*నాన్నంటే*

*నాన్న అంటే* 

*పేగుబంధం లేని వాడు*

*కడుపుతీపి తెలియని వాడు*

*అమ్మలాగ  వివరించగ*

*గొప్పేమీ లేని వాడు*

*అందుకే..........‌!*

*నాన్న అంటే అంతే....!*

*నా అన్న కథలేని వాడు*

*నాదీ అన్న స్వార్థం లేని వాడు*

*కుటుంబమనే వ్యామోహంలో* 

*ఆశల్ని వదులుకునే వాడు*

*ఆశయాల్ని విస్మరించే వాడు*

*సుతుల భవితవ్యపు బాధ్యత*

*జన్మ పరమార్థంగా* *భావించే* 

*వట్టి* *అమాయకుడు.....!*

*అందుకే........!*

*నాన్నంటే అంతే.......!*

*జోలపాడ లేని గంభీర స్వరంతో*

*ప్రేమ చూపలేని మూగ గాయకుడు*

*లాలిస్తూ బుజ్జగిస్తూ* 

*పొగడ్తల ముంచలేని నిర్లక్షపు* *ప్రేమికుడు......!*

*అందుకే...‌...!*

*నాన్నంటే అంతే.......!*

*వీపున మోసేవాడు*

*వేలు పట్టి* *నడుపువాడు*

*ముద్దుల* *మురిపించువాడు*

*దారి తెన్ను చూపు* *వాడు*

*కానీ......*

*నడక నేర్చిన కౌమరం*

*పరుగులు* *లంకించునాడు*

*వద్దని ఆపేవాడు*

*హద్దులు గీసేవాడు*

*వెన్నంటే ఉంటూనే*

*నమ్మించి మోసం* *చేసేవాడు....!*

*అందుకే.........‌‌!*

*నాన్నంటే అంతే.......!*

*పదవులు లేని వాడు* 

*పట్టాలు పొందని వాడు*

*మట్టి మరకల అంగీ ఒంటి మీదున్నా*

*భయమేమి‌ లేదు అని భరోసా‌‌ ఇచ్చేవాడు*

*తన‌ బ్రతుకున లేని రాజసం*

*మన‌ బ్రతుకున నింపేందుకు*

*గానుగెద్దు వలె‌ మెడన ఖాని మోస్తూ*

*నేనున్నానని బాతఖానీ చెప్పేవాడు*

*వట్టి మాయలోడు.....!*

*అందుకే.........!*

*నాన్నంటే అంతే...!*

*కష్టాలన కడగండ్లన*

*నిత్యం ములిగేవాడు*

*ఆటల పాటల కలవక*

*తప్పించుకు తిరుగువాడు*

*మెలకువ వేళ చిక్కనివాడు*

*పడుకునే వేళ* *దక్కనివాడు*

*అర్థం కాని ఆరాటాలతో*

*ఉరుకుల పరుగుల బాటలలో*

*గమ్యంకై వెతికే వాడు*

*ఎప్పటికీ అర్థంకాని పిచ్చివాడు* 

*అందుకే.........!*

*నాన్నంటే అంతే...!*

*గుమ్మమున్న ప్రతి* *ఇంట్లో*

*గుండెలేని* *మొండివాడు*

*నాదీ‌ అన్న ప్రతీవారి*  *కథలో* 

*అప్రమేయపు తొలి* *ఆక్రమణ‌దారు* 

*స్వేచ్ఛకి సంకెళ్ళు వేస్తూ* 

*నియంత్రణలో* *కఠినాత్ముడు*

*కుటుంబమే‌* *విమర్శించ* 

*తొలి శత్రువు అతనే మరి*

*అందుకే.........!*

*నాన్నంటే అంతే...!*

*కానీ.....!*

*రెక్కలు వచ్చిన నాడు*

*సంసార వలయాన చిక్కిన నాడు*

*బంధాలు బాధ్యత తెలిసొచ్చిననాడు*

*కుటుంబ భారం శిరమున మోసేనాడూ*

*మనలో మనకే తెలియక*

*నాన్నే కనిపించునాడు* 

*నిజమే* *గ్రహించుననాడు*

*అర్థం తెలియక* *ధూషించబడిన ఆ నాన్న*

*పొరబడిన ప్రతీక్షణపు పరమార్థం* *తెలియవచ్చి*

*పశ్చాత్తాపం కళ్ళన* *చెమ్మలయ్యి* *మసకబార*

*పూలమాల మెడన వేసుకు*

*పరిహాసపు* *చిరునవ్వుతో*

*గోడన వేలాడుతాడు* *స్వర్గీయ* *బిరుదాంకితుడు*

*క్షమించగా రాడు* *చూడు నాన్నెంత* *కఠినాత్ముడు*

*అందుకే.........!*

*నాన్నంటే అంతే...!*

*చనుబాలను రుచిమరిగిన*

*కౌగిట లాలించబడిన*

*బాహువులతో* *మోయబడిన*

*అమ్మకూచీ అయిన ఈ ప్రపంచానికి*

*మితిమీరిన *మాతృత్వపు* *వర్ణణలో* 

*అతనొక మసిబారిన* *చవకదారు*

*వర్ణించే కలానికి* *కమ్మని వస్తువూ కాదు*

*స్త్రీ అంటే క్షేత్రమని* *పురుషుడంటే బీజమని*

*సమభాగమే*, *సంభోగమే నీ,నా పుట్టుక అని*

*సమన్యాయం పాటించని సామాజిక ధర్మంలో*

*నాన్నంటే అంతే మరి...!* 

*అందుకే.....!*

*చెప్పకోదగింత* *గొప్పవాడేమి కాదు*

*రాసి కొలిచేంత ఘనకిర్తి కలవాడేమి కాదు*

*నాన్న అంటే నాన్న అంతే...!*

      

                     *✍️ మీ ప్రజా కళాకారుడు భాస్కర్ యాదవ్ ✍️*