీసుకొన్న వారి మరణాలు కూడా వున్నాయి .
మూడు డోసుల వాక్సిన్ తీసుకొన్నా ఓమిక్రాన్ లాంటి బలహీనమైన వేరియంట్ అమెరికా , యూరోప్ దేశాలను వణికిస్తోంది . ఎందుకు ? పోనీ.. ఎప్పటికి ఈ సమస్య పరిష్కారం అయ్యేను ? వందేళ్ల క్రితం స్పానిష్ ఫ్లూ వచ్చింది . చచ్చిన వారు చచ్చారు . మన పూర్వీకులు కొంత మంది చనిపోయి వుంటారు . మన తాతలు బతికారు . దాన్ని జయించారు . ఆ వైరస్ పోలేదు . వందేళ్లుగా రకరకాలుగా మ్యుటేట్ అవుతోంది . మనం దాన్ని పట్టించుకోలేదు . అదీ మనకు సమస్య కాలేదు . మరో పక్క అమెరికా లో దానికి వాక్సిన్ ..ఏటా రెండు డోసులు . అయినా చావులు.
కరోనా పొయ్యేనా ?
కరోనా పోతుంది అనుకోవడం మూర్కత్వనికి పరాకాష్ట . వందేళ్ల క్రితం వచ్చిన ఫ్లూ వైరస్ పోలేదు . మరి కరోనా వైరస్ పోతుందా ? ఫ్లూ వైరస్ కు మందు ఉందా ? లేదే . మరి కరోనా వైరస్ కు వస్తుందా ? ఆలోచించండి .
ఫ్లూ వల్ల ఏటా ఇరవై వేల మంది చనిపొయ్యే అమెరికా దేశం లో కరోనా ఏమి చేయనుంది . ఇక మీదట ఏటా డిసెంబర్ నుంచి ఫిబ్రవరి దాక ఏటా కనీసం యాభై వేల మంది చనిపొయ్యే అవకాశం . ఇది సమీప భవిష్యత్తులో ఆగదు . అసలు సరైన మార్గం లో ప్రయాణం మొదలుపెడితే కదా పరిష్కారం దొరికేది .
ఈ పోస్ట్ సైన్స్ కో వాక్సిన్ కో వ్యతిరేకం అనుకునేరు . కాదు . సైన్స్ పేరుతొ మన చుట్టూరా జరుగుతున్న మాయ ను, మోసాన్ని, కుట్ర ను మీ ముందు ఉంచాడనికి ఒక చిన్న ప్రయత్నం .
మనిషి .. హోమో సేపియన్స్ .. నలబై లక్షల సంవత్సరాల క్రితం పరిణామ క్రమం లో ఆవిర్బావించాడు . మనిషి ప్రకృతిలో ఒక భాగం . మనిషి శరీరం లోని జన్యువులు ఇతర శరీర కణాలు , కణజాలాలు , అంగాలు , వ్యవస్థలు అదే విధంగా రూపొందాయి .
నేల విడిచి సాము చేస్తే ?
ఈ రోజు మీరు బతికి వున్నారు .. డెల్టా వేవ్ లో పోకుండా ఇంకా బతికి ఈ పోస్ట్ చదువుతున్నారు అంటే దానికి మీరు మీ తండ్రికి , తాతకు , ముత్తాతకు ఇంక పూర్వీకులకు రుణపడి ఉండాలి . కృతఙ్ఞతలు చెప్పాలి . వారు మట్టిలో బతికారు . నేల విడిచి సాము చెయ్యలేదు . నాగరికత పేరుతొ కొంప తగలబెట్టుకోలేదు . కానీ మీరు మీ పిల్లలకు చేస్తున్నది ఏమిటి ? ? ఆలోచించండి .
తిరిగీ పాతరాతి యుగం లో వెళ్లిపోవాలని నేను చెప్పడం లేదు . అది సాధ్యం కాదు కూడా ? కానీ నేల విడిచి సాము చేస్తే ?
మనిషిని బతికించేది ఆరోగ్యాన్ని ఇచ్చేది తిండి .. ఇంకా సరైన జీవన విధానం . ఆధునిక వైద్యం- నాగరికత ఇచ్చిన వరం . అది అవసరం . కానీ మనిషి టాబ్లెట్స్ తింటూ సెలైన్ ఎక్కించుకొంటూ బతకగలడా ? పండెమిక్ వచ్చినపుడు వాక్సిన్ వసరమే . కానీ వాక్సిన్ కంపెనీ ల కోసం బతకాలా ? వాక్సిన్ కంపెనీ లు మనుషుల కోసమా? లేక మనుషులు ఆసుపత్రులను వాక్సిన్ కంపెనీ ల ను బతికించడం కోసమా ? ఆలోచించండి .
తిరిగి అమెరికా విషయానికి వద్దాము . వారు తినే తిండి విష తుల్యం . ప్రకృతిలో సహజ సిద్ధంగా వచ్చిన పంటల్ని వారి ఆహార కంపెనీ లు జన్యుపరంగా మార్చేశాయి . దీన్ని జెనెటికల్లీ మాడిఫైడ్ ఫుడ్ అంటారు . అసలు జెనెటికల్లీ మావోడిఫీడ్ ఫుడ్ సమస్య కాదు అని వారి మోన్ శాంటో కంపెనీ వాదన . కాసేపు నిజం అనుకొందాము. ప్యాకింగ్ చేసేటప్పుడు అది జెనిటికెల్లి మాడిఫైడ్ అవునో కాదో దానిపై ముద్రించేలా కాంగ్రెస్ లో అంటే అమెరికా పార్లిమెంట్ లో ఒక బిల్లు ను ప్రవేశపెట్టారు . దాన్ని వీగి పొయ్యేలా చేసింది మోన్ శాంటో కంపెనీ డబ్బుల సంచులు .
ఆ దేశం లో మనుషులు తినేది కంపెనీ ల కు లాభం చేకూర్చడం కోసం . తాగేది .. అవునండీ మంచి నీళ్లతో కలుపుకొని వారు తాగేది కంపెనీ ల కోసమే . ఇక బతికేది ఆసుపత్రుల కోసం . అక్కడ మందులు , వాక్సిన్ లు మనుషుల కోసం కాదు . మనుషులు వాటి కోసం .
ఇది చదువుతుంటే మీకు గందర గోళంగా వుంది కదా ? అవునండీ .. వాస్తవం అంత సులభంగా అర్థం కాదు . బతకాలంటే చుట్టూరా జరుగుతున్న దానిని అర్థం చేసుకోవాలి . తప్పదు .
అమెరికా చాల అభివృద్ధి చెందిన దేశం . వారికి చెప్పేటంత గొప్పవాడిని కాను . చెప్పినా లాభం లేదు . నిద్ర పొయ్యే వాడిని లేపవచ్చు కానీ నిద్ర నటించేవాడిని లేపగలమా ? పాపం అమెరికా ప్రజలు . జీవితం అనే వైకుంఠ పాళీ లో వారికి నిచ్చెనలు తక్కువ . పాములు ఎక్కువ . ఆ పాములు ఫుడ్ , ఫార్మా ఇంక అనేక ఇతరత్రా కంపెనీ ల రూపం లో వున్నాయి . బహుశా తిరిగి రాలేని దూర తీరాలకు వారు వెళ్లిపోయారు .
పులిని చూసి నక్క వాత పెట్టుకోవడం .. దీని గురించి విన్నారా ? మనం భారతీయులం అమెరికా వారిని తెల్ల దొరలను చూసి ఎప్పుడు అదే చేస్తుంటాము . ఇది మానాలి.
ఇప్పుడు ఏమి చెయ్యాలో చెబుతాను . ప్రస్తుతానికి మాస్క్ పెట్టుకోండి . రెండు డోసుల వాక్సిన్ తీసుకోండి . ప్రభుత్వం చెప్పాక మాస్కు లు తీసి అవతల పడెయ్యండి . ముఖ్యంగా పిల్లల్ని మట్టిలో ఆడుకోనివ్వండి . అప్పుడే వారిలో ఇమ్మ్యూనిటి పెరుగుతుంది . లేక పొతే గాలి సోకితే ఎలర్జీ , మట్టి సోకితే ఎలర్జీ లు వచ్చి మన పాఠశాలల్లో కూడా ఎపి పెన్ లు వచ్చే పరిస్థితి వస్తుంది .
ప్రకృతికి దగ్గరగా పిల్లల్ని పెంచండి . ఆడనివ్వండి . ఎగరనివ్వండి. మట్టిలో ఆడాలి . దుమ్ము ధూళి తగలాలి . ఫిల్టెర్డ్ వాటర్ కాదు . మామూలు నీరు ఇవ్వండి . రిఫైన్డ్ ఆయిల్ కాదు . గానుగ నూనె ఇవ్వండి . హైబ్రిడ్ టమాటో , కృత్రిమంగా మాగ పెట్టిన అరటి లాంటి విషాలు మనకు కూడా వచ్చేసాయి . .ఇక్కడ కూడా ఆహారం విషతుల్యం అయిపోతోంది దీని నుంచి పిల్లల్ని రక్షించుకోండి.
గుర్తు పెట్టుకోండి . మనకు ఆరోగ్యాన్ని ఇచ్చేది ఆహారం .. మందులు కాదు . రోగం వచ్చినప్పుడు మందులు . నిజమే . అవసరమే . కానీ మందుల కోసం రోగాలు .. మనుషులు కాదు కదా ? మానాలి ఆరోగ్యం గా ఉంచేది మన దిన చర్యలు . వేల లేవడం .. ఎండ .. వ్యాయాయం .. మంచి తిండి .. పిలల్లకు ఆటలు .. ఆహ్లదం .. అంటే కానీ రోజూ కేసులు కేసులు అంటూ డోకు వార్తలు కాదు . రోజూ భయపడుతూ బతకడం కన్నా చావడం మేలు . నీ భయం తో భావితరాలకు శాశ్వత నష్టం చేయకు . ఒక్క మాటలో చెప్పాలంటే ఆరోగ్యం విష్యం లో ఇండియా ను అమెరికా చెయ్యకు .
ఆ అమ్మాయి పేరు విశాల . ఆమె తండ్రి ఢిల్లీ లో జవహర్లాల్ నెహ్రు విశ్వవిద్యాలయం లో పీహెచ్డీ చేసేవాడు . మా కుటుంబ మిత్రుడు . అప్పటికి విశాల చిన్న పిల్ల . అటు పై విశాల అమెరికా లో మెడిసిన్ చదివింది . డాక్టర్ అయ్యింది . ఆమె తండ్రికి అంటే మా ఫ్రెండ్ కు కాన్సర్ వచ్చింది . అయన మూడు నెలలో చనిపోతారు అని ఆసుపత్రి వర్గాలు చెప్పాయి . ఇక చచ్చేవాడికి ట్రీట్మెంట్ ఏమిటని ఆసుపత్రి వారు ఆయన్ని పక్కన పెట్టేసారు . విశాల అప్పటికి డాక్టర్ . తన తండ్రి బాధ ను చూసింది . మాస్ విరిగి పొయ్యింది . వైద్యం గొప్ప శాస్త్రం . దాన్ని కాదనే వాడు మూర్కుడు . కానీ వైద్యం ఎవరికి ? ఎందుకు ? వైద్యం మనిషి కోసమా ? లేక ఆసుపత్రుల కోసమా ? ఆలోచించింది . వృత్తిని వదిలేసింది .
కెనడా లో మెడికల్ ఆంత్రోపాలజి లో చేరింది . MA లో ఆమె సబ్జెక్టు PEOPLE అండ్ మెడిసిన్ . అంటే ప్రజలు - వైద్యం . ప్రజల కోసం వైద్యం . అక్కడే పీహెడీ చేసింది . అమెరికా లో విస్కాన్సిన్ యూనివర్సిటీ లో ఇప్పుడు ఆమె PEOPLE అండ్ మెడిసిన్ ను విద్యార్థులకు బోధిస్తోంది .
ఈ పోస్ట్ డాక్టర్ ల కు ఆధునిక వైద్యానికి వ్యతిరేకం అని ప్రచారం చేసేవారు వుంటారు . ఆధునిక వైద్యం గొప్ప శాస్త్రం . వైద్యులు దేవుళ్ళు . సమస్య అల్లోపతి తో కాదు . దాన్ని చెరపట్టిన నరరూప రాక్షసుఁల తో . సమస్య డాక్టర్ ల తో కాదు . వారి వైద్యం గొప్పది . సమస్య ఆసుపత్రుల్ని బతికించడం కోసమే మనుషులు అనే విధంగా రూపొందుతున్న నేటి వ్యవస్థతో .
మన పూర్వీకుల మంచి జీవన విధానం పుణ్యమా అంటూ మనం ఆరోగ్యం గా వున్నాము . జీవిస్తున్నాము . మన పిలల్లకు మనం ఏమి ఇవ్వబోతున్నాము ? వారిని రోగులుగా మార్చి ఫార్మసురులకు అప్పచెబ్బబోతున్నామా ? మాస్కు లు .. వాక్సిన్ లు దాటి మనం ముందుకు సాగలేమా ? సహజ జీవన విధానాన్ని అనుసరించలేమేనా ?
చివరిగా ఒక మాట . మన సంప్రదాయాలు అన్నీ గొప్పవి అని నేను చెప్పడం లేదు . మంచి ఎక్కడ వున్నా గ్రహించాలి . పర సంస్కృతుల పట్ల సహనం , ప్రజాస్వామిక భావన , వర్క్ ఎథిక్స్ ఇలాంటి విషయాల్లో మనం అమెరికా లాంటి దేశాల నుంచి నేర్చుకోవాల్సింది ఎంతో వుంది . అది వేరే సబ్జెక్టు .
సర్వే జన సుఖినోభవంతు .
మిత్రమా .. నువ్వొక సంధి యుగం లో వున్నావు . ఇప్పుడు నువ్వు ఏమి చేస్తావు అనే దాని పై నీ రాబొయ్యే తరాల భవిష్యత్తు ఆధారపడింది . మంచి మార్గం లో అడుగు ముందుకు వెయ్యి . ఆ క్రమం లో ఈ మెసేజ్ ను ఒకటికి రెండు సార్లు చదువు . వినదగు నెవ్వరు చెప్పిన .. విననంతనే వేగపడకే వివరింపతగున్ ..నేను చెప్పిన విషయాల పట్ల లోతుగా ఆలోచింది . మిత్రుల తో శ్రోయోభిలాషుల తో చర్చించు . మంచి దారిలో ముందుకు సాగు . అదే నీ భావితరాలకు నువ్వు ఇచ్చే కానుక.
ఒక స్కూల్ యజమానికి కరోనా గురించి ఏమి తెలుసు అని కొంత మంది ఎగతాళి చేస్తున్నారు . వారందరికీ ఒకటే సమాధానం . మా విశాల చిన్నపిల్లగా వున్నప్పుడే నేను కొన్ని వేల మందికి ఆంథ్రోపాలజీ చెప్పిన బోధకుడి ని . ప్యూపిల్ అండ్ మెడిసిన్ అంటే ప్రజల కోసం వైద్యం . ఇదే పోస్ట్ సారం .

సేకరణ